Atgofion a Chofio
| Hyd | 10 cyfarfod wythnosol | |
|---|---|---|
| Tiwtor | Taylor Edmonds | |
| Côd y cwrs | CRW24A5530A | |
| Ffi | £196 | |
| Ffi ratach | £157 (gwybodaeth am gymhwysedd ac opsiynau ariannu) | |
| Location | 50-51 Plas y Parc |
Beth yw'r berthynas rhwng atgofion a'r cof?
Sut mae atgofion yn wahanol i genres eraill, megis ysgrifennu bywyd neu hunangofiant? Sut gall darnau o eiliadau, boed yn cofio lleoedd neu bobl, teimladau neu synau, ein helpu i ysgrifennu am ein bywydau?
Mae'r modiwl hwn yn eich gwahodd i dynnu ar atgofion i ysgrifennu am adegau pwysig a throbwyntiau mewn gweithdai diogel a chefnogol.
.
Dysgu ac addysgu
Cyflwynir y modiwl drwy ddeg sesiwn 2 awr, a fydd yn cynnwys gweithdai, trafodaethau dosbarth a gwaith grŵp bach.
Gallai’r pynciau gynnwys:
- Diffinio Atgofion
- Atgofion Cynnar
- Dangos yn erbyn Dweud
- Archwilio Themâu
- Gwrthrychau a’r Cof
- Atgofion Cyfoes
- Ymarferion Myfyriol
Gwaith cwrs ac asesu
I ddyfarnu credydau, bydd rhaid i ni gael tystiolaeth o’r wybodaeth a’r sgiliau rydych chi wedi’u hennill neu eu gwella.
Rhaid i rywfaint o’r dystiolaeth hon fod ar ffurf y gallwn ei rhoi gerbron arholwyr allanol er mwyn i ni allu bod yn hollol sicr bod safonau’n cael eu bodloni ym mhob cwrs a phwnc.
Elfen bwysicaf y broses asesu yw y dylai gyfoethogi’ch dysg. Lluniwyd ein dulliau i wella eich hyder, a gwnawn bob ymdrech i greu ffyrdd o asesu sy’n rhoi mwynhad ac sy’n addas ar gyfer oedolion â bywydau prysur.
Byddwch yn cwblhau portffolio ysgrifennu creadigol ac yn ysgrifennu’n fyfyriol am eich proses eich hun. Bydd y portffolio yn cynnwys tua 1500 o eiriau.
Deunydd darllen awgrymedig
Byddwch yn cael awgrymiadau darllen cynhwysfawr ar ddechrau'r cwrs. Nid oes angen darllen ymlaen llaw.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
