Ewch i’r prif gynnwys

Peirianneg Integredig (BEng)

  • Maes pwnc: Peirianneg
  • Côd UCAS: H111
  • Derbyniad nesaf: Medi 2025
  • Hyd: 4 blwyddyn
  • Modd (astudio): Llawn amser gyda blwyddyn ryngosod

Blwyddyn Mynediad

Integrated Engineering

Pam astudio'r cwrs hwn

mortarboard

Ysgoloriaethau allanol ar gael

Mae myfyrwyr yn gymwys i gyflwyno cais ar gyfer ysgoloriaethau gan Academi Bŵer y DU a Sefydliad Sgiliau Electronig y DU UKESF (mae Prifysgol Caerdydd yn aelod o'r ddau gynllun).

rosette

Ystyriaeth am ddyfarniad proffesiynol

Mae ein partneriaeth ffurfiol â Sefydliad City and Guilds Llundain yn eich galluogi i ennill Gwobr Uwch Licentiateship ar ôl cwblhau eich lleoliad yn llwyddiannus.

location

Lleoliad diwydiannol

Ewch ati i ennill profiad gwerthfawr o weithio mewn rôl â thâl mewn sefydliad yn y DU neu dramor am un flwyddyn academaidd.

star

Cynnwys a arweinir gan ddiwydiant

Caiff cynnwys ein cwrs ei lywio gan gydweithrediad diwydiannol a'i gyflwyno gan staff academaidd blaenllaw, y mae llawer ohonynt yn Beirianwyr Siartredig neu wedi gweithio mewn diwydiant.

rosette

Cwrs sydd wedi’i achredu’n broffesiynol

Achredir gan y Sefydliad Peirianneg a Thechnoleg a Sefydliad y Peirianwyr Mecanyddol ar ran y Cyngor Peirianneg at ddibenion bodloni'n llawn y gofyniad academaidd ar gyfer cofrestru’n Beiriannydd Corfforedig a bodloni'n rhannol y gofyniad academaidd ar gyfer cofrestru’n Beiriannydd Siartredig.

Mae angen peirianwyr proffesiynol ar lawer o gyflogwyr sydd â dealltwriaeth eang o ddisgyblaethau peirianneg allweddol ac arbenigedd mewn mwy nag un maes. Mae gan beirianwyr integredig set eang o sgiliau y gallant eu cymhwyso i heriau peirianneg cymhleth a'u defnyddio i ryngweithio â pheirianwyr ar draws arbenigeddau.

Mae ein cwrs aml-ddisgyblaeth, sydd wedi'i lunio o amgylch pynciau peirianneg drydanol, electronig a mecanyddol, yn ceisio datblygu myfyrwyr ym meysydd gweithgynhyrchu, mecatroneg, dylunio drwy gymorth cyfrifiadur ac ynni adnewyddadwy. Bydd eich gwybodaeth eang am y gwahanol agweddau ar beirianneg yn sicrhau y gallwch ryngweithio â pheirianwyr ar draws y disgyblaethau, yn ogystal ag ymgyfarwyddo â'r amgylchedd busnes.

Trwy gydol cyfnod y cwrs, cewch y cyfle i archwilio ystod o broblemau peirianneg dilys a senarios sy’n canolbwyntio ar y diwydiant, er mwyn gweithio arnynt yn unigol a gyda myfyrwyr peirianwyr o raglenni gradd eraill. Mae gwaith grŵp yn adlewyrchu perthnasoedd tîm peirianneg a bydd yn eich helpu i feithrin sgiliau proffesiynol, megis gwaith tîm a chyfathrebu. Mae ein mannau creu mynediad agored yn darparu lle i chi ddylunio, creu a chydweithio.

Bydd cyfle i chi gwblhau lleoliad â chyflog yn gweithio mewn lleoliad gwaith o'ch dewis, gan gynnwys y tu allan i'r DU. Mae hyn yn ffordd wych o gael profiad o amgylchedd gwaith proffesiynol a rhoi'r sgiliau rydych chi wedi'u dysgu ar waith. Yn y gorffennol, mae ein myfyrwyr wedi cwblhau lleoliadau yn Boeing, Network Rail, Siemens, Keysight Technologies a Bosch.

Achrediadau

Maes pwnc: Peirianneg

  • academic-schoolYr Ysgol Peirianneg
  • icon-chatGofyn cwestiwn
  • Telephone+44 (0)29 2087 4656
  • Marker5 The Parade, Heol Casnewydd, Caerdydd, CF24 3AA

Gofynion mynediad

Rydym yn derbyn cyfuniad o gymwysterau Safon Uwch a chymwysterau eraill, yn ogystal â chymwysterau rhyngwladol cyfatebol yn amodol ar ofynion mynediad. Dyma ein cynigion nodweddiadol:

Lefel A

AAB-ABB. Rhaid i’r rhain gynnwys Mathemateg. Bydd angen i chi basio yr elfen ymarferol o bwnc gwyddoniaeth Safon Uwch os yw hyn yn rhan o'ch rhaglen astudio.

Cymhwyster Prosiect Estynedig/Rhynglwadol: Fel arfer, bydd ymgeiswyr sydd wedi ennill gradd A yn y Cymhwyster Cymhwyster Prosiect Estynedig/Rhyngwladol: Bydd ymgeiswyr sydd â gradd A mewn Cymhwyster Prosiect Estynedig (EPQ)/Cymhwyster Prosiect Rhyngwladol (IPQ) fel arfer yn derbyn cynnig un radd yn is na'r cynnig safonol. Sylwch fod yn rhaid parhau i fodloni unrhyw ofynion penodol pwnc.

Mae ein hystod gradd yn cwmpasu ein cynnig safonol a'n cynnig cyd-destunol. Rydym yn ystyried yn ofalus yr amgylchiadau rydych chi wedi bod yn astudio (eich data cyd-destunol) ar gais.

  • Bydd myfyrwyr cymwys yn cael cynnig y rhan isaf yn yr ystod gradd a hysbysebir.
  • Lle nad oes ystod gradd yn cael ei hysbysebu a/neu lle mae prosesau dethol yn eu lle (fel cyfweliad) efallai y byddwch yn derbyn pwyntiau ychwanegol yn y broses ddethol neu'n sicr o gael cyfweliad/ystyriaeth.

Dysgwch am gyrsiau cymwys a sut mae data cyd-destunol yn cael ei gymhwyso.

Y Fagloriaeth Rhyngwladol

34-32 yn gyffredinol neu 666-665 mewn 3 phwnc Lefel Uwch. Rhaid i’r rhain gynnwys gradd 5 mewn Mathemateg Lefel Uwch.

Bagloriaeth Cymru

O fis Medi 2023, bydd cymhwyster newydd o'r enw Bagloriaeth Sgiliau Uwch Cymru (lefel 3). Bydd y cymhwyster hwn yn disodli'r Dystysgrif Her Sgiliau Uwch (Bagloriaeth Cymru). Bydd y cymhwyster yn parhau i gael ei dderbyn yn lle un Safon Uwch (ar y graddau a restrir uchod), ac eithrio unrhyw bynciau penodol.

Rhaid i chi fod yn meddu ar y canlynol neu’n gweithio tuag atynt:
- TGAU Iaith Saesneg neu Gymraeg gradd C/4 neu gyfwerth (fel Safon Uwch). Os oes angen fisa Myfyriwr arnoch, rhaid i chi sicrhau bod eich cymhwyster iaith yn cydymffurfio â gofynion UKVI.

Nid ydym yn derbyn Meddwl yn Feirniadol, Astudiaethau Cyffredinol, Astudiaethau Dinasyddiaeth, na phynciau eraill tebyg neu gyfatebol.
Byddwn yn derbyn cyfuniad o bynciau BTEC, Safon Uwch, a chymwysterau eraill, yn amodol ar ofynion gradd a phwnc penodol y cwrs.

GCSE

Gradd C neu radd 4 mewn TGAU Iaith Saesneg.

IELTS (academic)

O leiaf 6.5 yn gyffredinol gydag o leiaf 5.5 ym mhob is-sgil.

TOEFL iBT

O leiaf 90 yn gyffredinol gydag o leiaf 17 ar gyfer ysgrifennu, 17 am wrando, 18 ar gyfer darllen, ac 20 ar gyfer siarad.

PTE Academic

O leiaf 69 ar y cyfan gydag o leiaf 59 yn yr holl sgiliau cyfathrebu.

Trinity ISE II/III

II: dau Ragoriaeth a dau Deilyngdod o leiaf.
III: o leiaf Llwyddo ym mhob cydran.

Cymwysterau eraill a dderbynnir

Os ydych yn ymgeisydd tramor ac nid Saesneg yw eich iaith gyntaf, ewch i'n tudalen am ofynion Iaith Saesneg i gael rhagor o wybodaeth am ba gymwysterau y byddwn yn eu derbyn.

Nid yw'n ofynnol i chi gwblhau gwiriad DBS (Gwasanaeth Gwahardd Datgelu) na darparu Tystysgrif Ymddygiad Da i astudio'r cwrs hwn.

Os ydych chi'n destun unrhyw amod trwydded neu gyfyngiad monitro ar hyn o bryd a allai effeithio ar eich gallu i gwblhau'ch astudiaethau yn llwyddiannus, bydd gofyn i chi ddatgelu'ch cofnod troseddol. Mae'r amodau'n cynnwys, ond heb fod yn gyfyngedig i:

  • mynediad at gyfrifiaduron neu ddyfeisiau sy'n gallu storio delweddau
  • defnyddio offer / dyfeisiau rhyngrwyd a chyfathrebu
  • cyrffyw
  • rhyddid i symud, gan gynnwys y gallu i deithio i'r tu allan i'r DU neu i ymgymryd â lleoliad / astudiaethau y tu allan i Brifysgol Caerdydd
  • cyswllt â phobl sy'n gysylltiedig â Phrifysgol Caerdydd.

Cymwysterau o'r tu allan i'r DU

BTEC

DD-DM mewn Diploma BTEC mewn unrhyw bwnc, a gradd B mewn Mathemateg Safon Uwch.

Lefel T

Nid ydym yn derbyn Lefelau T ar gyfer y rhaglen hon.

Cymwysterau eraill o'r tu mewn i'r DU

Gweld ein arweiniad i gymwysterau cyfatebol

Cewch ragor o wybdoaeth am y broses ymgeisio yn ein polisïau derbyn myfyrwyr.

Ffioedd dysgu ar gyfer dechrau astudio yn 2025

Bydd eich ffioedd dysgu a sut y byddwch yn eu talu yn dibynnu ar eich statws ffioedd. Gallai eich statws ffioedd fod yn statws cartref, ynysoedd neu tramor.

Dysgwch sut rydym yn pederfynu eich statws ffioedd

Ffioedd am statws cartref

Rydym yn aros am gadarnhad o'r ffioedd dysgu ar gyfer blwyddyn academaidd 2025/26.

Mae'r Brifysgol yn cadw'r hawl i gynyddu ffioedd dysgu yn yr ail flwyddyn a blynyddoedd dilynol y cwrs yn unol â'r gyfraith neu bolisi Llywodraeth Cymru. Lle bo'n berthnasol, byddwn yn eich hysbysu o unrhyw newidiadau yn y ffioedd dysgu erbyn diwedd mis Mehefin yn y flwyddyn academaidd cyn i'r ffioedd gynyddu.

Myfyrwyr o'r UE, AEE a'r Swistir

Rydym yn aros am gadarnhad o'r ffioedd dysgu ar gyfer blwyddyn academaidd 2025/26.

Ffioedd am statws ynys

Dysgwch ragor am ffioedd israddedig i fyfyrwyr o Ynysoedd y Sianel ac Ynys Manaw.

Ffioedd am statws tramor

Rydym yn aros am gadarnhad o'r ffioedd dysgu ar gyfer blwyddyn academaidd 2025/26.

Costau blynyddoedd rhyngosod

Yn ystod blwyddyn ryngosod, (e.e. blwyddyn mewn diwydiant, blwyddyn ar leoliad neu flwyddyn dramor), bydd y ffi yn is. Cewch fanylion llawn ar ein tudalennau ffioedd.

Costau ychwanegol

Efallai y bydd costau ynghlwm wrth y Flwyddyn mewn Diwydiant, megis costau teithio, y dylech eu hystyried.

Cyfarpar ar gyfer cwrs penodol

Ni fydd angen unrhyw gyfarpar penodol. Bydd y Brifysgol yn darparu adnoddau fel cyfrifiaduron a meddalwedd cysylltiedig, offer labordy (gan gynnwys unrhyw offer diogelwch) ac unrhyw adnoddau dysgu eraill fydd eu hangen.

Llety

Mae gennym amrywiaeth o breswylfeydd sydd yn gweddu i anghenion a phoced yr unigolyn. Cewch wybod rhagor ar ein tudalennau llety.

Costau byw

Rydym wedi ein lleoli yn un o ddinasoedd mwyaf fforddiadwy y DU. Rhagor o wybodaeth am gostau byw yng Nghaerdydd.

Strwythur y cwrs

Mae hon yn gwrs gradd pedair blynedd amser llawn, gyda modiwlau craidd yn bennaf ym Mlynyddoedd Un a Dau. Mae'r drydedd flwyddyn yn cael ei threulio yn gweithio ym myd diwydiant. Mae gan Flwyddyn Pedwar gydbwysedd a ddewiswyd yn ofalus o fodiwlau craidd a dewisol, sy'n eich galluogi i ddewis pynciau i gyd-fynd â'ch diddordebau personol neu'ch llwybr gyrfa dewisol. Mae angen i chi ennill 120 credyd y flwyddyn.

Mae gofyn i fyfyrwyr gwblhau pob modiwl Blwyddyn Dau gyda chyfartaledd o 50% cyn gallu symud ymlaen i'r lleoliad gwaith Blwyddyn mewn Diwydiant. Os nad ydych yn gallu sicrhau lleoliad gwaith, byddwch yn trosglwyddo i'r cwrs nad yw'n lleoliad gwaith i gwblhau eich gradd.

Mae'r modiwlau a ddangosir yn esiampl o'r cwricwlwm arferol. Byddant yn cael eu hadolygu cyn blwyddyn academaidd 2025/2026. Bydd y modiwlau terfynol yn cael eu cyhoeddi erbyn mis Medi 2025

Blwyddyn un

Mae’r flwyddyn gyntaf yn cynnwys cyfres o ddarlithoedd wedi'u hategu gan sesiynau labordy ymarferol.

Blwyddyn dau

Mae’r ail flwyddyn eto'n cynnwys cyfres o ddarlithoedd wedi'u hategu gan sesiynau labordy ymarferol.

Teitl modiwlCôd modiwlCredydau
Peirianneg RheolaethEN205810 Credydau
Ceisiadau microcontroller a Dylunio EmbeddedEN208110 Credydau
Mathemateg Peirianneg 2EN209010 Credydau
Deunyddiau a GweithgynhyrchuEN210120 Credydau
ThermofluidsEN210320 Credydau
Systemau Pŵer TrydanEN271220 Credydau
Rhaglennu ar gyfer PeiriannegEN275010 Credydau
Dylunio Cynnyrch IntegredigEN281020 Credydau

Blwyddyn tri: Blwyddyn Ryngosod

Treulir y drydedd flwyddyn yn gweithio mewn diwydiant. Fel arfer, disgwylir i chi fod mewn cyflogaeth am o leiaf 30 wythnos i fodloni isafswm gofyniad y Brifysgol, er bod Ysgol Peirianneg Caerdydd yn disgwyl i'r lleoliad bara am y flwyddyn academaidd gyfan.

Yn ystod eich lleoliad gwaith bydd eich tiwtor hyfforddiant diwydiannol neu enwebai yn ymweld â chi o leiaf unwaith, ond ddwywaith yn ddelfrydol, os ydych chi wedi eich lleoli yn y DU.

Teitl modiwlCôd modiwlCredydau
Hyfforddiant DiwydiannolEN3095120 Credydau

Blwyddyn pedwar

Byddwch yn gwneud prosiect mawr sy’n werth 40 credyd yn y bedwaredd blwyddyn. Byddwch yn gweithio'n unigol ar y prosiect, ochr yn ochr ag aelod o staff goruchwylio.

Mae yna fodiwlau craidd eraill a rhai modiwlau dewisol hefyd, gan adeiladu ar y sylfeini a sefydlwyd yn y blynyddoedd cynharach.

Teitl modiwlCôd modiwlCredydau
Rheoli Prosiectau PeiriannegEN302410 Credydau
Thermodynameg a throsglwyddo gwresEN304210 Credydau
Rheolaeth AwtomatigEN305710 Credydau
Electroneg PŵerEN305810 Credydau
Prosiect unigolEN340040 Credydau
Teitl modiwlCôd modiwlCredydau
Masnacheiddio ArloesiEN300610 Credydau
Mecaneg SolidEN303710 Credydau
Roboteg a Phrosesu DelweddauEN306210 Credydau
Cyfrifiadura Peirianneg sy'n Canolbwyntio ar WrthrychEN308510 Credydau
Systemau EmbeddedEN308710 Credydau
Pŵer a Rheolaeth HylifEN351310 Credydau
Systemau Pŵer AEN370110 Credydau
Peiriannau a Gyriannau Trydanol AEN370210 Credydau
Technolegau Ynni AdnewyddadwyEN370810 Credydau
Integreiddio Grid AdnewyddadwyEN370910 Credydau
Dylunio CynnyrchEN390610 Credydau

Mae'r Brifysgol wedi ymrwymo i ddarparu amrywiaeth eang o opsiynau modiwl lle'n bosibl. Ond byddwch yn ymwybodol er y byddwn yn gwneud pob ymdrech i gynnig dewis, gall hyn gael ei gyfyngu mewn rhai amgylchiadau. Y rheswm am hyn yw'r ffaith mai dim ond nifer cyfyngedig o leoedd sydd ar gael ar rai modiwlau, a gaiff eu dyrannu ar sail y cyntaf i'r felin. Mae'n ofynnol i fodiwlau eraill sicrhau isafswm nifer o fyfyrwyr cyn gallu eu cynnal, er mwyn gwneud yn siŵr y gellir cyflwyno addysg o ansawdd priodol. Gall modiwlau gael eu cyfyngu oherwydd gwrthdaro yn yr amserlen hefyd, ac er bod y Brifysgol yn ymdrechu i amharu cyn lleied â phosibl ar eich dewis, byddai'n syniad da i chi ofyn am gyngor gan yr Ysgol berthnasol am y dewisiadau modiwl sydd ar gael.

Robotics project
Student works on their third-year project in the area of robotics.

Dysgu ac asesu

Addysgir trwy ddarlithoedd a thiwtorialau, ac ategir hyn gan waith ymarferol mewn labordai a gwaith prosiect. Mae yna lyfrgell gyfoethog o ddeunyddiau dysgu ar-lein, wedi'i deilwra ar gyfer pob gwers ym mhob modiwl, gan gynnwys fideos cyfarwyddiadol/gwybodaeth, nodiadau astudio, cwestiynau ymarfer dan arweiniad a rhai cwisiau ar-lein.

Rhaid i bob myfyriwr gwblhau prosiect unigol 40 credyd ym Mlwyddyn Pedwar, a dyrennir goruchwyliwr ar ei gyfer o blith y staff addysgu.

Bydd cyfleoedd i ryngweithio â darpar gyflogwyr trwy ffeiriau gyrfaoedd a darlithoedd gwadd. Bydd siaradwyr o’r diwydiant yn cyflwyno darlithoedd rheolaidd am eu meysydd arbenigol. Mae’r rhain yn rhoi’r cyfle i chi glywed arbenigwyr yn siarad am bynciau sy’n berthnasol i’ch gradd, ac mae'n rhoi dealltwriaeth i chi o sut beth yw gweithio yn y diwydiant.

Sut y caf fy nghefnogi?

Ym Mlwyddyn Un, dyrennir tiwtor personol i chi sy'n aelod o'r staff academaidd sy'n gysylltiedig â'ch cwrs gradd. Bydd eich tiwtor personol wrth law i'ch cynghori ar faterion academaidd, materion nad ydynt yn rhai academaidd a materion phersonol, a hynny mewn modd cyfrinachol ac anffurfiol. Ein nod yw eich helpu i oresgyn unrhyw broblem, ni waeth pa mor fach neu fawr ydyw, mor effeithlon a chyflym â phosibl.

Ar gyfer y prosiect 40 credyd ym Mlwyddyn Pedair, bydd goruchwyliwr yn y maes arbenigedd ymchwil perthnasol yn cael ei ddyrannu i chi a fydd yn cwrdd â chi’n rheolaidd i roi arweiniad a chyngor ar gynnydd yn y gwaith.

Yn ystod eich blwyddyn ar leoliad gwaith bydd eich tiwtor yn cysylltu â chi o leiaf ddwywaith y semester trwy alwad fideo neu ffôn ac yn dod i’ch gweld o leiaf unwaith yn ystod y lleoliad gwaith os ydych wedi'ch lleoli yn y DU. Bydd y tiwtor yn cyfweld â chi, yn gwirio'ch llyfr log/dyddiadur ac yn trafod cynnydd â chi, swyddog hyfforddi'r cwmni a/neu'r rheolwr sydd â chyfrifoldeb uniongyrchol am eich hyfforddiant.

Trwy wefan Dysgu Canolog, byddwch yn gallu cael gafael ar ddeunydd amlgyfrwng perthnasol, cyflwyniadau, taflenni darlithoedd, llyfryddiaethau, dolenni pellach, ymarferion electronig a chylchoedd trafod. 

Cyflwynir rhaglen helaeth o weithdai a darlithoedd gyrfaoedd yn yr Ysgol Peirianneg ac mae Ymgynghorydd Gyrfaoedd ar gael hefyd.  

Mae Prifysgol Caerdydd yn cynnig amrywiaeth o wasanaethau sy’n cynnwys y Gwasanaeth Gyrfaoedd, y Gwasanaeth Cwnsela, y Gwasanaeth Anabledd a Dyslecsia, y Gwasanaeth Cefnogi Myfyrwyr, a llyfrgelloedd a chanolfan adnoddau ardderchog. 

Adborth
Byddwn yn rhoi adborth i chi ar eich gwaith yn aml. Daw hyn mewn sawl fformat gan gynnwys adborth llafar mewn dosbarthiadau fel dylunio a gwaith prosiect a thrwy ddychwelyd gwaith cwrs wedi'i farcio.

Cewch y cyfle i brofi'ch gwybodaeth a'ch dealltwriaeth trwy gydol y semester trwy brofion dosbarth ym Mlynyddoedd 1 a 2, yn ogystal ag adborth am asesiadau ysgrifenedig. Weithiau, gellir defnyddio asesiad cyfoedion o gyfraniad unigolyn at grŵp, ac efallai y byddwch hefyd yn cael adborth llafar am gyflwyniadau a chyfraniadau at weithgareddau grŵp.

Sut caf fy asesu?

Bydd eich asesiadau'n amrywio i werthuso gwybodaeth, dealltwriaeth, sgiliau proffesiynol a sgiliau allweddol.  Yn bennaf, asesir ym Mlwyddyn Un trwy brofion yn ystod y flwyddyn, adroddiadau byr, portffolio datblygiad proffesiynol, cyflwyniadau a dau arholiad ysgrifenedig. Mae'r amrywiaeth hwn o asesiadau'n cael eu cynnal i'r blynyddoedd uwch gyda newid graddol o brofion i arholiadau. Mae'r prosiect unigol mawr ym Mlwyddyn Pedair yn cael ei asesu gan adroddiad traethawd hir.

Pa sgiliau bydda i'n eu hymarfer a'u datblygu?

Mae Deilliannau Dysgu’r rhaglen hon yn disgrifio'r hyn y byddwch chi’n gallu ei wneud o ganlyniad i astudio ym Mhrifysgol Caerdydd. Byddan nhw’n eich helpu i ddeall yr hyn mae disgwyl ichi ei wneud. 

Mae deilliannau dysgu’r rhaglen hon isod:

Ar ôl cwblhau'r rhaglen yn llwyddiannus byddwch yn gallu:

Gwybodaeth a Dealltwriaeth:

KU1 Cymhwyso gwybodaeth gynhwysfawr am fathemateg, ystadegau, gwyddoniaeth naturiol ac egwyddorion peirianneg i ddatrys problemau cymhleth mewn peirianneg integredig. Bydd llawer o'r wybodaeth ar flaen y gad yn y pwnc astudio penodol ac yn cael ei llywio gan ymwybyddiaeth feirniadol o ddatblygiadau newydd a chyd-destun ehangach peirianneg integredig.

KU2 Llunio a dadansoddi problemau cymhleth i ddod i gasgliadau wedi'u cadarnhau. Bydd hyn yn cynnwys gwerthuso’r data sydd ar gael gan ddefnyddio egwyddorion cyntaf mathemateg, ystadegau, gwyddoniaeth naturiol ac egwyddorion peirianneg, a defnyddio barn beirianyddol i weithio gyda gwybodaeth a allai fod yn ansicr neu’n anghyflawn, gan drafod cyfyngiadau’r technegau a ddefnyddir.

KU3 Gwerthuso effaith amgylcheddol a chymdeithasol atebion i broblemau peirianneg integredig cymhleth (gan gynnwys cylch bywyd cyfan cynnyrch neu broses) a lleihau effeithiau andwyol.

KU4 Trafod rôl systemau rheoli ansawdd a gwelliant parhaus yng nghyd-destun problemau peirianneg integredig cymhleth.

KU5 Cymhwyso gwybodaeth am egwyddorion rheoli peirianneg, cyd-destunau masnachol, rheoli prosiectau a newid, a materion cyfreithiol perthnasol gan gynnwys hawliau eiddo deallusol.

Sgiliau Deallusol:

IS1 Dewis a chymhwyso technegau cyfrifiadurol a dadansoddol priodol, gan gydnabod/trafod cyfyngiadau'r technegau a ddefnyddir, ar gyfer cyfuno problemau peirianneg integredig, a llunio barn ar gamau gweithredu priodol.

IS2 Dewis a gwerthuso llenyddiaeth dechnegol a ffynonellau eraill o wybodaeth i fynd i'r afael â phroblemau cymhleth.

IS3 Dylunio datrysiadau ar gyfer problemau peirianneg integredig cymhleth sy’n bodloni cyfuniad o anghenion cymdeithasol, defnyddwyr, busnes a chwsmeriaid fel y bo’n briodol, gan ystyried iechyd a diogelwch, amrywiaeth, cynhwysiant, materion diwylliannol, cymdeithasol, amgylcheddol a masnachol, codau ymarfer a safonau diwydiant

IS4 Cymhwyso dull integredig neu systemau i ddatrys problemau cymhleth.

Sgiliau Ymarferol Proffesiynol:

PS1 Dewis a chymhwyso sgiliau labordy a gweithdy ymarferol priodol mewn peirianneg integredig, yn enwedig wrth ddyfeisio dulliau dadansoddol neu arbrofol, i ymchwilio i broblemau cymhleth.

PS2 Dewis, cymhwyso a gwerthuso deunyddiau, offer, technolegau a phrosesau peirianneg priodol, gan gydnabod eu cyfyngiadau.

PS3 Defnyddio proses rheoli risg i nodi, gwerthuso a lliniaru risgiau (effeithiau ansicrwydd) sy'n gysylltiedig â phrosiect neu weithgaredd peirianneg integredig penodol.

PS4 Mabwysiadu dull cyfannol a chymesur o liniaru risgiau diogelwch mewn peirianneg integredig.

PS6 Dangos buddion hyfforddiant strwythuredig mewn lleoliad gwaith diwydiannol estynedig, er mwyn cael profiad a chynyddu gwerthfawrogiad o gymhwyso egwyddorion peirianneg mewn lleoliad masnachol.

Sgiliau Trosglwyddadwy/Allweddol:

TS1 Cyfathrebu'n effeithiol am faterion peirianneg cymhleth â chynulleidfaoedd technegol ac annhechnegol, gan werthuso effeithiolrwydd y dulliau a ddefnyddir.

TS2 Nodi a dadansoddi pryderon moesegol a gwneud dewisiadau moesegol rhesymegol ar sail codau ymddygiad proffesiynol.

TS3 Mabwysiadu agwedd gynhwysol at ymarfer peirianneg a chydnabod/cyfleu cyfrifoldebau, buddion a phwysigrwydd cefnogi cydraddoldeb, amrywiaeth a chynhwysiant.

TS4 Gweithredu'n effeithiol fel unigolyn, ac fel aelod neu arweinydd tîm.

TS5 Cynllunio a chofnodi gwerthusiad myfyriol o hunanddysgu a datblygiad fel sylfaen ar gyfer dysgu gydol oes/DPP.

Gwaith ymarferol
Gwaith ymarferol yn ein labordai fel rhan o'r cwrs.

Gyrfaoedd

Rhagolygon gyrfa

Mae gan ein graddedigion peirianneg integredig swyddi allweddol mewn cwmnïau blaenllaw fel Halcrow, Atkins, BP, BAE Systems, RWE npower, Mott McDonald, Network Rail, Rolls Royce, Ford, Tata Steel, Nokia, Bosch ac eraill. Mae ein graddedigion hefyd wedi symud ymlaen i weithio mewn llywodraeth leol, gyda chwmnïau a sefydliadau cyfleustodau rhyngwladol y DU a rhyngwladol megis Climate Energy a GlaxoSmithKline.

A hithau ar flaen y gad ym maes ymchwil beirianegol, mae gan Gaerdydd gysylltiadau cryf â byd diwydiant. Datblygwyd cysylltiadau niferus â chwmnïau yn y Deyrnas Unedig a thramor drwy ein cynlluniau Blwyddyn mewn Diwydiant a thrwy waith ymgynghorol ein staff. Mae hynny’n cynnwys cynghori ynghylch materion fel polisi ynni, dylunio pontydd, defnyddiau magnetig a dyfeisiau lled-ddargludo.

Camau nesaf

icon-academic

Ymweliadau Diwrnod Agored

Cofrestrwch i gael ein newyddion diweddaraf

icon-international

Rhyngwladol

Mwy o wybodaeth am ein brifysgol fyd-eang

icon-chat

Gofyn cwestiwn

Gofynnwch gwestiwn i ni neu siaradwch â'n tîm derbyn myfyrwyr.

icon-pen

Sut i wneud cais

Sut i wneud cais am y cwrs hwn


Data HESA: Hawlfraint yr Asiantaeth Ystadegau Addysg Uwch Cyfyngedig 2021. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw'r data o Arolwg Hynt Graddedigion Diweddaraf 2019/20 a gyhoeddwyd gan HESA ym mis Mehefin 2022.