Iacháu Clwyfau

Nod cyffredinol pob un o'r tri modiwl e-Ddysgu annibynnol hyn yw hybu dealltwriaeth o reolaeth cleifion sydd ag wlserau ar eu coesau, briwiau pwyso ac wlserau diabetig ar y droed trwy archwilio tystiolaeth ac arfer cyfredol. Cyflwynir y modiwlau sylfaen hyn ym maes hyfywedd meinweoedd ar Lefel 6 AU.

Mae'r rhaglenni e-Ddysgu 18 wythnos, annibynnol, hunangyfeiriedig hyn yn gyfystyr â 30 credyd - a ddyfernir ar lefel gradd (Lefel AU 6) - ar ôl cwblhau pob modiwl yn llwyddiannus.

Mae eu cynllun unigryw yn rhoi hyblygrwydd i fyfyrwyr cymwys ddewis y modiwl unigol o'u dewis. Un o nodau cyffredin y modiwlau annibynnol hyn yw rhoi'r wybodaeth a'r sgiliau i fyfyrwyr er mwyn eu galluogi i ymateb i'r her o ofalu am gleifion sydd ag ystod o glwyfau y deuir ar eu traws yn aml.

Nid yw'r modiwlau yn rhan o raglen astudio, ond gallant roi sail ardderchog i'r rhai sy'n dymuno parhau â'u hastudiaethau ar lefel uwch. Mae myfyrwyr sy'n cwblhau un o'r modiwlau yn llwyddiannus yn cael eu cyfeirio i ystyried gwneud cais am y radd Meistr a gydnabyddir yn rhyngwladol mewn Iacháu Clwyfau a Thrwsio Meinwe.

Nodweddion arbennig

• nid oes angen i chi fod ar y campws
• hyblygrwydd i ddewis modiwl o ddewis
• mae cyflwyno aseiniadau ar-lein a mynediad at farciau unigol yn caniatáu i fyfyrwyr weld ac olrhain eu cynnydd ar-lein
• Mae cyswllt rhyng-fyfyriwr, a myfyriwr/tiwtor yn hawdd i'w gyrraedd, a'i gynnal drwy fforymau trafod ar-lein a thiwtorialau ar-lein.

Disgrifiad o'r cwrs

Nod cyffredinol pob un o'r tri modiwl e-Ddysgu annibynnol hyn yw hybu dealltwriaeth o reolaeth cleifion sydd ag wlserau ar eu coesau, briwiau pwyso ac wlserau diabetig ar y droed trwy archwilio tystiolaeth ac arfer cyfredol. Yn ogystal, mae'r modiwlau hyn yn ceisio cynyddu ymwybyddiaeth bresennol y myfyrwyr, gan eu galluogi i ymestyn eu gwybodaeth a datblygu strategaethau i wella canlyniad ac ansawdd gofal y cleifion.

Strwythur y cwrs

Cynigir y modiwlau hyn yn fodiwlau annibynnol ac maent yn 18 wythnos o hyd. Mae myfyrwyr yn dewis un modiwl i'w ddilyn ac yn cael eu hannog i astudio ar eu cyflymder eu hunain i weddu i'w harddulliau dysgu eu hunain. Mae mynediad i gyfleusterau ar-lein yn hanfodol gan fod modd cyrchu deunyddiau’r modiwl drwy amgylchedd dysgu ar-lein Prifysgol Caerdydd (Dysgu Canolog). Mae'r dull modiwlaidd yn adeiladu sylfaen o wybodaeth mewn elfennau o hyfywedd meinweoedd trwy lyfr gwaith gyda chefnogaeth tiwtor ar-lein. Mae'r model dysgu o bell hyblyg, hunan-gyfeiriedig hwn yn cwmpasu ymagwedd ymarferol a dull datrys problemau at ddysgu.

Mae modiwlau yn 300 awr dros 18 wythnos. Rhaid cwblhau'r modiwl o ddewis o fewn y cyfnod o 18 wythnos.

Dyrennir oriau’r modiwl yn y modd canlynol:

• cyflwyniad cyn y modiwl: 6 awr y modiwl
• Llyfr Gwaith y modiwl: 140 awr y modiwl
• cyflwyniad i’r modiwl: 6 awr y modiwl
• llyfr gwaith: 140 awr y modiwl
• aseiniad: 60 awr y modiwl
• traethawd myfyriol: 20 awr y modiwl
• gwaith astudio hunan-gyfeiriedig: 36 awr y modiwl
• tiwtorialau: 8 awr y modiwl
• cymhwyso i ymarfer clinigol: 30 awr y modiwl

Bydd myfyrwyr yn cael eu hasesu mewn dwy ran:

Er mwyn llwyddo ym mhob modiwl, rhaid i fyfyrwyr gyflwyno aseiniad crynodol o 3,000 o eiriau (75% o'r marc cyffredinol) a thraethawd adfyfyriol (25% o'r marc cyffredinol). Bydd gofyn i'r myfyriwr lwyddo yn y ddwy elfen asesu gyda marc llwyddo o 50% a rhaid llwyddo yn y ddwy ran o'r asesiad er mwyn cwblhau'r modiwl yn llwyddiannus.

Mae'n ofynnol i fyfyrwyr ddangos, trwy eu gwaith, eu bod wedi ennill gwybodaeth newydd a bod tystiolaeth o ddatrys problemau, synthesis a chreadigedd.

Defnyddir asesiadau i asesu deilliannau dysgu a galluogi myfyrwyr i fynegi cysyniadau lefel gradd o ran dealltwriaeth, dadansoddi, gwerthuso a chyflwyno. Dylid dangos yn glir ei fod yn berthnasol i ymarfer clinigol/proffesiynol unigol a meddwl gwreiddiol tra'n ymgorffori elfennau o'r modiwl dan sylw.

Y dyddiad cyflwyno ar gyfer yr aseiniad a’r darn o waith adfyfyriol fydd diwrnod olaf y modiwl 18 wythnos.

Modiwlau sydd ar gael

Mae tri modiwl ar gael i'w hastudio.

Rydyn ni’n cadw'r hawl i ganslo modiwl unigol. Hwyrach y bydd hyn yn digwydd os na fydd digon wedi cofrestru ar gwrs neu os bydd newid yn yr amgylchiadau. Digwydd hyn oherwydd bod angen lleiafswm o fyfyrwyr ar rai modiwlau cyn y gellir eu cynnal. Diben hynny yw gwneud yn siŵr y gellir cynnal addysg o safon briodol. Os bydd hyn yn digwydd byddwn ni’n rhoi ad-daliad llawn neu rannol gan ddibynnu ar a gynhaliwyd dosbarthiadau neu beidio.

Sgiliau trosglwyddadwy

• dangos sgiliau cyfathrebu priodol trwy gyfathrebu ysgrifenedig ac ar afar
• dangos dealltwriaeth o egwyddorion a phrosesau myfyrio mewn modd strwythuredig
• dangos gallu i weithio’n effeithiol yn unigol gan ddefnyddio technoleg gwybodaeth yn ddull astudio
• dangos eu gallu i reoli eu hamser yn effeithiol
• gallu nodi strategaeth datblygiad personol ar gyfer y dyfodol sy'n cyd-fynd â'r syniad o Ddysgu Gydol Oes

Gyrfaoedd posibl

Gall cwblhau un o’r modiwlau hyn gynorthwyo unigolion yn y meysydd canlynol:

• bodloni gofynion ar gyfer datblygiad proffesiynol parhaus
• ysgrifennu i'w gyhoeddi
• potensial ar gyfer rheoli newid yn seiliedig ar y wybodaeth a gafwyd.

Gofynion mynediad

I gael mynediad i’r modiwlau hyn, dylai unigolion fod yn gweithio gyda chleifion sydd angen rheoli clwyfau o ddydd i ddydd ac sy’n bodloni meini prawf Prifysgol Caerdydd ar gyfer astudiaeth lefel gradd a amlinellir isod:

• 120 CATS ar lefel 4 neu 5 mewn nyrsio neu faes pwnc perthnasol

Mae pob gweithiwr iechyd proffesiynol yn gymwys.

Caiff ymgeiswyr heb radd, ond sydd â phrofiad o waith perthnasol i wneud iawn am eu diffyg cymwysterau ffurfiol a’u hoedran, eu hystyried hefyd.

Mae'n ofynnol i fyfyrwyr, nad Saesneg yw eu hiaith, ddarparu prawf o'u hyfedredd yn yr iaith Saesneg: IELTS 6.5. Ystyrir ceisiadau felly gan feddygon, nyrsys, fferyllwyr, podiatryddion a gweithwyr proffesiynol eraill sy'n bodloni'r meini prawf uchod.

Nid yw myfyrwyr rhyngwladol sy’n dilyn rhaglenni astudio rhan-amser yn gymwys i gael fisa (Myfyriwr Cyffredinol) Haen 4, a rhaid iddynt fod â chaniatâd amgen i aros yn y DU os ydynt yn bwriadu aros yn y Brifysgol.

Sut i wneud cais

Cysylltwch â’n Tîm Derbyn Myfyrwyr Meddygaeth i Gyrsiau Ôl-raddedig a Addysgir i gael manylion ar sut i wneud cais.