Ewch i’r prif gynnwys
Cyrsiau rhan amser i oedolion

Dysgwch iaith newydd dros yr haf

Dysgu Cymraeg Caerdydd sy’n cyflwyno ein dosbarthiadau Cymraeg ym Mhrifysgol Caerdydd.

Yr haf hwn byddwn yn cynnal dosbarthiadau sgwrsio wyneb yn wyneb.  Bydd y sesiynau byr ond dwys yn cael eu cynnal dros wythnos neu bythefnos ym mis Mehefin neu fis Gorffennaf.

Byddant yn cael eu harwain gan diwtor arbenigol sy'n siaradwr brodorol mewn ystafell ddosbarth groesawgar a chalonogol.

I ddathlu, rydym yn lansio cystadleuaeth lle gallwch ennill cwrs yn rhad ac am ddim.  I gystadlu mae angen i chi gwblhau arolwg byr iawn.

Bydd ystod o gyrsiau ar gael o ddechreuwyr llwyr i siaradwyr mwy profiadol mewn Ffrangeg, Eidaleg neu Sbaeneg.  Y cyfan sydd ei angen arnoch chi yw diddordeb mewn iaith a'r brwdfrydedd i'w dysgu gydag eraill.

Cyrsiau sydd ar gael

Eidaleg: Sgwrsio i Ddechreuwyr Llwyr

Mae’r cwrs hwn ar gyfer myfyrwyr nad ydynt yn medru gair o Eidaleg.

Ffrangeg i Ddechreuwyr Llwyr

Mae’r cwrs hwn yn addas i chi os nad ydych yn medru gair o Ffrangeg (neu ychydig bach yn unig).

Ffrangeg: Sgwrsio Canolradd

Mae’r cwrs hwn yn addas i chi os ydych wedi gwneud 3 blynedd o astudiaethau rhan-amser (neu 4 blynedd, ond yn teimlo bod eich sgiliau siarad yn wan o hyd) ac rydych yn gallu cyfathrebu wrth wneud tasgau arferol lle mae angen cyfnewid gwybodaeth uniongyrchol ar faterion cyfarwydd a chyffredin.

Gwella eich Eidaleg

Mae'r cwrs dwys hwn ar eich cyfer chi os ydych chi wedi mynychu blwyddyn o astudio rhan-amser neu os oes gennych wybodaeth sylfaenol iawn o'r Eidaleg.

Sbaeneg i Ddechreuwyr Llwyr

Mae’r cwrs hwn ar gyfer myfyrwyr nad ydynt yn medru gair o Sbaeneg.

Sbaeneg i Ddechreuwyr Uwch

Mae’r cwrs dwys hwn yn addas i chi os ydych wedi gwneud blwyddyn o astudiaethau rhan-amser neu os gwnaethoch astudio lefel ‘O’ (TGAU) rhydlyd yn yr Almaeneg.

Sbaeneg Sgyrsiol Ganolradd

Mae’r cwrs dwys hwn yn addas i chi os ydych wedi gwneud 3 blynedd o astudiaethau rhan-amser ac rydych yn gallu cyfathrebu wrth wneud tasgau arferol lle mae angen cyfnewid gwybodaeth uniongyrchol ar faterion cyfarwydd a chyffredin.

Sbaeneg Sgyrsiol Uwchraddol

Mae’r cwrs hwn yn addas i chi os ydych wedi treulio sawl blwyddyn (6+) o astudiaethau rhan-amser a/neu os oes gennych eisoes gwybodaeth dda o Sbaeneg a hoffech ymarfer eich sgiliau sgwrsio ymhellach.

Cyrsiau Cymraeg i oedolion

Rydym yn cynnig sesiynau rhagflas yn ogystal â chyrsiau i ddechreuwyr hyd at gyrsiau i siaradwyr Cymraeg rhugl a fyddai’n hoffi gwella eu Cymraeg.