Hyfforddiant

Mae ein Sefydliad yn darparu cyfleoedd i ddod ynghyd ag ymchwilwyr rhyngddisgyblaethol a phartneriaid allweddol i ddysgu, hyfforddi a chydweithio.

Os oes gennych chi neu eich sefydliad anghenion penodol, gallwn weithio gyda chi i ddatblygu datrysiadau datblygiad proffesiynol parhaus pwrpasol. Cysylltwch â ni i drafod eich syniadau.

Dysgu ar-lein

Yn ystod y 30 mlynedd nesaf, amcangyfrifir y bydd 80% o boblogaeth y byd yn byw mewn ardaloedd lle mae lefelau uchel o brinder dŵr. Mae ein MOOC (Massive Open Online Course) sydd wedi ei ddatblygu gyda thîm rhyngddisgyblaethol o'n hymchwilwyr cysylltiedigyn yn cyflwyno’r dysgwyr i heriau diogelwch dŵr ac yn esbonio pam mae gweithgaredd dynol a materion amgylcheddol yn rhoi pwysau cynyddol ar ein hadnoddau dŵr.

Watch Gwyliwch ein fideo MOOC

Cyfleoedd doethurol

Mae sefydliadau cysylltiedig y Sefydliad Ymchwil Dŵr yn arwain, hyfforddi a goruchwylio fel aelodau allweddol o nifer o raglenni hyfforddiant doethurol a ariennir gan UKRI. Archwiliwch y canolfannau sy'n recriwtio carfannau PhD newydd isod.

Hefyd mae llawer o gyfleoedd PhD ar gael yn ein hysgolion cyswllt. Mae rhagor o wybodaeth ar gael ar y wefan Find a PhD.

Rhaglenni ôl-raddedig a addysgir

Ehangwch eich opsiynau gyrfa trwy astudiaeth ôl-raddedig gan gynnwys modiwlau arloesol a gyflwynir gan ein hymchwilwyr blaenllaw.

Cynigir modiwlau eraill sydd â chydrannau gwyddor dŵr ar draws y Brifysgol:

• Daeareg Amgylcheddol Gymhwysol
• Peirianneg Sifil a Dŵr
• Gwyddor Data a Dadansoddeg
• Ynni Cynaliadwy a’r Amgylchedd