Ffioedd israddedig Ynysoedd y Sianel ac Ynys Manaw
Mae’r ffioedd dysgu’n daladwy i Brifysgol Caerdydd am bob blwyddyn o’ch cwrs (gan gynnwys blynyddoedd sy'n cael eu hailadrodd).
Bydd y ffi flynyddol yn talu:
- yr holl ffioedd dysgu
- costau hanfodol y cwrs
- cofrestru ac arholi (ond nid ffi ailsefyll arholiadau gan ymgeiswyr sydd heb eu cofrestru ar y pryd).
Nid yw ffioedd llety’r Brifysgol wedi eu cynnwys yn y ffi dysgu.
Efallai y bydd arian ar gael tuag at gost eich ffioedd dysgu. Ewch i'n tudalennau am ariannu'ch astudiaethau i gael rhagor o wybodaeth.
Mynediad 2024
Mae Llywodraeth Cymru wedi codi'r cap ffioedd dysgu yng Nghymru o 2024/25, gan sicrhau ei fod yn cyd-fynd â'r ffioedd a godir mewn prifysgolion yn Lloegr. Mae hyn yn golygu y bydd prifysgolion yng Nghymru nawr yn gallu cynyddu'r terfyn ffioedd dysgu blynyddol y maent yn ei godi o £9,000 i £9,250 y flwyddyn.
Wrth ddisgwyl cymeradwyaeth derfynol ym mis Ebrill, bydd Prifysgol Caerdydd yn gweithredu'r newid hwn i ffioedd myfyrwyr cymwys o flwyddyn academaidd 2024/25.
Bydd myfyrwyr Ynysoedd y Sianel ac Ynys Manaw yn gymwys ar gyfer statws ffioedd 'cartref' ar gyfer y flwyddyn academaidd 2024/25.
| Math o fyfyriwr | Ffi 2024/25 |
|---|---|
| Israddedigion amser llawn 'cartref' | £9,000 |
Myfyrwyr 'cartref' ar leoliad fel rhan o'u gradd, gan gynnwys:
| 15-20% o'r ffi amser llawn, yn dibynnu at y math o leoliad |
| Myfyrwyr ym mlwyddyn dysgu yn y gwaith y rhaglen BSc/MArch mewn Pensaernïaeth | 50% o'r ffi amser llawn |
| Rhaglenni gofal iechyd / rhaglenni a ariennir gan y GIG | Gwybodaeth am ariannu eich cwrs gofal iechyd |
Ffioedd ar ôl y flwyddyn gyntaf
Mae’r brifysgol yn cadw’r hawl i gynyddu ffioedd dysgu yn yr ail flwyddyn a’r blynyddoedd dilynol mewn cwrs, yn unol â’r gyfraith neu bolisi Llywodraeth Cymru.
Pan fo’n berthnasol, byddwn yn rhoi gwybod i chi am unrhyw newid erbyn mis Mehefin yn y flwyddyn academaidd cyn y flwyddyn pan fydd y ffioedd yn cynyddu.
