Ffrangeg i Ddechreuwyr Llwyr
| Hyd | Dydd Llun 17 Mehefin i ddydd Gwener 21 Mehefin 2024 | |
|---|---|---|
| Tiwtor | Hamid Sahki | |
| Côd y cwrs | FRE23A4182A | |
| Ffi | £148 | |
| Ffi ratach | £127 (gwybodaeth am gymhwysedd ac opsiynau ariannu) | |
| Location | 50-51 Plas y Parc |
Mae’r cwrs hwn yn addas i chi os nad ydych yn medru gair o Ffrangeg (neu ychydig bach yn unig). Mae’n canolbwyntio ar siarad a deall yr iaith mewn cyd-destunau ymarferol.
Delfrydol os ydych am gael blas ar Ffrangeg! Bydd 2 awr o hyfforddiant trwy weminarau byw ac 1 awr o baratoi ar gyfer pob sesiwn.
Mae cyn-gofrestru yn hanfodol
Ddim yn siŵr pa lefel sy’n addas i chi? Dewch o hyd i'ch lefel.
Dysgu ac addysgu
Bydd y cwrs yn canolbwyntio ar gymryd rhan, felly fe gewch eich annog i gymryd rhan yn llawn yn y dosbarth.
Mae’r cwrs yn seiliedig ar gyfathrebu a dyma’r pynciau fydd o dan sylw:
- cyfarchion a ffarwelio
- siarad amdanoch eich hun a’ch teulu
- siarad am waith ac astudiaethau
- siopa
- bwyd a diod.
Ar gyfer pwy mae’r cwrs hwn? Ar gyfer dechreuwyr llwyr neu fyfyrwyr sydd ag ychydig iawn o Ffrangeg.
Darperir holl ddeunyddiau'r cwrs
Gwaith cwrs ac asesu
Nid oes asesiad ffurfiol yn y cwrs hwn. Bydd eich presenoldeb a’ch cyfranogiad yn cyfrif tuag at y credydau. Mae ein hasesiadau yn hyblyg er mwyn gweddu i’r cwrs a'r myfyriwr.
Yr elfen bwysicaf o’r asesu yw y dylai gryfhau’r dysgu. Mae’n dulliau ni wedi’u llunio i gynyddu eich hyder, a byddwn ni’n gwneud pob ymdrech i ddyfeisio ffyrdd o asesu sy’n llawn mwynhad ac yn gweddu i fywydau prysur oedolion.
Deunydd darllen awgrymedig
Ar gyfer astudiaethau personol, gallwch ddod o hyd i ddeunydd digonol yn:
- The French Experience 1, New Edition, BBC 2003
- Breakthrough French 1, S. Rybak, Palgrave Macmillan, 2003.
Cyfleusterau llyfrgell a chyfrifiadura
Fel myfyriwr ar y cwrs hwn, mae gennych hawl i ymuno â llyfrgell a chyfleusterau cyfrifiadurol y Brifysgol a’u defnyddio. Rhagor o wybodaeth am ddefnyddio’r cyfleusterau hyn.
Hygyrchedd
Ein nod yw sicrhau mynediad i bawb. Rydym yn anelu at roi cyngor cyfrinachol a gwasanaeth cefnogol i unrhyw fyfyriwr sydd â chyflwr meddygol hir dymor, anabledd neu anhawster dysgu penodol. Gallwn gynnig cyngor un i un am anabledd a threfnu ymweliadau cyn cofrestru, cysylltu gyda thiwtoriaid a darlithwyr, trefnu deunydd mewn fformatau eraill, rheoli trefniadau cyrsiau hygyrch a threfniadau asesiadau, benthyg offer a sgrinio ar gyfer dyslecsia.
