Ymsefydlu ôl-raddedig i fyfyrwyr Pensaernïaeth

Gwybodaeth am gofrestru ac ymsefydlu i fyfyrwyr ôl-raddedig yn Ysgol Pensaernïaeth Cymru.

27 Medi - 1 Hydref: wythnos ymsefydlu ar-lein

Mae’r wythnos ymsefydlu ar-lein yn cynnwys nifer o weithgareddau sydd â’r nod o’ch helpu i:

• gwblhau eich cofrestriad
• ymgyfarwyddo â'r llwyfannau dysgu ar-lein a ddefnyddir gan Brifysgol Caerdydd ac Ysgol Pensaernïaeth Cymru
• mynychu gweminarau Iechyd a Diogelwch gorfodol
• dysgu am ddosbarthiadau iaith Saesneg ac, os oes angen, cofrestru ar gyfer sesiynau tiwtorial Saesneg
• ymgyfarwyddo ag adnoddau llyfrgell Prifysgol Caerdydd.

Gan mai hon yn aml yw'r wythnos pan fyddwch chi'n symud i Gaerdydd (os ydych wedi dewis astudio yma gyda ni) ac yn ymgartrefu yno, mae'r mwyafrif o'r gweithgareddau hyn wedi’u cynllunio i fod yn ddigwyddiadau ar-lein a recordiwyd ymlaen llaw, y gallwch chi eu gwylio ar adeg sy'n gyfleus i chi.  

Mae’r wythnos hon hefyd yn cynnwys croeso i fyfyrwyr ôl-raddedig sy’n cael ei ffrydio’n fyw. Bydd y cyflwyniad yn gyfle i ni gwrdd â’n gilydd a thrafod sut y gallwn ddarparu dysgu cyfunol eleni.

Dylai pob myfyriwr ôl-raddedig newydd a addysgir fynd i'r sesiynau ar-lein canlynol:

Dydd Llun 27 Medi

Mae cyfnod y coronafeirws (COVID-19) yn amser heriol i fyfyrwyr, felly rydym am sicrhau eich bod yn cael cefnogaeth lawn gyda’ch dysgu. Bydd ein cyflwyniad i ddysgu Cyfunol ym Mhrifysgol Caerdydd (a nodir hefyd yn yr amserlen uchod) yn eich helpu i baratoi a mynd i'r afael ag unrhyw bryderon sydd gennych ynglŷn â sut olwg fydd ar eich gwersi. Os ydych chi'n gweithio o bell, gallwch ddarllen y canllaw Dysgu o Bell i fyfyrwyr, sy'n cynnwys ein 5 darn gorau o gyngor ynghylch dysgu o bell. Os hoffech chi gael gwybod pa sgiliau astudio y dylech efallai ganolbwyntio arnyn nhw'n gyntaf, gallwch ddefnyddio ein hadnodd hunanasesu yma Asesu eich sgiliau academaidd.

Adnoddau academaidd ychwanegol

Adnoddau anghydamserol ychwanegol

Nodiadau mewn perthynas ag adnoddau anghydamserol:

Er bod gwylio digwyddiadau a recordiwyd ymlaen llaw yn ddull cyfleus neu rhwydd ar un olwg, mae'n bwysig o hyd eich bod yn cynllunio eich dull astudio yn ofalus ac yn neilltuo amser a lle i gymryd rhan yn yr holl weithgareddau. Dyma rai awgrymiadau ar sut i wneud hyn:

• Efallai yr hoffech chi neilltuo diwrnodau penodol o'r wythnos i wylio sesiynau a recordiwyd ymlaen llaw ar-lein, neu adegau penodol o'r dydd ar draws holl ddyddiau'r wythnos. Chi sydd i gynllunio pryd, sut a ble y byddwch yn ymgysylltu â'r holl elfennau hanfodol.
• Cofiwch y bydd angen i chi fewngofnodi i Fewnrwyd y Myfyrwyr gan ddefnyddio'ch cyfeiriad e-bost Prifysgol Caerdydd, a mynd i Dysgu Canolog i gael mynediad at sesiynau Blackboard-Collaborate.
• Caiff ymgysylltu ar-lein ei fonitro lawn cymaint ag ymgysylltu ar y campws, yn dilyn canllawiau Prifysgol Caerdydd. Mae gwylio’r rhan fwyaf o'r gweithgareddau a recordiwyd ymlaen llaw yn ofynnol ar gyfer Ymsefydlu ar y Campws.
• Cyn eich sesiynau ar-lein, gwnewch yn siŵr eich bod yn gallu cysylltu â mewnrwyd y myfyrwyr, Dysgu Canolog, a llwyfannau perthnasol Blackboard Collaborate perthnasol, a bod gennych offer digonol i ymuno ag unrhyw ddigwyddiadau ffrydio byw nodweddiadol (e.e. Skype, Zoom, Messenger Chat). Gan y gall offer TG personol a chysylltiadau rhyngrwyd amrywio, gwnewch yn siŵr eich bod chi'n gallu cymryd rhan mewn sgyrsiau fideo gyda mewnbwn / allbwn fideo a sain. Yn olaf, hoffem hefyd argymell eich bod yn defnyddio cysylltiad rhyngrwyd cebl, oherwydd gall rhai WiFi fod yn fwy anwadal.
• Os cewch unrhyw broblemau, cysylltwch â’n Cefnogaeth TG yn: IT-ServiceDesk@cardiff.ac.uk gan ddefnyddio cyfrif e-bost y brifysgol.
• Os na allwch ddod i'r digwyddiadau ffrydio byw am unrhyw reswm, cofiwch y caiff pob un ei recordio ac y byddan nhw ar gael yn y diwrnodau i ddilyn.

Trefniadau sy'n benodol i’r rhaglen