Llywodraeth a Gwleidyddiaeth Cymru (MA)

Sut y caf fy addysgu?

Mae astudio ar gyfer Gradd Meistr yn waith dwys ac yn heriol ac mae’n bwysig eich bod yn manteisio’n llawn ar yr addysgu a ddarperir er mwyn llwyddo. Mae’n rhaid bod yn bresennol mewn dosbarthiadau a sesiynau goruchwylio traethodau hir a byddwn yn disgwyl i chi fod wedi paratoi'n dda. 

Caiff ein haddysgu ei gyflwyno trwy seminarau neu gyfuniad o ddarlithoedd a seminarau. Mae’r dulliau addysgu eraill yn cynnwys defnyddio byrddau trafod ar-lein, pecynnau astudio hunan-ddefnyddio a chwisiau a gweithgareddau ffurfiannol.

Mae’r darlithoedd yn amrywio o ran ffurf ond yn gyffredinol maent yn darparu strwythur eang ar gyfer pob pwnc, yn cyflwyno cysyniadau allweddol a gwybodaeth gyfredol.

Mewn seminarau cewch gyfle i drafod themâu neu bynciau ac i atgyfnerthu a chael adborth ar eich dysgu unigol. Datblygir sgiliau cyfathrebu mewn seminarau, lle byddwch yn gwneud cyfraniadau unigol i astudiaeth grŵp yn ogystal â datblygu sgiliau cyflwyno ar lafar. Bydd cymryd rhan mewn gweithgareddau dysgu amrywiol, fel trafodaethau grŵp bach, dadleuon, cyflwyniadau llafar, tasgau ymchwil annibynnol ac aseiniadau ysgrifenedig yn datblygu eich sgiliau deallusol a’ch sgiliau cyflwyno. 

Fel arfer staff profiadol sy’n arwain modiwlau. Mae ein haddysgu i gyd yn cael ei arwain gan ymchwil, sy'n cael ei addysgu gan staff sy'n ymwneud yn weithredol ag ymchwil i'r meysydd pwnc dan sylw. Mae hyn yn eich galluogi i gael mynediad at yr ymchwil a'r dadansoddiad diweddaraf yn y maes. Rydym hefyd yn defnyddio ein cysylltiadau agos â’r cymunedau polisi perthnasol i sicrhau bod ein haddysgu’n ymgysylltu ag enghreifftiau a senarios bywyd go iawn cyfoes.

Sut y caf fy asesu?

Mae ein haddysgu yn rhoi amrywiaeth o asesiadau i chi adlewyrchu perthnasedd ymarferol wrth ddadansoddi a gwerthuso gwleidyddiaeth a llywodraethiant Cymru. Mae asesiadau'n cynnwys aseiniadau traethawd, cyflwyniadau llafar, briffiau/dadansoddiadau polisi, cyflwyniadau tîm a mwy.

Nid yw tasgau ffurfiannol yn cyfrannu at ddosbarth terfynol eich gradd ond fe'u cynlluniwyd i roi cyfle i chi ddatblygu eich sgiliau ac ymarfer ar gyfer eich asesiadau crynodol.  Maent yn eich galluogi chi a'ch tiwtoriaid i werthuso datblygiad eich sgiliau a'ch cynnydd ym mhob modiwl. Bydd tasgau ffurfiannol fel arfer yn cynnwys gwaith cwrs ysgrifenedig neu brawf dosbarth neu gallant gynnwys cyflwyniadau myfyrwyr unigol, neu drafodaethau dosbarth/grŵp mewn seminarau gydag adborth llafar ffurfiannol gan arweinydd y modiwl.  

Mae asesiadau adolygol yn cyfrannu at ddosbarth terfynol eich gradd. Mae eich canlyniadau yn yr asesiadau hyn yn:

• penderfynu ar eich dilyniant ffurfiol o Gam 1 i Gam 2 (traethawd hir); ac 
• yn pennu eich dyfarniad terfynol.

Bydd natur yr asesiadau yng Ngham 1 yn amrywio fesul modiwl, ond fel arfer byddant yn cynnwys gwaith cwrs ysgrifenedig, arholiadau nas gwelwyd cyn yr arholiad neu arholiadau cyn rhyddhau, cyflwyniadau a gall hefyd gynnwys asesiad o'ch ymgysylltiad cyffredinol a'ch cyfranogiad mewn seminarau. Mae asesiad yng Ngham 2 (traethawd hir) yn cynnwys y traethawd hir (hyd at 15,000 o eiriau)

Sut y caf fy nghefnogi?

Byddwn yn eich cefnogi i ddatblygu eich sgiliau ymchwil ac astudio ar draws eich modiwlau a hefyd drwy eich goruchwyliwr traethawd hir.

Bydd eich dysgu’n cael ei gynnal trwy e-ddysgu. Cefnogir pob modiwl gan Dysgu Canolog, sef amgylchedd dysgu rhithwir sydd ar gael ar ac oddi ar y campws, lle byddwch yn cael mynediad i ystod eang o ddeunyddiau ar gyfer eich modiwlau.</p>

Byddwch yn derbyn cymorth academaidd a bugeiliol cyffredinol trwy diwtor personol a lle bo'n briodol bydd eich tiwtor personol yn gallu eich cyfeirio at feysydd eraill o gymorth i fyfyrwyr. Byddwn yn cynnal rhaglen o ddarlithoedd gwadd a sgyrsiau y mae croeso i chi eu mynychu.

Mae Swyddog Anabledd ac Amrywiaeth yn sicrhau bod addasiadau rhesymol yn cael eu gwneud ar gyfer myfyrwyr sydd ag anableddau. Mae’r Brifysgol hefyd yn cynnig amrywiaeth o wasanaethau i’ch cefnogi, sy’n cynnwys y Gwasanaeth Gyrfaoedd, y Gwasanaeth Cwnsela, y Gwasanaeth Anabledd a Dyslecsia, y Gwasanaeth Cymorth i Fyfyrwyr a llyfrgelloedd gwych gyda llyfrgellwyr pwnc arbenigol a chanolfannau adnoddau. 

Adborth

Mae adborth ar gael ar lafar yn ystod seminarau a byddwch yn derbyn adborth ysgrifenedig ar eich dau asesiad. Bydd adborth unigol yn eich helpu i nodi cryfderau a gwendidau yn eich dysgu, yn ogystal â sut y gallech wella eich perfformiad mewn asesiadau yn y dyfodol. Yn gyffredinol, bydd adborth ysgrifenedig ar gael heb fod yn hwyrach nag 21 diwrnod gwaith o’r dyddiad y cytunwyd arno ar gyfer cyflwyno eich asesiad.

Pa sgiliau y byddaf yn eu hymarfer a’u datblygu?

Erbyn diwedd y rhaglen, byddwch yn gallu:

Gwybodaeth a Dealltwriaeth:

GD 1 Esbonio a thrafod yn feirniadol mewn tasgau ac asesiadau lywodraethu tiriogaethol Cymru, o ran gweithrediad ac esblygiad strwythurau.

GD 2 Asesu’r ffactorau allweddol sydd wedi llunio gwleidyddiaeth ac etholiadau yn y cyd-destun datganoledig yng Nghymru mewn tasgau ac asesiadau. 

GD 3 Trafod a gwerthuso’n feirniadol y themâu craidd sy’n ymwneud â pholisi cyhoeddus mewn cyd-destun datganoledig yng Nghymru, ar draws ymchwil academaidd a dadleuon gwleidyddol cyfoes.

GD 4 Gwerthuso themâu a dadleuon cyfoes ar draws ystod o feysydd pwnc o fewn gwyddor wleidyddol.

GD 5 Dylunio a datblygu traethawd sy’n ffrwyth ymchwil annibynnol sy’n canolbwyntio ar faes Llywodraeth a gwleidyddiaeth Cymru, gan ddefnyddio sgiliau dadansoddi beirniadol a dulliau ymchwil priodol.

Sgiliau Deallusol:

SD 1 Datblygu dadl resymegol, cyfosod gwybodaeth berthnasol ac arfer barn feirniadol mewn ystod o asesiadau.

SD 2 Gwerthuso dulliau gwahanol o gasglu, dadansoddi a chyflwyno gwybodaeth sy’n ymwneud â llywodraeth a gwleidyddiaeth Cymru. 

SD 3 Ymchwilio ac eirioli atebion i broblemau mewn ystod o asesiadau.

SD 4 Asesu dulliau gwahanol o gasglu gwybodaeth wleidyddol am lywodraethiant a gwleidyddiaeth Cymru gan ystyried eu goblygiadau moesegol.

SD 5 Gwerthuso pwnc ymchwil annibynnol o'ch dewis mewn traethawd hir.  

Sgiliau Ymarferol Proffesiynol:

SY 1 Cydweithio ag eraill i gyflawni tasgau a osodwyd.

SY 2 Casglu, trefnu, coladu a gwerthuso tystiolaeth, data a gwybodaeth o amrywiaeth o ffynonellau, gan gynnwys technoleg gwybodaeth a chyfathrebu.

SY 3 Dangos y gallu i fyfyrio ar eich dysgu eich hun a defnyddio adborth yn adeiladol mewn ystod o asesiadau. 

SY 4 Dadansoddi a gwerthuso ystod o dystiolaeth yn feirniadol i lunio barn resymegol ar gyfer traethawd hir.  

Sgiliau Trosglwyddadwy/Allweddol:

SA 1 Rheoli eich datblygiad dysgu eich hun trwy werthuso hunanfeirniadol.

SA 2 Cyfleu syniadau yn effeithiol ac yn rhugl mewn tasgau llafar ac ysgrifenedig.

SA 3 Gweithio’n annibynnol, gan ddangos mentergarwch a’r gallu i drefnu eu hunain a rheoli amser.

SA 4 Cydweithio ag eraill a chyfrannu mewn modd effeithiol at gyflawni nodau cyffredin.

SA 5 Casglu, dadansoddi a gwerthuso tystiolaeth ar gyfer tasgau ymchwil yn annibynnol.