Cael eich cyllid
Deall sut a phryd byddwch yn cael eich cyllid, ac osgoi oediadau.
Cael eich cyllid gan Gyllid Myfywyr
Mae’r wybodaeth hon yn berthnasol i fyfyrwyr sy’n cael cyllid llawn drwy Gyllid Myfyrwyr a myfyrwyr gofal iechyd sy’n cael cyllid gan y GIG ac sydd wedi cyflwyno cais am gyfradd ostyngol y Benthyciad Cynhaliaeth yn unig.
Cyllid cynhaliaeth (myfyrwyr cartref yn unig)
Dylid eich Benthycias a Grant cynhaliaeth gael ei dalu i’ch cyfrif banc enwedig ar ôl i chi ymrestru, cyn belled â’ch bod:
- wedi cwblhau eich cais am gyllid ac wedi nodi’r manylion cywir am y brifysgol a’r cwrs
- wedi cwblhau’r broses ymrestru
- wedi cwblhau'r dasg "hawl i astudio".
Gan na fydd eich cyllid myfyrwyr yn cyrraedd tan ar ôl Wythnos y Glasfyfyrwyr (am eich bod yn ymrestru’r adeg honno), mae’n hanfodol eich bod yn dod â digon o arian ar gyfer eich costau byw beunyddiol (fel bwyd, teithio anghenrheidiol ag adloniant) dros y wythnosau cyntaf yn y Brifysgol.
Diwygio eich cais am Gyllid Myfyrwyr
Os yw’r manylion ynghylch eich prifysgol neu eich cwrs yn anghywir ar eich cais am gyllid, y ffordd gyflym a rhwydd o ddiweddaru’r rhain yw drwy fewngofnodi i’ch cyfrif ar-lein cyn 1 Medi a dewis ‘Newid eich cais’. Dylai gymryd tua 20 o ddiwrnodau gwaith i Gyllid Myfyrwyr brosesu’r newid.
Ar ôl 1 Medi, ni fyddwch yn gallu newid y manylion eich hun. Yn lle hynny, cysylltwch â’r Tîm Cyngor ac Arian i gael cymorth ynghylch hyn.
Os ydych yn dod i Brifysgol Caerdydd drwy Glirio, mae Cyllid i Fyfyrwyr Clirio yn cynnig mwy o wybodaeth am y broses o ddiweddaru eich cais am Gyllid Myfyrwyr.
Cyllid am ffioedd dysgu drwy Gyllid Myfyrwyr (Myfyrwyr Cartref a'r UE)
Ewch i’r adran am ffioedd dysgu i gael gwybodaeth am sut mae eich cyllid ar gyfer ffioedd dysgu yn cael ei gadarnhau i’r Brifysgol, a’ch cyfrifoldebau i wneud yn siŵr bod eich ffioedd dysgu’n cael eu talu.
Cael eich cyllid gan y GIG
Fel arfer, mae myfyrwyr BN Nyrsio a BM Bydwreigiaeth yn cael cyllid gan y GIG am gostau byw dros 12 mis. Fel arfer, bydd y taliad llawn cyntaf yn cael ei dalu ar ddiwedd mis Hydref ac ar ddiwedd pob mis o hynny allan.
Ar gyfer cyrsiau eraill yn Ysgol y Gwyddorau Gofal Iechyd, telir Cyllid gan y GIG yng nghanol y mis, dros 10 mis fel arfer. Yng nghanol mis Hydref fydd y taliad misol llawn cyntaf fel arfer. Bydd Swyddfa Ariannol Ysgol y Gwyddorau Gofal Iechyd yn trefnu’r taliadau gan Gyllid y GIG i mewn i’ch cyfrif banc.
I gael cyllid gan y GIG, rhaid i chi fod wedi cael eich hysbysiad am ddyfarniad gan Wasanaeth Dyfarniadau Myfyrwyr y GIG a anfonir atoch drwy ebost. Anfonir copi o’r hysbysiad hwn i Swyddfa Ariannol Ysgol y Gwyddorau Gofal Iechyd.
Fel arfer, telir cyllid gan y GIG am gostau byw i fyfyrwyr Hylendid a Therapi Deintyddol mewn rhandaliadau fesul term, a’r Ysgol Deintyddiaeth sy’n trefnu’r taliadau. Bydd angen i chi fod wedi cael eich hysbysiad am ddyfarniad gan Wasanaeth Dyfarniadau Myfyrwyr y GIG er mwyn trefnu’r taliad.
Cyllid ar gyfer ffioedd dysgu drwy'r GIG (Myfyrwyr y DU a'r UE)
I’r holl fyfyrwyr a ariennir gan y GIG, bydd Gwasanaeth Dyfarniadau’r GIG i Fyfyrwyr Cymru’n talu’r ffioedd dysgu’n uniongyrchol i Brifysgol Caerdydd.
Paratoi cyllideb
Cyn i chi gyrraedd, mae’n bwysig cynllunio eich cyllideb. Dysgwch fwy am gostau byw a chyllidebu.
Cyngor pellach
Os oes gennych unrhyw gwestiynau ynghylch cyllid myfyrwyr neu gyllid arall cysylltwch â:
Cyngor ac Arian
Cyngor a Chyllid Myfyrwyr(Parc y Mynydd Bychan)
Press option 4 when calling.