Cemeg

Mae'r modiwlau hyn wedi'u hanelu at raddedigion neu ymarferwyr profiadol sydd â diddordeb mewn parhau eu datblygiad proffesiynol (DPP) ym meysydd biocatalysis a chemeg cyfrifiadurol.

Mae'r dull hwn o astudio yn addas ar gyfer ymgeiswyr sydd am ddatblygu eu sgiliau gweithle a gyrfa ymhellach ac sy'n hapus i astudio ochr yn ochr â myfyrwyr MSc rhaglen lawn.

Ar ôl eu cwblhau, bydd Prifysgol Caerdydd yn dyfarnu trawsgrifiad o'u credydau ôl-raddedig i'r myfyrwyr llwyddiannus a gallant eu defnyddio fel tystiolaeth o ddatblygiad proffesiynol parhaus (DPP) ar gyfer aelodaeth corff proffesiynol. Gall hefyd fod yn bosibl rhoi credydau tuag at cymhwyster ôl-raddedig mewn pwnc cysylltiedig - cysylltwch â ni i gael manylion.

Rydym wedi dewis peidio hysbysebu modiwlau penodol ond yn hytrach byddem yn hapus i drafod eich gofynion dysgu ar sail unigol. Er mwyn helpu i gyfeirio eich ymholiadau rydym wedi rhoi blas isod o'r pynciau rydym yn eu cynnig ar lefel ôl-raddedig a addysgir ar hyn o bryd:

Biocatalysis
Catalysis Heterogenaidd
Catalysis Heterogenaidd Diwydiannol
Catalysis Unffurf
Dylunio Catalyst
Electrocatalysis
Cemeg Bioinorganig
Modelu Moleciwlaidd
Datblygu cyffuriau
Darganfod cyffuriau
Cemeg feddyginiaethol
Biosynthesis
Dadansoddi Restrosynthetig.

Cymorth a chefnogaeth

I gael sgwrs anffurfiol, neu i drafod eich gofynion dysgu unigol gydag academydd o Ysgol Cemeg Caerdydd, cysylltwch â Jonathan Bartley:

Dr Jonathan Bartley

Research Fellow in Heterogeneous Catalysis and Assistant Director of the Cardiff Catalysis Institute

: bartleyjk@caerdydd.ac.uk
: +44 (0)29 2087 0745

Gofynion mynediad

Dylai fod gan ymgeiswyr radd gyntaf dda (2:1 fel arfer neu gymhwyster cyfatebol) neu brofiad gwaith cyfatebol mewn disgyblaeth berthnasol sy'n seiliedig ar gemeg.

Rhaid i ymgeiswyr nad ydynt yn siarad Saesneg fel iaith gyntaf fodloni gofynion iaith Saesneg y Brifysgol.

Er mwyn gwneud cais, mae’n rhaid i chi gyflwyno eich tystysgrifau a’ch trawsgrifiadau sy’n gysylltiedig â’ch cymwysterau blaenorol, datganiad personol a thystiolaeth o’ch hyfedredd mewn Saesneg (lle bo’n berthnasol).

Sut i wneud cais

Dylai ymgeiswyr lenwi ffurflen gais y modiwl a ffurflenni cyfleoedd cyfartal a'u dychwelyd i'r Uned Datblygiad Proffesiynol Parhaus (DPP).

I gael rhagor o gyngor ymarfer ar ffioedd modiwlau, gwybodaeth am amserlenni a sut i wneud cais, cysylltwch â'r Uned DPP.

Standalone module application form - Welsh version

01 Awst 2018

Ffurflen Gais ar gyfer Modiwl Annibynnol

Lawrlwytho'r ddogfen (PDF, 210.1 KB)

Gwneud cais am fformat hygyrch

Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.