UA 28 Hanes
Ers REF 2014, yr uned hon yw'r 11eg fwyaf yn y panel. Rydym wedi ehangu ein harbenigedd yn ddaearyddol ac yn fethodolegol drwy gynnwys ymchwil mewn crefydd a diwinyddiaeth. O effaith gymunedol, megis cynyddu cyfranogiad diwylliannol a gwerth cymunedol drwy Brosiect CAER, i effaith ehangach drwy hyrwyddo dealltwriaeth o drawsblannu organau ymhlith Mwslimiaid Prydain, adlewyrchir ein hunaniaeth ryngddisgyblaethol drwy'r cyflwyniad cyfan.
Rydym yn y 17eg safle yn y DU ar gyfer pŵer ymchwil - arwydd o raddfa ac ansawdd ein cyflwyniad. Ystyrir bod 90% o'n hamgylchedd ymchwil yn ffafriol i gynhyrchu ymchwil sy'n arwain y byd neu sy'n rhagorol yn rhyngwladol.
Rydym yn meithrin cymuned ymchwil gynhwysol, amrywiol a chydweithredol. Mae cyflwyno gwaith 100% o'n staff cymwys i'r Uned Asesu hon yn adlewyrchu hynny.
Ein canlyniadau
| Lefel ansawdd | % 4 seren | % 3 seren | % 2 seren | % 1 seren | % Diddosbarth |
|---|---|---|---|---|---|
| Cyfanswm | 32.0 | 41.0 | 26.0 | 1.0 | 0.0 |
| Allbynnau | 26.4 | 41.4 | 29.7 | 2.5 | 0.0 |
| Effaith | 50.0 | 25.0 | 25.0 | 0.0 | 0.0 |
| Amgylchedd | 25.0 | 65.0 | 10.0 | 0.0 | 0.0 |
Ein hamgylchedd ymchwil
Mae'r uned hon yn rhan o’r Ysgol Hanes Archaeoleg a Chrefydd lle rhennir safonau cyffredin o ran gonestrwydd disgyblaethol, deialog ryngddisgyblaethol, ac ymrwymiad ar y cyd i gydraddoldeb, amrywiaeth a chynhwysiant.
Mae ein tri grŵp ymchwil (Hanes, Hanes yr Henfyd a Chrefydd), yn cynhyrchu ymchwil sy'n berthnasol yn fyd-eang ac sy’n seiliedig ar faterion a phryderon lleol. Mae'r sylfaen amlddisgyblaethol a rhyngddisgyblaethol hon i'r uned wedi parhau’n elfen ganolog o’n gweithgarwch ymchwil drwy gydol cylch y Fframwaith Rhagoriaeth Ymchwil, ac mae'n parhau i lywio ein strategaeth ymchwil ar gyfer y dyfodol.
Ein nod yw datblygu arbenigeddau sy'n cael eu cydnabod yn fyd-eang ac sy'n berthnasol yn lleol. Mae ein cryfderau rhyngddisgyblaethol, traws-uned yn cynnwys Hanes Trawswladol a Thrawsddiwylliannol, Byd yr Iwerydd, Cymru a'r Byd, Hanes Cymdeithasol Meddygaeth,Hanes a Lle Presennol Islam, Rhyfela o Gyd-destunau Hynafol i Fodern, a Chrefydd o Safbwyntiau Trawsranbarthol.
Ein hamcan ers REF 2014 yw creu diwylliant ymchwil sy'n galluogi ac yn meithrin lle mae ceisiadau rheolaidd ac o safon uchel am gyllid, llythrennedd grant a chymorth ymchwil yn rhan arferol o waith pob aelod o staff ar draws cyfnodau gyrfa. Mae'r gwaith o gyfuno ac ehangu'r uned yn ystod y cyfnod hwn wedi cael ei arwain gan ymrwymiad parhaus i gynhyrchu ymchwil o'r radd flaenaf sy'n seiliedig ar egwyddorion cydraddoldeb, amrywiaeth a chynhwysiant.
Rydym wedi llwyddo i gydweithio’n rhyngwladol ar raddfa ehangach i gysylltu ein hymchwil ar draws y byd yn ogystal â pharhau i fod â chysylltiad agos â materion lleol a chenedlaethol. Mae’r fenter Gwyddorau-Dyniaethau yn enghraifft o hyn sydd wedi cynhyrchu ymchwil sy’n berthnasol yn fyd-eang ac sy'n rhychwantu STEM a'r Dyniaethau trwy weithdai yn Ewrop a Gogledd America, gan weithio'n agos gyda chynrychiolwyr yn y gymuned feddygol (GIG).
Dewch i gael gwybod am ein hymchwil
Mae ein haneswyr yn gwthio ffiniau o fewn a thu hwnt i'r ddisgyblaeth, gan lunio partneriaethau yng Nghymru, y DU, ac yn fyd-eang, gan greu effaith barhaol ymhell y tu hwnt i'r byd academaidd.
