Groeg i Ddechreuwyr II
Nid oes modd cadw lle ar y cwrs hwn ar hyn o bryd
Nid oes dyddiadau ar gael ar gyfer y cwrs hwn ar hyn o bryd. Byddwch y cyntaf i gael gwybod pan gyhoeddir dyddiadau newydd trwy ymuno â’r rhestr bostio..
Bydd y cwrs hwn, sy’n dilyn ymlaen o Groeg i Ddechreuwyr I yn gwella sgiliau iaith a gwrando ymhellach, ac yn rhoi cyflwyniad i ramadeg fwy cymhleth.
Nid yw'n addas ar gyfer dechreuwyr llwyr a dylai myfyrwyr sy'n ymuno wrth y cam hwn fod yn gwybod sut i ddarllen Groeg, a chael ychydig o afael ar strwythur yr iaith.
Er bod y pwyslais ar siarad, byddwch hefyd yn dysgu rhagor o strwythurau gramadegol sylfaenol a phatrymau brawddegau. Byddwch yn dysgu sut i:
- ddarllen llythrennau a thestunau sylfaenol
- deall deialogau dilys, a llunio eich deialogau eich hun trwy waith grŵp a/neu bâr yn ystod y wers.
Byddwch yn cwblhau ymarferion ysgrifenedig gartref. Dyma'r pynciau fydd o dan sylw:
- Siopa
- Teithio/Gwyliau
- archebu ystafelloedd mewn gwestai
- Siarad am y teulu
- Lliwiau
- Siarad amdanoch eich hun
- Mynegi barn
Gramadeg:
- mynegiadau: Rwy eisiau; Rwy o'r farn; Rwy'n gallu,
- defnyddio'r fannod i ddisodli enwau,
- rhagenwau meddiannol (pwysleisiol)
- ffurfdroadau o gategorïau amrywiol o enwau,
- amser y gorffennol; amser y presennol a'r modd dibynnol.
Mae’r cwrs hwn ar gyfer myfyrwyr sydd â dealltwriaeth hynod sylfaenol o iaith Groeg ac sydd am allu gwella eu sgiliau sgwrsio sylfaenol wrth deithio i Wlad Groeg.
Ddim yn siŵr pa lefel sy’n addas i chi? Dewch o hyd i'ch lefel.
Dysgu ac addysgu
Mae'r cwrs yn canolbwyntio ar gymryd rhan, ac anogir y myfyrwyr i gymryd rhan yn y dosbarth trwy amrywiaeth o weithgareddau anfygythiol a gynlluniwyd i ysgogi cyfathrebu.
Gwaith cwrs ac asesu
I ddyfarnu credydau, bydd angen i ni gael tystiolaeth o’r wybodaeth a’r sgiliau yr ydych wedi eu caffael neu eu gwella. Dylai rhywfaint o’r dystiolaeth fod ar ffurf y gallwn ei rhoi gerbron arholwyr allanol, fel y gallwn fod yn gwbl sicr bod safonau yn cael eu cyflawni ym mhob cwrs a phwnc.
Ni fyddwch yn cael arholiadau ffurfiol, ond efallai y byddwch yn cael profion darllen a gwrando yn y dosbarth. Efallai y gofynnir i chi ysgrifennu testunau byr fel gwaith cartref. Mae ein hasesiadau yn hyblyg er mwyn gweddu i’r cwrs a'r myfyriwr. Yr elfen bwysicaf o’r asesu yw y dylai gryfhau’r dysgu.
Mae’n dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
