Llywydd ac Is-Ganghellor

Yr Athro Colin Riordan
Yr Athro Colin Riordan BA, PhD

Y Llywydd ac Is-Ganghellor yw prif swyddog gweithredol y Brifysgol, gyda chyfrifoldebau ffurfiol ac eang dros arweinyddiaeth a rheolaeth y Brifysgol.

Ymgymerodd yr Athro Colin Riordan â swydd Llywydd ac Is-Ganghellor y Brifysgol ar 1 Medi 2012.

Cyn hynny bu'n Is-Ganghellor Prifysgol Essex, ar ôl cael ei benodi ym mis Hydref 2007. Symudodd i Essex o Brifysgol Newcastle, lle'r oedd wedi bod yn Ddirprwy Is-Ganghellor a Phrofost Cyfadran y Dyniaethau a Gwyddorau Cymdeithasol ers mis Awst 2005.

Bu'r Athro Riordan yn dysgu Saesneg fel iaith dramor yn Julius-Maximilians-Universität Würzburg yn yr Almaen (1982-84) a bu'n Ddarlithydd, yna'n Uwch-ddarlithydd mewn Almaeneg ym Mhrifysgol Abertawe (1986-1998). Daeth yn Athro Almaeneg ym Mhrifysgol Newcastle ym 1998, ac arhosodd yno tan iddo symud i Essex yn 2007.

Mae wedi cyhoeddi'n eang ar lenyddiaeth a diwylliant yr Almaen ar ôl y rhyfel, gan gynnwys ysgrifennu a golygu cyfrolau ar y llenorion Jurek Becker, Uwe Johnson a Peter Schneider. Ymhlith ei ddiddordebau ymchwil eraill mae hanes syniadau amgylcheddol yn niwylliant yr Almaen.

Aelodaeth

  • Is-Lywydd ac aelod bwrdd Universities UK
  • Aelod Bwrdd y Leadership Foundation for Higher Education
  •  Ymddiriedolwr, Edge Foundation
  • Aelod o Gyngor Ymgynghorol UK NARIC
  • Aelod o fwrdd ymddiriedolwyr UCAS
  • Aelod o fwrdd yr Uned Her Cydraddoldeb
  • Cadeirydd Uned Ryngwladol UK Higher Education
  •  Aelod o'r Cyngor Addysg Rhyngwladol, a noddir gan yr Adran Busnes, Arloesi a Sgiliau
  • Cadeirydd Rhwydwaith Polisi Rhyngwladol Universities UK
  • Is-Gadeirydd, Bwrdd Rhanbarth Prif Ddinas Caerdydd
  •  Aelod, Cyllid Addysg Uwch a Threfniadau Cyllid Myfyrwyr ar Banel Adolygu Cymru,

Cyfrifoldebau

Fel Prif Swyddog Gweithredol, yr Athro Riardon sy'n gyfrifol am y canlynol:

  • arweinyddiaeth a rheolaeth gyffredinol y Brifysgol
  • egni ariannol ac academaidd cyffredinol y Brifysgol
  • hyrwyddo ac eiriol dros y Brifysgol yn fyd-eang, yn genedlaethol ac yn lleol
  • cynnal safonau rhagorol o atebolrwydd ar draws y Brifysgol, a safonau rhagorol o lywodraethu corfforaethol
  •  atebolrwydd i'r Senedd am ddefnydd o gronfeydd y Brifysgol,

Mae hefyd yn Cadeirio'r pwyllgorau a'r grwpiau canlynol:

  • Bwrdd Gweithredol y Brifysgol
  • Senedd
  • Pwyllgor Dyfarniadau Academaidd
  • Y Pwyllgor Dyfarniadau a Chynnydd
  • Y Grŵp Adolygu Cyllideb a Chynllunio,

Manylion cyswllt

Cynorthwyydd personol: Sunita Farnham