Adrodd ar garbon
Ategir ymrwymiad Prifysgol Caerdydd i leihau ein hallyriadau carbon cymaint â phosibl gan ddangos tryloywder ynghylch ein hallyriadau, yn gyfredol ac yn hanesyddol.
Mae’r siart isod yn dangos ein hallyriadau gwaelodlin, ac allyriadau yn ôl ystod o wahanol ddulliau adrodd, yn y flwyddyn adrodd ddiweddaraf (1 Awst 2021 i 31 Gorffennaf 2022).
|
|
| Allyriadau tCO2e 2021/22 | |
Cwmpas | Categori | Allyriadau gwaelodlin yn ystod 2021/22 oni nodir yn wahanol | Adroddiad Rheoli Ystadau (1)
| Fframwaith Adrodd Sero Net y Sector Gyhoeddus gan Lywodraeth Cymru (2) |
1 | Nwy (gwaelodlin yn ystod 2005/06) | 13,212 | 14,247 | 14,247 |
Fflyd (gwaelodlin yn ystod 2014/15) | 91 | 70 | 109 | |
Nwy anesthetig | 0.5 | Heb ei fesur | 0.5 | |
Nwy wedi ei fflworineiddio | 506 | Heb ei fesur | 506 | |
2 | Trydan (gwaelodlin yn ystod 2005/06) | 18,583 | 9,914 | 10,034 |
3 | Dŵr | 130 | 126 | 130 |
Tanwydd ac Ynni a ddefnyddir i gludo i'r sefydliad | 5,991 | Heb ei adrodd yn EMR | 5,991 | |
Gwastraff | 73 | 73 | ||
Teithio ar Fusnes | 164 | 164 | ||
Cymudo | 10 | 10 | ||
Gweithio Gartref | 543 | 543 | ||
Cadwyn Gyflenwi | 45,427 | 45,427 | ||
Teithio gan fyfyrwyr y DU a Myfyrwyr Rhyngwladol | I'w gadarnhau | Heb ei fesur | ||
Asedau ar brydles | I'w gadarnhau | Heb ei fesur | ||
Buddsoddiadau | I'w gadarnhau | Heb ei fesur | ||
Nodau
- Rydym wedi dadansoddi ein hallyriadau carbon mwyaf arwyddocaol ar gyfer Cwmpas 1 a 2 ers 2005/06 gan ddefnyddio ein hofferyn Adroddiad Rheoli Ystadau, gan ddarparu gwaelodlin o bron i 20 mlynedd yn ôl.
- Yn ystod y ddwy flynedd ddiwethaf, mae Fframwaith Adrodd ar Sero Net Sector Cyhoeddus Llywodraeth Cymru wedi cynnig methodoleg debyg i raddau helaeth, ond wedi’i haddasu mewn rhai achosion, i gyfrifo allyriadau carbon. Ar gyfer Cwmpas 1, mae hyn yn ychwanegu data pellach ar allyriadau o nwyon anesthetig a nwyon F. Ar gyfer Cwmpas 1 a 2, mae mân amrywiadau i gyfrifiadau yn yr Adroddiad Rheoli Ystadau, e.e. mae adeiladau ar brydles wedi'u cynnwys yn adroddiadau Llywodraeth Cymru. Y gwahaniaeth mwyaf yw dadansoddiad ychwanegol o allyriadau Cwmpas 3, er ein bod yn nodi, efallai nad yw'r fethodoleg bresennol ar gyfer cyfrifo'r categori maith iawn o allyriadau 'Cadwyn Gyflenwi' yn adlewyrchu ein hallyriadau yn gywir. Mae’n ddarpariaeth o’r data hwn yn cefnogi uchelgais bresennol Llywodraeth Cymru i’r sector cyhoeddus gyflawni statws o fod yn carbon niwtral erbyn 2030.
- Yn 2023, lansiwyd methodoleg monitro ac adrodd ar allyriadau newydd yn y sector Addysg bellach ac uwch - sef “Fframwaith Allyriadau Carbon Safonol” - gan yr EAUC (Cymdeithas yr Amgylchedd ar gyfer Prifysgolion a Cholegau). Mae’r fframwaith hwn yn cael ei fabwysiadu’n eang ar draws sector addysg y DU a bydd Prifysgol Caerdydd yn cynnwys adrodd gan ddefnyddio’r fethodoleg hon (eto, ychydig yn gynnil), gan adrodd o 2022/23 ymlaen.
Mae'n cymryd dipyn o amser i ni lunio’n adroddiad ar ddata o’r flwyddyn flaenorol, felly dyma’r rheswm am yr oedi. Byddwn yn diweddaru’r dudalen hon i gynnwys data 2022/23 yn ystod yr haf 2024.