Ewch i’r prif gynnwys

Arian gan Lywodraeth y DU i ôl-raddedigion ar gyfer graddau meistr

Os ydych yn ddarpar fyfyriwr o'r DU/UE ac yn dechrau eich gradd meistr ym mis Medi 2019 neu’n hwyrach, gallech wneud cais am arian i ôl-raddedigion gan Lywodraeth y DU i gefnogi eich astudiaethau ym Mhrifysgol Caerdydd.

Nid yw ceisiadau ar gyfer Arian gan Lywodraeth y DU i ôl-raddedigion ar gyfer graddau meistr ar gyfer 2019/20 ar hyn o bryd. Byddwn yn diweddaru’r tudalen we ar ôl iddynt gael eu cyhoeddi. Gallwch hefyd gofrestru ar gyfer ein cylchlythyr i dderbyn y wybodaeth trwy ebost.

Pecyn cymorth Meistr ôl-raddedig Cymru ar gyfer 2019/20

Mae’r manylion isod ynghylch y cymorth sydd ar gael ar gyfer myfyrwyr cymwys sy’n dechrau astudio cwrs Meistr ym mlwyddyn academaidd 2019/20 yn amodol ar wneud rheoliadau.

Mae Llywodraeth Cymru wedi cyhoeddi pecyn cymorth newydd ar gyfer myfyrwyr ôl-raddedig sy’n byw yng Nghymru fel arfer. Mae’r pecyn yn dilyn argymhellion gan yr Athro Syr Ian Diamond o ganlyniad i’r Adolygiad o Arian Addysg Uwch a’r Trefniadau Cyllid Myfyrwyr y dylai astudiaethau Meistr ôl-raddedig gael pecyn arian tebyg i’r un sydd ar gael ar gyfer astudiaethau israddedig.

Bydd y myfyrwyr sy’n cael arian o dan y cynllun hwn yn gymwys o hyd ar gyfer ein Hysgoloriaethau Rhagoriaeth Meistr.

Ffeithiau pwysig

Bydd hyd at £17,000 o gymorth ariannol (yn amodol ar reoliadau) ar gael drwy gydol cyfnod y cwrs ar gyfer unigolyn sy’n dechrau astudiaethau Meistr ôl-raddedig ym mlwyddyn academaidd 2019/20. Bydd hwn ar gael ar gyfer myfyrwyr amser llawn a rhan-amser a bydd y cymorth yn cynnwys tair elfen:

  • Grant sylfaenol o £1,000 nad yw’n seiliedig ar brawf moddion sydd ar gael i bob myfyriwr cymwys;
  • Grant ychwanegol o £5,885 sy’n seiliedig ar brawf moddion sydd ar gael ar gyfer myfyrwyr cymwys sydd ag incwm y cartref* o hyd at £18,370 y flwyddyn - am bob £6,937 o incwm blynyddol y cartref* sy’n uwch na’n trothwy hwn, bydd swm y grant ychwanegol sy’n seiliedig ar brawf moddion yn gostwng £1
  • Benthyciad nad yw’n seiliedig ar brawf moddion sydd ar gael ar gyfer pob myfyriwr cymwys - bydd swm y benthyciad yn cyfateb i gyfanswm y cymorth (£17,000 yn 2019/20) ar ôl tynnu cyfanswm y grantiau (y grant sylfaenol a’r grant ychwanegol) y gall y myfyriwr ei hawlio.“

*Mae’r rheoliadau i’w cadarnhau o hyd, ond disgwylir i incwm y cartref gynnwys rhieni myfyrwyr ôl-raddedig sydd heb eu cyfeiriad parhaol eu hunain eto.

Cymhwysedd

  • Mae’r cymorth hwn ar gael ar gyfer cyrsiau ôl-raddedig unigol a llawn fel MSc, MA, MPhil, MRes, LLM, MLitt, MD, MFA, MED neu MBA;
  • Gall y cyrsiau fod yn rhai amser llawn sy’n para un neu ddwy flynedd academaidd, neu’n rhai rhan-amser sy’n para dwy, tair neu bedair blynedd academaidd; ac yn cael eu hastudio mewn prifysgol neu goleg, neu drwy ddysgu o bell;
  • Rhaid i’r myfyrwyr fod o dan 60 oed ar flwyddyn academaidd gyntaf eu cwrs;
  • Rhaid i fyfyrwyr fod yn wladolion o’r DU, meddu ar ‘statws sefydledig’ (sy’n golygu nad oes unrhyw gyfyngiadau o ran pa mor hir maent yn cael aros yn y DU) neu wedi cael caniatâd adran 67 i fynd a dod o’r DU fel myfyrwyr cymwys.
  • Yn byw yng Nghymru fel arfer, a heb symud yno at ddibenion astudio.

Gallech fod yn gymwys hefyd os ydych:

  • yn aelod o luoedd arfog y DU, neu’n perthyn i rywun yn lluoedd arfog y DU, ac yn astudio cwrs dysgu o bell y tu allan i’r DU;
  • yn ffoadur, neu’n perthyn i ffoadur
  • o dan drefniadau gwarchod dynoliaethol o ganlyniad i gais aflwyddiannus am loches ac yn byw yng Nghymru
  • wedi cael caniatâd yn ôl disgresiwn i aros yn y DU neu’n perthyn i rywun sydd wedi cael caniatâd yn ôl disgresiwn i aros yn y DU ac os nad oes cais am loches wedi’i wneud
  • wedi cael caniatâd i ddod i’r DU neu aros yma, neu’n perthyn i rywun sydd wedi cael caniatâd i ddod i’r DU neu aros yma o ganlyniad i gais aflwyddiannus am loches
  • yn weithiwr ymfudol o'r AEE neu o'r Swistir, neu eich bod yn perthyn i rywun sy'n weithiwr ymfudol o'r AEE neu o'r Swistir
  • yn blentyn i ddinesydd o’r Swistir, neu’n blentyn i weithiwr o Dwrci.

Os ydych yn dod o ran arall o'r DU ond rydych yn byw yng Nghymru ar hyn o bryd tra byddwch yn astudio, ni fyddwch yn gymwys ar gyfer y pecyn cymorth ar gyfer Rhaglenni Meistr yng Nghymru. Fodd bynnag, gallech fod yn gymwys ar gyfer cynllun o'ch gwlad enedigol.

Nid yw’r cymorth ar gael ar gyfer y canlynol:

  • Cyrsiau meistr integredig;
  • Cymhwyster Meistr mewn Pensaernïaeth (MArch) amser llawn;
  • Graddau Doethurol Ôl-raddedig
  • Graddau meistr a ymgymerir yn rhan o radd Doethurol Ôl-raddedig;
  • Tystysgrif Ôl-raddedig neu Ddiploma Ôl-raddedig (PgDip);
  • Os yw myfyrwyr yn cael bwrsariaeth gofal iechyd neu waith cymdeithasol gan unrhyw un o’r canlynol; GIG, Adran Iechyd, Gwasanaethau Cymdeithasol a Diogelwch Cyhoeddus, Asiantaeth Dyfarniadau Myfyrwyr yr Alban neu Gyngor Gofal Cymru.

Taliadau benthyciadau

Nid yw’r union fanylion wedi’u cadarnhau eto ar gyfer elfen benthyciadau’r pecyn cymorth y rhaglenni Meistr. Os ydynt yn dilyn yr un system â’r un yn 2018/19, bydd y taliadau'n cael eu gwneud mewn tri rhandaliad yn ystod pob blwyddyn academaidd. Caiff y dudalen hon ei diweddaru yn syth ar ôl cael cadarnhad o hyn.

Benthyciadau i fyfyrwyr o Loegr

Ffeithiau allweddol

  • Yr uchafswm ar gyfer benthyciadau i fyfyrwyr newydd yn dechrau graddau Meistr ôl-raddedig yn 2019/20 fydd £10,906.
  • Mae ar gael ar gyfer gwneud graddau meistr ôl-raddedig mewn unrhyw bwnc, gan gynnwys MSc, MA, MBA, MPH, MTh, LLM, MPhil ac MRes. Nid yw ar gael i wneud Meistr mewn Pensaernïaeth (MArch), Diplomâu Ôl-raddedig (PgDip) na Thystysgrifau Ôl-raddedig (PgCert).
  • Mae ar gael i fyfyrwyr rhan-amser, amser llawn a myfyrwyr sydd ar raglenni dysgu o bell.
  • Gall rhaglen amser llawn fod dros flwyddyn neu ddwy flynedd.
  • Gall rhaglen ran-amser bara hyd at bedair blynedd gyda'r cyfyngiadau canlynol: hyd at ddwy flynedd sy'n gyfwerth â blwyddyn ar gwrs amser llawn, hyd at bedair blynedd sy'n gyfwerth â chwrs amser llawn dwy flynedd, neu gwrs rhan-amser dros dair blynedd nad sy'n gyfwerth ag unrhyw gwrs amser llawn.

Pwy sy'n gymwys

  • Mae'n rhaid eich bod yn un o ddinasyddion y DU (neu â statws sefydlog yn y DU) ac wedi bod yn byw yn y DU a'i hynysoedd ers tair blynedd ar ddiwrnod cyntaf y flwyddyn academaidd gyntaf.
  • Mae'n rhaid bod gennych gyfeiriad cartref parhaol yn Lloegr, hyd yn oed os ydych wedi bod mewn mannau eraill dros dro. Gall hyn fod oherwydd eich bod wedi bod yn teithio neu oherwydd addysg, gan gynnwys cwblhau gradd israddedig.
  • Mae'n rhaid i chi fod o dan 60 oed ar ddiwrnod cyntaf eich blwyddyn gyntaf o'r cwrs.

Ni fyddwch yn gymwys os ydych eisoes wedi cwblhau gradd meistr, gradd doethuriaeth neu radd lefel uwch. Mae hyn yn cynnwys gradd meistr integredig fel sydd i'w gweld gydag MEng, MChem ac MPharm a hyd yn oed gyda chymwysterau a wnaed y tu allan i'r DU. Er hyn, nid yw'n cynnwys Diplomâu Ôl-raddedig na Thystysgrifau Ôl-raddedig.

Mae myfyrwyr o'r UE yn gymwys i astudio gradd meistr o bell ym Mhrifysgol Caerdydd cyhyd â'u bod yn byd yn Lloegr yn barhaol.

Gellir cael mwy o wybodaeth am sut i wneud cais ar gael ar Student Awards Agency Scotland.

Gellir cael mwy o wybodaeth am sut i wneud cais ar gael ar wefan gwasanaethau llywodraeth nidirect.

Cofrestrwch ar gyfer ein cylchlythyr i gael y newyddion diweddaraf am y benthyciadau a gwybodaeth bwysig arall trwy ebost.