Gwleidyddiaeth a Pholisi Cyhoeddus (MA)

Sut y caf fy addysgu?

Mae astudio ar gyfer Gradd Meistr yn waith dwys ac yn heriol ac mae’n bwysig eich bod yn manteisio’n llawn ar yr addysgu a ddarperir er mwyn llwyddo. Mae’n rhaid bod yn bresennol mewn dosbarthiadau a sesiynau goruchwylio traethodau hir a byddwn yn disgwyl i chi fod wedi paratoi'n dda. 

Caiff ein haddysgu ei gyflwyno trwy seminarau neu gyfuniad o ddarlithoedd a seminarau.  Mae’r dulliau addysgu eraill yn cynnwys defnyddio byrddau trafod ar-lein, pecynnau astudio hunan-ddefnyddio a chwisiau a gweithgareddau ffurfiannol.

Mae’r darlithoedd yn amrywio o ran ffurf ond yn gyffredinol maent yn darparu strwythur eang ar gyfer pob pwnc, yn cyflwyno cysyniadau allweddol a gwybodaeth gyfredol. 

Mewn seminarau byddwch yn cael y cyfle i drafod themâu neu bynciau, i atgyfnerthu eich gwaith dysgu unigol a chael adborth arno ac i feithrin sgiliau cyflwyno llafar. Datblygir sgiliau cyfathrebu mewn seminarau, lle y byddwch yn gwneud cyfraniadau unigol i astudiaeth grŵp. Bydd cymryd rhan mewn gweithgareddau dysgu amrywiol, fel trafodaethau grŵp bach, dadleuon, cyflwyniadau llafar, tasgau ymchwil annibynnol ac aseiniadau ysgrifenedig yn datblygu eich sgiliau deallusol a’ch sgiliau cyflwyno. 

Fel arfer, caiff modiwlau eu harwain gan staff profiadol sy’n ymgymryd ag ymchwil sy’n berthnasol i’w faes pwnc. Mae ein haddysgu yn cael ei arwain gan ymchwil ac mae hyn yn eich galluogi i gael mynediad at enghreifftiau a senarios bywyd go iawn yn y gorffennol a rhai cyfoes. 

Sut y caf fy asesu?

Mae ein haddysgu yn rhoi amrywiaeth o asesiadau i chi i adlewyrchu perthnasedd ymarferol wrth ddadansoddi a gwerthuso gwleidyddiaeth a pholisi cyhoeddus. Mae asesiadau'n cynnwys aseiniadau traethawd, cyflwyniadau llafar, briffiau/dadansoddiadau polisi, cyflwyniadau tîm a mwy.

Bydd yr asesu yn cynnwys asesiad ffurfiannol a chrynodol.

Nid yw tasgau ffurfiannol yn cyfrannu at ddosbarth terfynol eich gradd ond fe'u cynlluniwyd i roi cyfle i chi ddatblygu eich sgiliau ac ymarfer ar gyfer eich asesiadau crynodol.  Maent yn eich galluogi chi a'ch tiwtoriaid i werthuso datblygiad eich sgiliau a'ch cynnydd ym mhob modiwl. Bydd tasgau ffurfiannol fel arfer yn cynnwys gwaith cwrs ysgrifenedig neu brawf dosbarth neu gallant gynnwys cyflwyniadau myfyrwyr unigol, neu drafodaethau dosbarth/grŵp mewn seminarau gydag adborth llafar ffurfiannol gan arweinydd y modiwl. 

Mae asesiadau terfynol yn cyfrannu at ddosbarth terfynol eich gradd. Mae eich canlyniadau yn yr asesiadau hyn yn:

• penderfynu ar eich dilyniant ffurfiol o Gam 1 i Gam 2 (traethawd hir) 
• yn pennu eich dyfarniad terfynol

Bydd natur yr asesiadau crynodol yng Ngham 1 yn amrywio fesul modiwl, ond fel arfer byddant yn cynnwys gwaith cwrs ysgrifenedig hyd at 4,000 o eiriau ar ffurf traethodau, arholiadau nas gwelwyd cyn yr arholiad neu arholiadau cyn rhyddhau, cyflwyniadau a gall hefyd gynnwys asesiad o'ch ymgysylltiad cyffredinol a'ch cyfranogiad mewn seminarau. . Mae asesiad crynodol yng Ngham 2 (traethawd hir) yn cynnwys y traethawd hir (hyd at 15,000 o eiriau).

Sut y caf fy nghefnogi?

Byddwn yn eich cefnogi i ddatblygu eich sgiliau ymchwil ac astudio ar draws eich modiwlau a hefyd drwy eich goruchwyliwr traethawd hir. 

Bydd eich dysgu’n cael ei gynnal trwy e-ddysgu. Cefnogir pob modiwl trwy Ddysgu Canolog, sef amgylchedd dysgu rhithwir sydd ar gael ar y campws ac i ffwrdd o’r campws, lle y byddwch yn cael gafael ar ystod eang o ddeunyddiau ar gyfer eich modiwlau.

Byddwch yn derbyn cymorth academaidd a bugeiliol cyffredinol trwy diwtor personol a lle bo'n briodol bydd eich tiwtor personol yn gallu eich cyfeirio at feysydd eraill o gymorth i fyfyrwyr. Byddwn yn cynnal rhaglen o ddarlithoedd gwadd a sgyrsiau y mae croeso i chi eu mynychu.

Mae Swyddog Anabledd ac Amrywiaeth yn sicrhau bod addasiadau rhesymol yn cael eu gwneud ar gyfer myfyrwyr ag anableddau. Mae gan y brifysgol hefyd amrywiaeth o wasanaethau i'ch cefnogi trwy ei thimau Bywyd Myfyrwyr. Mae hyn yn cynnwys Dyfodol Myfyrwyr (y gwasanaeth gyrfaoedd), y Gwasanaeth Cwnsela, y Gwasanaeth Anabledd a Dyslecsia, a'r Gwasanaeth Cefnogi Myfyrwyr. Yn ogystal, bydd gennych fynediad i lyfrgelloedd rhagorol gyda llyfrgellwyr pwnc arbenigol a chanolfannau adnoddau. 

Adborth

Mae adborth llafar ar gael yn ystod seminarau a byddwch yn derbyn adborth ysgrifenedig neu adborth wedi’i recordio ar eich asesiadau ffurfiannol a chrynodol. Bydd adborth unigol ar waith ffurfiannol yn eich helpu i nodi cryfderau a gwendidau yn eich dysgu, yn ogystal â sut y gallech wella eich perfformiad mewn asesiadau crynodol. Yn gyffredinol, bydd adborth ysgrifenedig ar gael dim hwyrach nag 21 diwrnod gwaith o’r dyddiad y cytunwyd arno ar gyfer cyflwyno eich asesiad.

Pa sgiliau y byddaf yn eu hymarfer a’u datblygu?

Erbyn diwedd y rhaglen, byddwch yn gallu:

Gwybodaeth a Dealltwriaeth:

GD 1 Dadansoddi a gwerthuso'n feirniadol y prif gysyniadau a'r fframweithiau damcaniaethol a ddefnyddiwyd i asesu'r broses o lunio polisi mewn tasgau ac asesiadau, a sut mae'r rhain wedi'u cymhwyso o fewn ymchwil academaidd gyfoes. 

GD 2 Gwerthuso achosion a deinameg newidiadau allweddol yng ngweithrediad a rhyng-gysylltiadau sefydliadau gwleidyddol a llywodraethol Prydain ers 1979 mewn tasgau ac asesiadau.

GD 3 Gwerthuso cryfderau a gwendidau methodolegau ymchwil gwahanol mewn gwyddor wleidyddol gyfoes mewn tasgau ac asesiadau. 

GD 4 Dadansoddi themâu a dadleuon cyfoes yn feirniadol ar draws ystod o feysydd pwnc o fewn gwyddor wleidyddol, gan gynnwys cysyniadau, damcaniaethau a dulliau allweddol a ddefnyddir i ddadansoddi ffenomenau gwleidyddol.

GD 5 Dylunio a datblygu traethawd hir wedi'i ymchwilio'n annibynnol sy'n canolbwyntio ar faes gwleidyddiaeth a pholisi cyhoeddus, gan ddefnyddio sgiliau gwerthuso a dulliau ymchwil priodol.

Sgiliau Deallusol:

SD 1 Dadansoddi'n feirniadol ddulliau gwahanol o gasglu gwybodaeth wleidyddol a'u goblygiadau moesegol mewn ystod o asesiadau. 

SD 2 Casglu, trefnu a defnyddio tystiolaeth, data a gwybodaeth o amrywiaeth o ffynonellau, gan gynnwys defnyddio technolegau cyfathrebu a gwybodaeth ar gyfer adalw a chyflwyno gwybodaeth, gan ystyried eu goblygiadau moesegol. 

SD 3 Ymchwilio i broblemau mewn ystod o asesiadau a chynnig atebion iddynt. 

SD 4 Datblygu dadl resymegol, cyfosod gwybodaeth berthnasol ac arfer barn feirniadol mewn ystod o asesiadau.

SD 5 Gwerthuso pwnc ymchwil annibynnol o'ch dewis mewn traethawd hir.  

Sgiliau Ymarferol Proffesiynol:

SY 1 Cydweithio ag eraill i gyflawni tasgau a osodwyd.

SY 2 Casglu, trefnu a choladu tystiolaeth, data a gwybodaeth o amrywiaeth o ffynonellau, gan gynnwys technoleg gwybodaeth a chyfathrebu.

SY 3 Dangos y gallu i fyfyrio ar eich dysgu eich hun a defnyddio adborth yn adeiladol mewn ystod o asesiadau 

SY 4 Gwerthuso ystod o dystiolaeth i ddod i farn resymegol mewn traethawd hir. 

Sgiliau Trosglwyddadwy/Allweddol:

SA 1 Rheoli eich dysgu eich hun yn hunanfeirniadol.

SA 2 Cyfleu syniadau’n effeithiol ac yn rhugl, yn ysgrifenedig ac ar lafar.

SA 3 Gweithio’n annibynnol, gan ddangos mentergarwch a’r gallu i drefnu eu hunain a rheoli amser.

SA 4 Cydweithio ag eraill a chyfrannu mewn modd effeithiol at gyflawni nodau cyffredin.

SA 5 Casglu, dadansoddi a gwerthuso tystiolaeth ar gyfer traethawd ymchwil yn annibynnol.