Myrddin: Proffwyd a Dewin
Hyd | 10 cyfarfod wythnosol | |
---|---|---|
Tiwtor | Dr Juliette Wood | |
Côd y cwrs | FOL23A5524A | |
Ffi | £186 | |
Ffi ratach | £148 (gwybodaeth am gymhwysedd ac opsiynau ariannu) | |
Location | Adeilad John Percival |
Ers iddo ymddangos yn History of the Kings of Britain gan Sieffre o Fynwy, mae Myrddin wedi parhau i fod yn un o gymeriadau mwyaf poblogaidd y chwedl Arthur.
Fodd bynnag, mae'r dewin gwych hwn hefyd yn baradocs. Fe’i disgrifiwyd fel dewin pwerus, bardd chwedlonol a siaman a drechwyd yn y pen draw gan ei hud ei hun.
Yn debyg i lawer sy'n gysylltiedig â'r chwedl Arthur, i ddeall Myrddin, rhaid edrych y tu ôl i'r chwedlau a'r traddodiadau sy’n gysylltiedig â’i enw. Efallai yr oedd yn ffigwr llwyr ddychmygol a oedd yn ysgrifennu cerddi i fochyn bach yng nghysgod coeden afalau, neu’n fardd go iawn o Gymru. Fel arall, awgrymwyd ei fod yn siaman Celtaidd yn gysylltiedig â thraddodiad a oroesodd i'r byd canoloesol.
Mae'r safbwyntiau gwahanol hyn wedi dylanwadu ar sut mae ffilm a diwylliant poblogaidd wedi portreadu Myrddin. Mae'r ffigwr amlochrog hwn bellach yn byw ym mydoedd neo-ganoloesol yr Arglwydd Tennyson a T.H. White, yn ogystal â bod yn ddewin cartwnau Disney a sioeau cerdd Broadway. Teimlwyd ei ddylanwad ar ffigurau tywyllach llenyddiaeth ffantasi fel Gandalf a Dumbledore.
Sut beth oedd y Myrddin 'dilys' mewn gwirionedd? Wrth chwilio am Myrddin, byddwn yn teithio drwy lenyddiaeth, llên gwerin, archaeoleg a chelf.
Dysgu ac addysgu
Cyflwynir y modiwl trwy ddeg sesiwn 2 awr o hyd. Bydd y sesiynau hyn yn cynnwys darlithoedd ac yna trafodaethau dosbarth a gwaith grŵp ar bynciau penodol sy'n ymwneud â'r modiwl.
Bydd y drafodaeth a'r gwaith grŵp yn galluogi’r myfyrwyr i feddwl yn feirniadol a chyfrannu at y dadleuon a'r pynciau a gyflwynir yn ystod y darlithoedd. Bydd adnoddau sydd ar gael i fyfyrwyr trwy Dysgu Canolog yn atgyfnerthu’r sesiynau trafod dan arweiniad a'r darlithoedd.
Maes Llafur:
- Byd Hud a Rhamantus yr Oesoedd Canol
- Genedigaeth Myrddin
- Myrddin yng Nghymru
- Bywyd Canoloesol Myrddin
- Myrddin a Viviane
- Myrddin fel Proffwyd
- Llyfrau Myrddin: y Dadeni a Thu Hwnt
- Breuddwydion Shamanaidd - Myrddin a'r Derwyddon
- Trawsnewid Myrddin: Gandalf, Dumbledore a'i Gyfeillion
- Myrddin mewn Ffuglen, Ffantasi a Chelf
Gwaith cwrs ac asesu
Bydd disgwyl i chi gwblhau dau ddarn o waith a asesir:
- adolygiad beirniadol byr
- traethawd 1000 gair.
Bydd llawer o gymorth a chefnogaeth ar gael ar gyfer y ddau aseiniad.
Deunydd darllen awgrymedig
- John Bollard, ‘The earliest Myrddin poems’, in Arthur in the Celtic Languages: The Arthurian Legend in Celtic Literatures and Traditions, edited by Ceridwen Lloyd-Morgan and Erich Poppe (Cardiff: University of Wales Press, 2019).
- Geoffrey of Monmouth, The History of the Kings of Britain, trans Lewis Thorpe (Hardmondsworth: Penguin, 1966).
- Geoffrey of Monmouth, Life of Merlin, trans Basil Clarke (Cardiff: University of Wales Press, 1973).
- A.O.H. Jarman, ‘The Merlin legends and the Welsh tradition of prophecy’, in The Arthur of the Welsh: The Arthurian Legend in Medieval Welsh Literature, ed. Rachel Bromwich, A. O. H. Jarman, and Brynley Roberts (Cardiff: University of Wales Press, 1991).
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.