Ewch i’r prif gynnwys

Cyfrifiadureg a Rheoli TG gyda Lleoliad (MSc)

  • Hyd: 2 flynedd
  • Dull astudio: Amser llawn gyda blwyddyn ryngosod

Course options See other modes of study
Dyddiad dechrau
conversion-course

Cwrs trosi

Cwrs trosi yw hwn. Nid oes angen gwybodaeth flaenorol na gradd benodol i'w astudio, ond bydd angen i chi ddangos diddordeb a dealltwriaeth o'r pwnc.

calendar

Diwrnod agored

Dysgwch am astudio'n ôl-raddedig yma yn ystod ein Diwrnod Agored nesaf.

Pam astudio’r cwrs hwn

Mae’r rhaglen 'â lleoliad' yn gyfle i ymgymryd â phrofiad 7-10 mis fel gweithiwr proffesiynol TG ar gyfer myfyrwyr sy'n llwyddo i ddod o hyd i leoliad addas.

Mae’r MSc Cyfrifiadura a Rheoli TG ar gyfer graddedigion sydd am symud i gyfrifiadureg o ddisgyblaeth arall, ac mae’n cynnig gwybodaeth dechnegol eang a chyd-destun busnes cadarn ar gyfer rheoli systemau TG.

Ar y cwrs hwn, byddwch yn dysgu'r sgiliau y mae arnoch eu hangen i ddatblygu rhaglenni busnes, drwy ddealltwriaeth sylfaenol o waith datblygu meddalwedd a gwefannau, e-fasnach a rheoli cronfeydd data. Byddwch hefyd yn meithrin dealltwriaeth o'r sgiliau proffesiynol sydd eu hangen i arwain rheolwyr TG drwy weithio fel rhan o dîm ar brosiect newid busnes.

Yn ogystal, bydd gennych yr opsiwn o ddysgu am dechnolegau newydd a thechnolegau sy'n dod i’r amlwg, fel cyfrifiadura cwmwl, sy'n newid y cyfleoedd a'r bygythiadau ar gyfer darparu systemau TG yn sylweddol. Efallai y byddwch hefyd yn dewis cyfrifiadura dynol sy’n canolbwyntio ar ddiffinio a darparu systemau gwybodaeth effeithiol o safbwynt dyn. Mae gennych hefyd yr opsiwn o ddysgu'r wybodaeth a'r sgiliau sydd eu hangen i greu dulliau delweddu rhyngweithiol ac esboniadau o ddata.

Gall myfyrwyr ddewis gwneud cais am leoliad gwaith proffesiynol 7-12 mis â thâl, i’w gyflawni ar ôl cwblhau semester y gwanwyn a chyn cwblhau'r cwrs MSc gyda thraethawd hir 60 credyd. Bydd hyn yn darparu profiad gwaith gwerthfawr i ddatblygu eich sgiliau proffesiynol ym maes TG.

Mae’r traethawd hir yn rhoi cyfle i ddatblygu eich sgiliau ymchwil a chymhwyso cysyniadau a thechnegau technegol a rheoli i ddatrys problem gyfrifiadurol gymhleth.

Mae'r cwrs dwy flynedd hwn yn cynnig cyfuniad cytbwys o theori ac ymarfer, a gall naill ai eich paratoi ar gyfer gyrfa fel gweithiwr TG proffesiynol, ymchwil ddoethurol, neu fod yn gymhwyster uwch annibynnol ynddo'i hun.

Nodweddion unigryw

  • The opportunity to undertake a conversion course in Computing and IT.
  • Designed for those who wish to move into computing and IT management from another discipline.
  • Professionally accredited by the BCS, the Chartered Institute for IT.
  • The opportunity to learn the technical knowledge and skills needed to develop business applications.
  • Working in a team on a business change project to develop IT management skills.
  • Tailor the course to your interests through a range of advanced option modules.
  • Includes a 7-12 month experience as an IT Professional for students who find a suitable placement.
  • You will be provided with a laptop during induction week that will remain with you throughout the duration of the course.

Achrediadau

Ble byddwch yn astudio

Yr Ysgol Cyfrifiadureg a Gwybodeg

Ein hymchwil amlddisgyblaeth sy'n rhoi ffurf i'n rhaglenni gradd, ac yn eu gwneud yn berthnasol i gyflogwyr heddiw, gan eu gosod mewn sefyllfa dda i fanteisio ar ddatblygiadau yfory.

  • icon-chatGofyn cwestiwn
  • Telephone
  • MarkerFfordd Senghennydd, Cathays, Caerdydd, CF24 4AG

Meini prawf derbyn

Cwrs trosi yw hwn. Mae cyrsiau trosi yn eich galluogi i astudio pwnc nad yw'n gysylltiedig â'ch gradd israddedig neu'ch gyrfa bresennol, a'ch cefnogi gyda newid gyrfa. Nid oes angen gwybodaeth na gradd flaenorol yn y pwnc.

Academic requirements: 

Typically, you will need to have either: 

  • a 2:2 honours degree in a subject other than computing, or an equivalent international degree
  • a university-recognised equivalent academic qualification in a subject other than computing
  • or relevant professional experience evidenced by a reference. 

English Language requirements: 

IELTS with an overall score of 6.5 with 5.5 in all subskills, or an accepted equivalent.

Other essential requirements: 

You may choose to supplement your application with:

  • a detailed CV
  • or any other supporting material you may consider to be appropriate.

Application deadline: 

We allocate places on a first-come, first-served basis, so we recommend you apply as early as possible.

Selection process:

We will review your application and if you meet the entry requirements, we will make you an offer.

Rhagor o wybodaeth am ofynion Iaith Saesneg.

Mae'n rhaid i ymgeiswyr sydd angen Fisa myfyriwr i astudio yn y DU gyflwyno cymhwyster iaith Saesneg derbyniol er mwyn bodloni gofynion UKVI (Fisâu a Mewnfudo y DU).

Euogfarnau troseddol

You are not required to complete a DBS (Disclosure Barring Service) check or provide a Certificate of Good Conduct to study this course.

If you are currently subject to any licence condition or monitoring restriction that could affect your ability to successfully complete your studies, you will be required to disclose your criminal record. Conditions include, but are not limited to:

  • access to computers or devices that can store images
  • use of internet and communication tools/devices
  • curfews
  • freedom of movement
  • contact with people related to Cardiff University.

Strwythur y cwrs

Bydd myfyrwyr yn mynd ar leoliad yn dilyn cam a addysgir y cwrs a chyn dechrau gweithio ar eu prosiect a’u traethawd hir unigol. Mae'r rhan fwyaf o fyfyrwyr yn dechrau eu lleoliad yn ystod tymor yr haf eu blwyddyn gyntaf. Mae'r dadansoddiad fel a ganlyn:

  • Blwyddyn 1: Modiwlau craidd 100 credyd, modiwlau dewisol 20 credyd.
  • Blwyddyn 2: Lleoliad 120 credyd, modiwl craidd 60 credyd.

Mae hwn yn gwrs amser llawn sy’n cael ei ddilyn dros ddwy flynedd galendr. Mae hefyd ar gael fel cwrs amser llawn dros flwyddyn neu gwrs rhan-amser dros dair blynedd, y ddau heb leoliad.

Mae'r modiwlau a ddangosir yn esiampl o'r cwricwlwm arferol. Byddant yn cael eu hadolygu cyn blwyddyn academaidd 2022/23. Bydd y modiwlau terfynol yn cael eu cyhoeddi erbyn mis Medi 2022.

Blwyddyn un

Blwyddyn dau

Teitl modiwlCôd modiwlCredydau
PlacementCMT305120 credydau
Computing and IT Management DissertationCMT40460 credydau

Mae'r Brifysgol wedi ymrwymo i ddarparu amrywiaeth eang o opsiynau modiwl lle’n bosibl. Ond byddwch yn ymwybodol er y byddwn yn gwneud pob ymdrech i gynnig dewis, gall hyn gael ei gyfyngu mewn rhai amgylchiadau. Y rheswm am hyn yw'r ffaith mai dim ond nifer cyfyngedig o leoedd sydd ar gael ar rai modiwlau, a gaiff eu dyrannu ar sail y cyntaf i'r felin. Mae'n ofynnol i fodiwlau eraill sicrhau isafswm nifer o fyfyrwyr cyn gallu eu cynnal, er mwyn gwneud yn siŵr y gellir cyflwyno addysg o ansawdd priodol. Gall modiwlau gael eu cyfyngu oherwydd gwrthdaro yn yr amserlen hefyd, ac er bod y Brifysgol yn ymdrechu i amharu cyn lleied â phosibl ar eich dewis, byddai'n syniad da i chi ofyn am gyngor gan yr Ysgol berthnasol am y dewisiadau modiwl sydd ar gael.

Dysgu ac asesu

Sut y caf fy addysgu?

Mae gan yr Ysgol Cyfrifiadureg a Gwybodeg ddiwylliant ymchwil cryf a gweithredol sy'n llywio ac yn arwain ein haddysgu. Rydyn ni wedi ymrwymo i ddarparu addysgu o'r safon uchaf a chawsom adroddiad rhagorol yn adolygiad diweddaraf yr Asiantaeth Sicrhau Ansawdd (QAA).

Defnyddir ystod amrywiol o arddulliau addysgu a dysgu drwy'r MSc mewn Cyfrifiadura a Rheoli TG. Bydd myfyrwyr yn mynychu darlithoedd, yn cymryd rhan mewn seminarau, gweithdai a thiwtorialau ac yn gweithio yn y labordy.

Fel arfer, bydd myfyrwyr yn cael gafael ar ddeunyddiau cymorth drwy Dysgu Canolog (Amgylchedd Dysgu Rhithwir Prifysgol Caerdydd).

Byddwch hefyd yn ymgymryd â phrosiect ac astudiaeth annibynnol i’ch galluogi i gwblhau traethawd hir. Gallwch chi awgrymu pynciau traethawd hir neu eu dewis o restr o ddewisiadau a gynigir gan staff academaidd, sy'n adlewyrchu eu diddordeb presennol.

Sut y caf fy asesu?

Mae'r modiwlau a addysgir yn cael eu hasesu drwy arholiadau ac ystod eang o asesiadau yn ystod y cwrs, fel adroddiadau ysgrifenedig, traethodau estynedig, aseiniadau ymarferol a chyflwyniadau llafar.

Mae'r lleoliad yn cael ei asesu drwy adroddiad myfyriol sy'n dangos bod y myfyriwr wedi datblygu sgiliau fel Gweithiwr Proffesiynol TG.

Bydd y prosiect a’r traethawd hir unigol yn eich galluogi i ddangos eich gallu i adeiladu ar wybodaeth a sgiliau a enillwyd, a’u datblygu, er mwyn dangos meddwl beirniadol a gwreiddiol yn seiliedig ar gyfnod o astudio a dysgu annibynnol.

Sut y caf fy nghefnogi?

Fel Ysgol, rydyn ni’n ymfalchïo mewn darparu amgylchedd cefnogol lle gallwn helpu ac annog ein myfyrwyr.

Bydd tiwtor personol yn cael ei ddyrannu i bob myfyriwr a fydd yn monitro eich cynnydd drwy gydol eich cyfnod yn y Brifysgol ac yn eich cefnogi yn eich cynllun datblygiad personol. Byddwch yn gweld eich Tiwtor Personol o leiaf unwaith y semester.

Gall yr Uwch-diwtor Personol roi cyngor ac ymateb i unrhyw faterion personol wrth iddyn nhw godi hefyd. Yn ogystal, mae gan yr Ysgol banel myfyrwyr a staff ffurfiol i drafod pynciau neu faterion sydd o ddiddordeb i'r ddwy ochr.

Y myfyrwyr sy'n gyfrifol am sicrhau eu lleoliad. Mae'r Ysgol yn cynorthwyo myfyrwyr ar gyrsiau ""gyda Lleoliad"" i ddod o hyd i leoliad addas.

Adborth

Gallai adborth ar waith cwrs gael ei roi ar ffurf sylwadau ysgrifenedig ar waith a gyflwynir; atebion ""enghreifftiol"" a/neu drafodaeth mewn sesiynau cyswllt.

Pa sgiliau y byddaf yn eu hymarfer a’u datblygu?

Bydd myfyrwyr yn caffael ac yn datblygu amrywiaeth o sgiliau gwerthfawr, yn rhai penodol i’r ddisgyblaeth a ""sgiliau cyflogadwyedd"" mwy cyffredinol, er enghraifft, gallu:

  • Dadansoddi a gwerthuso materion cyfredol mewn cymhwyso cyfrifiadura, yn feirniadol.
  • Cyfleu syniadau, egwyddorion a theorïau’n glir ar lafar, yn ysgrifenedig, drwy ddiagram ac yn ymarferol.
  • Dangos hunangyfeiriad, menter, proffesiynoldeb, barn feirniadol a sgiliau cynllunio wrth fynd i'r afael â phroblemau cyfrifiadura a'u datrys gan ddefnyddio technolegau priodol.
  • Dylunio, gan ddefnyddio offer priodol, system wybodaeth syml neu ran benodol o system fwy.
  • Cymhwyso cysyniadau technegol a rheoli i ddatrys problemau cyfrifiadurol.
  • Byddant hefyd yn datblygu nifer o sgiliau ymchwil gwerthfawr drwy gwblhau'r traethawd hir.

Ar ben hynny, bydd disgwyl i raddedigion ddangos:

  • Dealltwriaeth systematig o gysyniadau cyfrifiadura cyffredinol, yn rhai damcaniaethol ac ymarferol.
  • Deall natur sefydliadau a sut maen nhw’n defnyddio gwybodaeth at ddibenion busnes.
  • Deall y dulliau, y technegau a'r offer sydd ar gael i bennu, dylunio, gweithredu a rheoli systemau cyfrifiadurol ar gyfer sefydliadau.
  • Deall egwyddorion a nodweddion caledwedd a meddalwedd cyfrifiadurol a chyfathrebu a sut mae'r rhain yn cefnogi datblygiad systemau cyfrifiadurol.
  • Ymwybyddiaeth feirniadol o'r tueddiadau cyfredol mewn meysydd ymchwil dethol o gyfrifiadura, a thrafod eu cyfraniad at ddatblygu systemau cyfrifiadurol.

Ffioedd dysgu ar gyfer dechrau astudio yn 2022

Bydd eich ffioedd dysgu a sut y byddwch yn eu talu yn dibynnu ar eich statws ffioedd. Gallai eich statws ffioedd fod yn statws cartref, ynysoedd neu tramor.

Dysgwch sut rydym yn pederfynu eich statws ffioedd

Ffioedd am statws cartref

Blwyddyn Ffioedd Dysgu Blaendal
Blwyddyn un £10,200 Dim
Blwyddyn dau £2,040 Dim

Myfyrwyr o'r UE, AEE a'r Swistir

Os ydych chi'n wladolyn o'r UE/AEE neu'r Swistir, bydd eich ffioedd dysgu ar gyfer 2022/23 yn unol â'r ffioedd tramor a godir ar fyfyrwyr rhyngwladol, oni bai eich bod yn gymwys i gael statws ffioedd y DU. Mae UKCISA wedi darparu gwybodaeth am Brexit a ffioedd dysgu.

Ffioedd am statws ynys

Dysgwch ragor am ffioedd ol-raddedig i fyfyrwyr o Ynysoedd y Sianel ac Ynys Manaw.

Ffioedd am statws tramor

Blwyddyn Ffioedd Dysgu Blaendal
Blwyddyn un £24,950 £1,000
Blwyddyn dau £2,040 Dim

Rhagor o wybodaeth am ffioedd dysgu a blaendaliadau, gan gynnwys ar gyfer myfyrwyr rhan-amser a pharhaus.

Cymorth ariannol

Gallai cymorth ariannol fod ar gael ar gyfer unigolion sy'n bodloni rhai meini prawf. Cewch ragor o wybodaeth yn ein hadran arian. Dim ond hyn a hyn o gymorth ariannol y gall y ffynonellau hyn eu cynnig, felly ni allwn warantu y bydd pawb sy'n bodloni'r meini prawf yn cael arian.

Costau blynyddoedd rhyngosod

Yn ystod blwyddyn ryngosod, (e.e. blwyddyn mewn diwydiant, blwyddyn ar leoliad neu flwyddyn dramor), bydd y ffi yn is. Cewch fanylion llawn ar ein tudalennau ffioedd.

Costau ychwanegol

Costau byw

Rydym wedi ein lleoli yn un o ddinasoedd mwyaf fforddiadwy y DU. Rhagor o wybodaeth am gostau byw yng Nghaerdydd.

Gyrfaoedd a lleoliadau gwaith

Mae graddedigion diweddar o'r cwrs MSc Cyfrifiadura a Rheoli TG wedi cael gwaith mewn rolau megis dadansoddwyr systemau a busnes, profwyr sicrhau ansawdd, ymgynghorwyr TG a rheolwyr prosiect.

Mae graddedigion yn cael eu cyflogi gan sefydliadau o bob maint yn lleol, yn genedlaethol ac yn rhyngwladol.

Lleoliadau

Gall disgyblion wneud cais am leoliad gwaith proffesiynol 7-12 mis â thâl i'w gyflawni ar ôl cwblhau semester y gwanwyn.

Er y byddwch yn gyfrifol am ddod o hyd i'ch lleoliad eich hun, bydd yr Ysgol yn rhoi cyngor ar wneud cais am leoliadau, yn eich hysbysu’n rheolaidd am amrywiaeth o gyfleoedd, ac yn sicrhau eich bod yn derbyn cymorth ac arweiniad drwy gydol y broses gyfan.

Bydd disgwyl i'r rhai sy'n ymgymryd â lleoliad gydymffurfio â gofynion safonol darparwr eu lleoliad a glynu wrth bolisi Prifysgol Caerdydd ar Urddas yn y Gwaith ac wrth Astudio.

Arian

Ysgoloriaethau Rhagoriaeth Meistr

Gwobr sy'n agored i fyfyrwyr sydd â statws ffioedd cartref sy'n bwriadu astudio un o'n graddau meistr a addysgir.

Cyllid Graddau Meistr Ôl-raddedig

Os ydych yn dechrau eich gradd meistr ym mis Medi 2022 neu ar ôl hynny, gallech wneud cais am arian i ôl-raddedigion gan Lywodraeth y DU i gefnogi eich astudiaethau ym Mhrifysgol Caerdydd.

Cynllun Gostyngiad i Gynfyfyrwyr

Mae'r gostyngiad i gynfyfyrwyr ar gael i raddedigion Prifysgol Caerdydd sy'n bwriadu dechrau rhaglen Meistr gymwys yn 2022/23.

Camau nesaf

icon-academic

Ymweliadau Diwrnod Agored

Cofrestrwch ar gyfer gwybodaeth am ein dyddiadau yn 2022.
icon-chat

Gwnewch ymholiad

Cysylltwch â ni am ragor o wybodaeth am y cwrs hwn.
icon-international

Rhyngwladol

Mwy o wybodaeth am ein prifysgol fyd-eang.
icon-pen

Rhagor o wybodaeth

Pynciau cysylltiedig: Computer science, Management


Data HESA: Hawlfraint yr Asiantaeth Ystadegau Addysg Uwch Cyfyngedig 2021. Ni all yr Asiantaeth Ystadegau Addysg Uwch Cyfyngedig dderbyn cyfrifoldeb am unrhyw gasgliadau neu benderfyniadau sy'n deillio o drydydd partïon o'i data. Daw'r data o Arolwg Hynt Graddedigion Diweddaraf 2019/20 a gyhoeddwyd gan HESA ym mis Mehefin 2022.