Ewch i’r prif gynnwys

Pam astudio cymhwyster israddedig gyda ni?

O gyfleusterau campws o'r radd flaenaf i ragolygon gyrfa rhagorol, dyma chwech o'r prif resymau dros ddewis Prifysgol Caerdydd ar gyfer eich astudiaethau israddedig.

Rhagolygon gyrfa

Graduates in St David's Hall

Mae galw mawr yn y Deyrnas Unedig am fyfyrwyr sydd wedi graddio o Brifysgol Caerdydd. Mae 95.7% o'n myfyrwyr yn cael eu cyflogi neu mewn astudiaeth bellach chwe mis ar ôl graddio (Arolwg Cyrchfannau Ymadawyr Addysg HESA 2016/2017) - mae hynny'n uwch na chyfartaledd y DU (94.6%) ac yn rhagori ar brifysgolion blaenllaw eraill y DU fel Rhydychen (93.4%) a Chaergrawnt (93.1%).

Mae myfyrwyr Caerdydd yn amlygu’r ddawn, y cymhelliant a’r brwdfrydedd y mae cyflogwyr yn chwilio amdanyn nhw.

Paul Davies Partner, Latham and Watkins LLP (Cwmni cyfreithiol rhyngwladol ac yn y DU)
  • Ymhlith y 7 prifysgol orau yn y DU am ei Gwasanaeth Gyrfaoedd (Times Higher Education 2017)

O'r eiliad y byddwch yn cyrraedd yma, trwy gydol cyfnod eich astudiaethau ac ar ôl graddio, gall ein gwasanaeth Gyrfaoedd a Chyflogadwyedd eich helpu i ddatblygu eich sgiliau cyflogadwyedd a chyrraedd eich nodau gyrfaol.

Cyfleoedd byd-eang

Dio de Janeiro

Barod am antur? Ehangwch eich gorwelion â’n cyfleoedd i astudio, gweithio neu wirfoddoli dramor. Mae gennym gysylltiadau â thros 300 o sefydliadau a gallwn gynnig y cyfle i chi dreulio cyfnod ar leoliad yn Ewrop neu'r tu hwnt yn rhan o'ch gradd, neu ar leoliad dros yr haf.

Mae gwirfoddoli dramor wedi cynyddu fy ymwybyddiaeth ddiwylliannol, fy nghyflogadwyedd a fy annibyniaeth, ac mae wedi atgyfnerthu fy nghynlluniau ar gyfer fy ngyrfa yn y dyfodol.

Madeleine Duffield prosiect gwirfoddoli Operation Wallacea, 2018

Opsiynau astudio hyblyg

Student with book

O fynd dramor i dreulio blwyddyn mewn diwydiant yn rhan o'ch gradd, ein nod yn y pen draw yw cynnig hyblygrwydd i chi.

Gallwch deilwra eich gradd i fod yn addas i chi

Mae amrywiaeth enfawr o ddewisiadau sy'n eich galluogi i addasu eich cwrs i gyd-fynd â'ch diddordebau penodol a'ch dyheadau gyrfa.

Bydd modd osgoi gwneud arholiadau proffesiynol yn rhannol neu'n llwyr drwy ddilyn rhai cyrsiau gradd. Mae rhai cyrsiau hyd yn oed yn caniatáu i chi aros tan ddiwedd y flwyddyn gyntaf cyn gwneud penderfyniad terfynol ar eich gradd.

Mae dewis un o'n cyrsiau israddedig rhan-amser yn golygu y gallwch astudio ochr yn ochr ag ymrwymiadau eraill.

Astudio drwy gyfrwng y Gymraeg

Siaradwr Cymraeg? Mae hyd at 100 o'n cyrsiau - gan gynnwys Meddygaeth, y Gyfraith a Newyddiaduraeth - yn cynnig rhai neu bob un o'u modiwlau drwy gyfrwng y Gymraeg. P'un a ydych wedi cael eich addysgu yn Gymraeg, mae gennych yr opsiwn i gyflwyno'ch gwaith a sefyll arholiadau yn Gymraeg os dymunwch, a gallwch ofyn am diwtor Cymraeg. Gall astudio yn Gymraeg roi hwb i'ch rhagolygon gyrfa hefyd.

Dysgu iaith yn rhad ac am ddim wrth astudio ar gyfer gradd

Hoffech chi loywi eich Ffrangeg? Diddordeb mewn Arabeg? P'un a ydych chi'n ddechreuwr llwyr neu am wella'r sgiliau sydd gennych, gallwch astudio iaith arall yn rhad ac am ddim gyda'n rhaglen Ieithoedd i Bawb.

Addysgu a arweinir gan Ymchwil

  • Ymhlith y 5 uchaf o brifysgolion gorau ar gyfer ansawdd ein hymchwil (Fframwaith Rhagoriaeth Ymchwil 2014).
  • 2il yn y DU am effaith ein hymchwil (REF 2014).

Bob blwyddyn, mae ymchwil yn sicrhau grantiau a buddsoddiadau gwerth degau o filiynau o bunnoedd i Brifysgol Caerdydd gan ddenu ymchwilwyr blaenllaw o bedwar ban byd.

Fel myfyriwr israddedig, byddwch chi'n gweithio ochr yn ochr ag ysgolheigion rhyngwladol sydd ar flaen y gad yn eu pwnc ac yn astudio mewn amgylchedd bywiog, ymchwil-ddwys. Byddwch yn cael blas ar y gweithgareddau ymchwil yn eich pwnc a bydd cyfle i chi gymryd rhan mewn gweithgareddau dysgu yn seiliedig ar ddiddordebau ymchwil y staff. Er enghraifft, gellir cynnig modiwlau dewisol yn seiliedig ar feysydd diddordeb ymchwil y staff a gall astudiaethau achos neu arbrofion a ddefnyddir yn y dosbarth ddeillio o brosiectau ymchwil byw.

Byddwch hefyd yn cael cyfle i gyfrannu at brosiect ymchwil trwy brofiad gwaith â thâl gyda Rhaglen Cyfleoedd Ymchwil Israddedig Caerdydd.

Yn rhan o’m gradd, roeddem yn gallu cynnal difyniadau dynol, ac mae’r profiad hwnnw wedi aros gyda mi fel un o’r profiadau dysgu mwyaf gwerthfawr rwyf erioed wedi’i gael.

Alice (BSc 2013)

Gwell cyfleusterau campws

Canolfan Bywyd y Myfyrwyr
Llun y pensaer o Ganolfan Bywyd y Myfyrwyr.
  • £600m yw'r swm yr ydym wedi buddsoddi yn ein dyfodol.

Rydym yn datblygu’r campws ar hyn o bryd yn rhan o’r gwaith uwchraddio mwyaf ar y campws ers cenhedlaeth. Rydym yn cynnig cyfleusterau o safon fyd eang i'n myfyrwyr gan gynnwys gwelliannau i undeb ein myfyrwyr a chartref newydd o'r radd flaenaf i'r Ysgol Newyddiaduraeth, y Cyfryngau ac Astudiaethau Diwylliannol.

Un o'n prosiectau mwyaf uchelgeisiol yw creu Canolfan Bywyd Myfyrwyr newydd gwerth £50m fydd yn creu canolbwynt ar gyfer ein gwasanaethau cefnogi myfyrwyr yn ogystal â chynnig mannau dysgu cymdeithasol modern, hyblyg a darlithfa gyda 550 sedd. Disgwylir i'r Ganolfan agor yn 2021.

Bywyd myfyrwyr

Students' Union
Mae Undeb y Myfyrwyr yn cynnig ystod amrywiol a chynhwysol o weithgareddau a gwasanaethau i gyfoethogi bywyd myfyrwyr.
  • 3ydd Undeb Myfyrwyr gorau yn y DU (Gwobrau Dewis y Myfyrwyr Whatuni 2019).

Mae nifer o resymau dros garu Caerdydd – yn enwedig i fyfyrwyr. Mae'n aml ar y rhestr o'r dinasoedd prifysgol mwyaf fforddiadwy yn y DU, daeth hi'n ail ym Mynegai Natwest am Gostau Byw i Fyfyrwyr 2020 o ran costau rhent misol, a chyda dros 200 o glybiau chwaraeon a chymdeithasau, mae digon i'w wneud y tu hwnt i'ch astudiaethau academaidd.

  • 84% yw'r ganran o'n myfyrwyr yn fodlon ar eu profiad cyffredinol yn y Brifysgol. (Arolwg Cenedlaethol y Myfyrwyr, 2019).

Rydym yn ymfalchïo yn y modd yr ydym yn ymgysylltu â'n myfyrwyr ac yn gweithio'n agos gyda chynrychiolwyr myfyrwyr i sicrhau bod eich llais yn cael ei glywed. Bob blwyddyn rydym hefyd yn gofyn am adborth myfyrwyr trwy amrywiaeth o arolygon, gan ddefnyddio'r data a gasglwyd i wella'ch profiad yma.

Rydyn ni'n gwarantu llety ar eich cyfer yn eich blwyddyn gyntaf ac rydyn ni yma i'ch cefnogi chi trwy gydol eich gradd gyfan, gan gynnig cyngor, arweiniad a chwnsela yn rhad ac am ddim trwy ein gwasanaethau cefnogi a lles myfyrwyr.

Hoffech chi gael rhagor o wybodaeth am fywyd myfyrwyr yng Nghaerdydd? Dewch i weld beth sydd gan ein llysgenhadon digidol i'w ddweud.