Portiwgaleg Ganolradd Cyfnod C
| Tiwtor | Larissa Berquo |
|---|---|
| Côd y cwrs | POR24A3042A |
| Ffi | £383 |
| Ffi ratach | £306 (gwybodaeth am gymhwysedd ac opsiynau ariannu) |
| Location | Adeilad John Percival |
Mae'r cwrs hwn ar gyfer myfyrwyr sydd wedi astudio Portiwgaleg am ddwy flynedd yn rhan-amser, sydd eisiau symud ymlaen ymhellach yn eu sgiliau iaith gweithredol a goddefol.
Mae'r pwyslais ar sgiliau cyfathrebu a sgiliau darllen a deall ond mae hefyd yn adeiladu ar y sail ramadegol a gaed mewn cyrsiau lefel is.
Caiff rhai pynciau eu diwygio a’u hymestyn gyda themâu newydd a gyflwynwyd i ehangu gwybodaeth myfyrwyr am ddiwylliant a chymdeithas Portiwgal a Brasil.
Dysgu ac addysgu
Mae'r cwrs yn canolbwyntio ar gymryd rhan, ac anogir y myfyrwyr i gymryd rhan yn y dosbarth trwy amrywiaeth o weithgareddau diogel a gynlluniwyd i ysgogi cyfathrebu.
Gwaith cwrs ac asesu
I ni, y peth pwysicaf am asesu yw y dylai wella’r hyn rydych chi’n ei ddysgu. Mae ein dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.
Mae’r cwrs hwn yn cael ei asesu mewn pedair rhan er mwyn asesu pob un o'r sgiliau canlynol: siarad, gwrando, darllen ac ysgrifennu. Fe’i cynlluniwyd i wella’r hyn a ddysgwch chi yn ystod y cwrs.
Yn ychwanegol at y sesiynau wythnosol, argymhellwn eich bod yn treulio amser rhwng y gwersi yn adolygu ac yn ymarfer yr hyn a wnaed yn y dosbarth.
Deunydd darllen awgrymedig
Byddwn yn darparu'r holl ddeunyddiau.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
