Japaneeg i Ddechreuwyr I
Nid oes modd cadw lle ar y cwrs hwn ar hyn o bryd
Nid oes dyddiadau ar gael ar gyfer y cwrs hwn ar hyn o bryd. Byddwch y cyntaf i gael gwybod pan gyhoeddir dyddiadau newydd trwy ymuno â’r rhestr bostio..
Mae'r cwrs hwn ar gyfer dechreuwyr llwyr, a chaiff myfyrwyr eu cyflwyno i’r Japaneeg a diwylliant Japan.
Bydd myfyrwyr yn dysgu Hiragana ac yn cael digon o gyfle i ymarfer sgwrsio sylfaenol.
Dyma'r pynciau fydd o dan sylw:
- cyflwyniad i’r Japaneeg
- cyfarchion a mynegiadau o ddydd i ddydd
- gwybodaeth bersonol
- rhifau, amser a diwrnod
- siopa
- teithio a thrafnidiaeth
Bydd y cwrs hefyd yn cynnwys y pwyntiau gramadegol sylfaenol y bydd arnoch eu hangen ar y lefel hon, a fydd yn cynnwys y canlynol:
- Enw + desu: y dyfodol, y presennol a’r gorffennol
- Berfau Symud: y dyfodol, y presennol a’r gorffennol
Mae’r cwrs wedi’i anelu at fyfyrwyr sydd â diddordeb cyffredinol mewn Japaneeg ac sy’n dymuno gallu cynnal sgwrs syml iawn. Nid oes angen gwybodaeth flaenorol o’r Japaneeg gan fod y cwrs ar gyfer dechreuwyr llwyr.
Ddim yn siŵr pa lefel sy’n addas i chi? Dewch o hyd i'ch lefel.
Dysgu ac addysgu
Mae'r cwrs yn canolbwyntio ar gymryd rhan, ac anogir y myfyrwyr i wneud hynny trwy amrywiaeth o weithgareddau anfygythiol a gynlluniwyd i ysgogi cyfathrebu.
Gwaith cwrs ac asesu
I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu caffael neu eu gwella. Dylai rhywfaint o’r dystiolaeth fod ar ffurf y gallwn ei rhoi gerbron arholwyr allanol, fel y gallwn fod yn gwbl sicr bod safonau yn cael eu cyflawni ym mhob cwrs a phwnc.
Ni fyddwch yn cael arholiadau ffurfiol, ond efallai y byddwch yn cael profion darllen a gwrando yn y dosbarth. Efallai y gofynnir i chi ysgrifennu testunau byr fel gwaith cartref.
Mae ein hasesiadau yn hyblyg er mwyn gweddu i’r cwrs a'r myfyriwr. Yr elfen bwysicaf o’r asesu yw y dylai gryfhau’r dysgu.
Mae ein dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.
Deunydd darllen awgrymedig
Gwerslyfrau'r cwrs yw: Japanese for Busy People I (Kana version), 3ydd Argraffiad Diwygiedig, AJALT, 2006.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
