Ein cymuned
Mae Gyda'n Gilydd yng Nghaerdydd yn cynnig amrywiaeth o ddigwyddiadau i chi gymryd rhan yn ein cymuned a chymdeithasu ynddi.
Cymerwch ran yn ein digwyddiadau
Gwahoddir pawb a gefnogir gan Gyda'n Gilydd yng Nghaerdydd i fynychu ein gweithgareddau. Rydym wedi cymryd rhan yn Wythnos Genedlaethol Ymadawyr Gofal, Wythnos Undod Ymddieithrio, Wythnos Ffoaduriaid, Diwrnod y Lluoedd Arfog ac Wythnos Genedlaethol Gofalwyr, i enwi ond ychydig.
Yn ein digwyddiadau, ni fydd eraill yn gwybod sut mae'r gwasanaeth yn eich cefnogi oni bai eich bod yn dewis rhannu'r wybodaeth hon.
Rydym hefyd yn creu ac yn cymryd rhan mewn ymgyrchoedd a digwyddiadau i godi ymwybyddiaeth o'r gefnogaeth rydym yn ei chynnig a'r math o gefnogaeth y mae ei hangen ar ein cymuned. Rydym yn gwerthfawrogi mewnbwn gennych chi i'n helpu at y diben hwn.
Caffis Gyda'n Gilydd yng Nghaerdydd
Cynhelir y digwyddiad cymdeithasol rheolaidd hwn unwaith y pythefnos ar ddydd Mawrth a dydd Iau rhwng 10:00 a hanner dydd ar 4ydd llawr Canolfan Bywyd y Myfyrwyr.
Gallwch fwynhau diodydd a bisgedi am ddim, tra ein bod yn chwarae gemau bwrdd a chael sgwrs
Mae cael lleoedd yn y brifysgol lle gallwn fynd pan fyddwn yn teimlo'n unig, a chael ein hamgylchynu gan y rhai sy'n ein deall ni yn rhyddhad dwys. Ynghyd â hyn, mae cael person ymroddedig o fewn y brifysgol y gallwn fynd atyn nhw - ac a fydd yn gwrando arnom ni - wir yn gwneud yr holl brofiad yn llawer haws i'w reoli.
Gyda'n Gilydd yng Nghaerdydd rhestr ddarllen
Mewn cydweithrediad â Llyfrgell y Brifysgol, rydym wedi datblygu rhestr ddarllen Gyda’n Gilydd yng Nghaerdydd I gefnogi ein myfyrwyr a chymuned ehangach Prifysgol Caerdydd i ddysgu mwy am y profiadau a'r rhwystrau y mae'r rhai sydd â phrofiad gofal, wedi ymddieithrio, â phrofiad milwrol, gofalwyr a cheiswyr lloches yn eu hwynebu, heb i sefyllfaoedd personol ein myfyrwyr ein hunain gael eu rhannu.
Os hoffech chi argymell llyfr ar gyfer ein rhestr ddarllen e-bostiwch studentconnect@cardiff.ac.uk
Rhannu eich adborth
Mae ein myfyrwyr yn rhannu eu profiadau gyda ni drwy gydol eu hastudiaethau prifysgol, i'n helpu i lunio sut mae eraill yn y gymuned yn cael eu cefnogi yn y dyfodol. Rydym yn eich annog i rannu adborth gyda'n tîm i'n helpu i wella ein gwasanaeth.
Cymorth tra byddwch chi’n astudio
Ein nod yw meithrin profiad rhagorol a chefnogol ar gyfer myfyrwyr. Mae hyn yn cynnwys meithrin ac annog dyfodol hyderus a llwyddiannus i bawb. Rydyn ni’n cynnig cymorth pwrpasol ar ben y cymorth cyffredinol o ran bywyd y myfyrwyr sydd ar gael i bob myfyriwr.
Cysylltwch â ni
Lena Smith yw'r cyswllt ymroddedig ar gyfer Gyda'n Gilydd yng Nghaerdydd. Os oes gennych unrhyw gwestiynau, cysylltwch â'r tîm Gyda'n Gilydd yng Nghaerdydd.
