Rydym yn enwog yn rhyngwladol am ymchwil drawsnewidiol, cydweithio’n agos â'r sector diwydiannol a chyhoeddus, ac am gyflwyno atebion cynaliadwy mewn modd effeithiol.

Rydym ni’n canolbwyntio ein hymchwil ar lawer o sectorau o bwysigrwydd strategol i Gymru, y Deyrnas Unedig a’r byd ehangach, gan gynnwys gweithgynhyrchu digidol uchel ei werth, awyrofod, cerbydau awtomatig, gofal iechyd a heriau cymdeithasol fel cynaliadwyedd a heneiddio’n iach.

Ategir ein dull gan gydweithio agos â'n rhanddeiliaid o'r sectorau preifat a chyhoeddus ac mae wedi’i alinio â dyheadau sefydliadol, masnachol a chyhoeddus am ddefnydd a thegwch cydweithio agos rhwng bodau dynol a robotiaid.

Mae ein canolfan ryngddisgyblaethol yn adeiladu ar ragoriaeth ymchwil tair o Ysgolion academaidd Prifysgol Caerdydd, sy'n enwog yn rhyngwladol:

• Ysgol Peirianneg
• Ysgol Cyfrifiadureg a Gwybodeg
• Ysgol Seicoleg.

Drwy gynnull yr arbenigedd cyfunol hwn dan un faner, gallwn fanteisio’n llawn ar arbenigedd ymchwil drwy synergedd, gan sbarduno arloesedd fydd yn mynd i’r afael â rhai o’r heriau pwysicaf i gymdeithas.

Ein gweledigaeth

Byd sy’n canolbwyntio ar bobl, yn rhyngweithiol, yn gydgysylltiedig, yn gyfoethog o ran data, yn ddwys ei wybodaeth ac yn glyfar.

Ein cenhadaeth

Yn y Ganolfan ar gyfer Deallusrwydd Artiffisial, Roboteg a Systemau Peiriant-Dynol (IROHMS) byddwn ni’n darparu arweinyddiaeth ymchwil, gan ddwyn ynghyd màs critigol o ymchwilwyr a gydnabyddir yn genedlaethol ac yn rhyngwladol, yn ogystal â chyfleusterau o’r radd flaenaf. Byddwn ni’n cyflawni rhaglen uchelgeisiol o ymchwil drawsnewidiol ar lefel parodrwydd technoleg (TRL) 1–4. Byddwn ni hefyd yn ymgysylltu â rhanddeiliaid i ddiffinio agenda ymchwil y dyfodol.

Ein harianwyr

Caiff IROHMS ei ariannu’n rhannol gan Gronfa Datblygu Ranbarthol Ewrop drwy Lywodraeth Cymru a Phrifysgol Caerdydd.

Rydym ni’n darparu amgylchedd ymchwil o safon fyd-eang sy’n hwyluso ymchwil arloesol gyda manteision i’r gymdeithas a’r economi.

Blaenoriaethau ymchwil

Mae ein canolfan mewn sefyllfa unigryw i dargedu cyfleoedd newydd sy’n dod i’r amlwg ar y croestoriad rhwng deallusrwydd artiffisial (AI), roboteg a systemau peiriant-dynol. Ein huchelgais yw datblygu gwybodaeth sylfaenol a chymhwysol ac i hyfforddi arbenigwyr y dyfodol mewn meysydd amlddisgyblaethol heriol fel cyfrifiadura seiliedig ar bobl, roboteg seiliedig ar bobl, deallusrwydd artiffisial tebyg i bobl, deallusrwydd artiffisial esboniadwy, cyfrifiadura affeithiol ac ymreolaeth y gellir ymddiried ynddo.

Mae ein diddordeb yn canolbwyntio ar archwilio problemau ymchwil anodd ar y croestoriad rhwng ymddygiad dynol a thechnoleg fel rhyngweithio greddfol, dryswch, chwilfrydedd, dychymyg a chreadigrwydd. Rydym ni’n canolbwyntio ar ddatblygu dulliau newydd ar gyfer astudio rhyngweithio peiriant-dynol, canfyddiad amser real cywir, lleoleiddio pobl a gwrthrychau lluosog a phrosesu a rheoli amlsynhwyraidd.

Themâu ymchwil

Rydym ni wedi sefydlu thema ymchwil sy'n cwmpasu sbectrwm eang o flaenoriaethau. Mae pob thema ymchwil yn cynnwys tîm rhyngddisgyblaethol o academyddion gydag arbenigedd yn y meysydd hyn, sy'n ffurfio grwpiau i ymdrin yn gydweithredol â heriau o bwysigrwydd strategol:

Deallusrwydd artiffisial tebyg i berson

• Cyfrifiadura affeithiol.
• Gwybyddiaeth estynedig.
• Semanteg gyfrifiadurol.
• Rhesymu cyd-destunol.

Deallusrwydd artiffisial moesegol ac esboniadwy

• Deallusrwydd artiffisial moesegol.
• Deallusrwydd artiffisial esboniadwy.
• Roboteg esboniadol.
• Ymreolaeth gydag ymddiriedaeth.

Technolegau a chymdeithas yn seiliedig ar bobl

• Cyfrifiadura'n seiliedig ar bobl.
• Seiber ddiogelwch yn seiliedig ar bobl.
• Technoleg a chymdeithas sy'n dod i'r amlwg.

Pobl a robotiaid

• Roboteg yn seiliedig ar bobl.
• Roboteg gymdeithasol.
• Canfyddiad/dysgu robot.

Grwpiau ymchwil cysylltiedig

• Systemau Cymhleth
• Sefydliad Ymchwil Arloesedd Data
• Grŵp Gweithgynhyrchu Gwerth Uchel
• HuFEx
• Yr Academi Meddalwedd Genedlaethol

Cawsom ein sefydlu gyda chefnogaeth Llywodraeth Cymru a rhanddeiliaid. Rydym ni’n croesawu ac yn annog cyfleoedd newydd i gydweithio â’r diwydiant, addysg uwch, y cyhoedd a'r trydydd sector.

Rydym ni’n cynnig amrywiaeth eang o gyfleoedd ymgysylltu i randdeiliaid allanol sy’n ymddiddori ym meysydd rhyngddisgyblaethol deallusrwydd artiffisial, roboteg a systemau peiriant-dynol gan gynnwys:

• aelodaeth ar Fforwm Rhanddeiliaid IROHMS
• adolygydd cymheiriaid
• cynllun mentoriaid/mentoreion
• cydweithredwr ar brosiectau ymchwil a datblygu
• gwasanaethau/ymgynghoriaeth
• nawdd ôl-raddedig (Meistr neu PhD)
• datblygiad proffesiynol parhaus
• lleoliadau myfyrwyr israddedig
• rhwydweithio a phresenoldeb mewn digwyddiadau
• partneriaethau trosglwyddo gwybodaeth
• mynediad at gyfleusterau/ymchwilwyr/data heb fod yn sensitif
• darlithoedd gwadd.

Partneriaid