Llwybr at radd mewn hanes, archaeoleg neu grefydd

Mae ein llwybr ‘Archwilio’r Gorffennol’ at radd mewn hanes, archaeoleg neu grefydd wedi cael ei lunio ar gyfer oedolion sy’n dychwelyd i addysg sydd am symud tuag at astudio ar lefel gradd.

Llwybr Archwilio’r Gorffennol

Addysgir modiwlau gyda’r nos ac ar benwythnosau, ac maent wedi cael eu llunio’n benodol i ddiwallu anghenion dysgwyr sy’n oedolion prysur.

Sut mae'n gweithio

Mae’r llwybr Archwilio’r Gorffennol yn cynnwys 60 o gredydau ac mae’n gyfwerth â 50% o flwyddyn gyntaf gradd. Y nod yw rhoi’r sgiliau a’r wybodaeth sydd eu hangen arnoch i astudio ar gyfer gradd yn yr Ysgol Hanes, Archaeoleg a Chrefydd a bydd yn gwarantu cyfweliad i chi.

Cam un

Byddwch yn astudio o leiaf un modiwl craidd sy’n werth 10 o gredydau.

Cam dau

Byddwch naill ai yn astudio pum modiwl opsiynol gwerth 10 o gredydau o’r rhaglen llwybr, neu bedwar modiwl opsiynol gwerth 10 o gredydau o’r rhaglen y llwybr ac un cwrs gwerth 10 credyd priodol o’r rhaglen (ar ôl ymgynghori gyda'r Darlithydd Cydlynyol).

Os cewch eich derbyn ar gwrs gradd ym Mhrifysgol Caerdydd, efallai y byddwch yn gymwys ar gyfer trosglwyddo credydau neu’r hyn a elwir yn Saesneg yn ‘advanced standing’. Mae hyn yn golygu y bydd y 60 o gredydau a enillir o’r rhaglen llwybr hon yn cyfrannu’n uniongyrchol at flwyddyn gyntaf eich gradd.

Modiwlau'r llwybr

Modiwlau craidd

• Archwilio'r Gorffennol: Hanes (10 credyd)
• Archwilio Crefyddau'r Byd (10 credyd)
• Archwilio'r Gorffennol: Archaeoleg (10 credyd)

Modiwlau opsiynol

Mae’r rhain fel arfer yn newid bob blwyddyn academaidd. Mae modiwlau opsiynol 2022/23 yn cynnwys:

(10 credyd)

• Archaeoleg a Brwydr y Rhywiau (10 credyd)
• Llenyddiaeth a Chymdeithas Hynafol (10 credyd)
• Cyrff Rhyfeddol a Chredoau Anhygoel, 1500-1700 (10 credyd)
• Mudo a Ffurfio Prydain Amlddiwylliannol (10 credyd)
• Hanes Chwedlonol Cymru (10 credyd)
• Heneiddio Drwy'r Oesoedd: Biochaeoleg a Phobl y Gorffennol (10 credyd)
• Rôl y Frenhines yn yr Oesoedd Canol (10 credyd)
• Syniadau Ymerodrol: O Persia i Putin (10 credyd)

O dan amgylchiadau arferol, gallwch ddisgwyl cwblhau'r llwybr o fewn un flwyddyn, ond gallwch gymryd rhagor o amser os oes angen.

Cost

Mae ein llwybr Archwilio’r Gorffennol at radd yn cynnig llwybr fforddiadwy at Addysg Uwch. Dim ond cofrestru a thalu am un modiwl ar y tro y bydd angen i chi ei wneud a bydd gennych yr opsiwn i rannu’r gost yn ddau randaliad.

Mae cymorth ariannol ar gael drwy amrywiaeth o gynlluniau gwahanol. Ar ôl i chi ddechrau astudio ar y llwybr, gallwch hefyd gyrchu cyngor arbenigol ar y ffordd orau i ariannu eich astudiaethau, os byddwch yn symud ymlaen i gwrs gradd.

Cysylltu

Os oes gennych unrhyw ymholiadau neu os hoffech wybod mwy am y llwybr Archwilio’r Gorffennol cysylltwch â:

Hospitality to heritage