Ewch i’r prif gynnwys
Llyfrgelloedd

Myfyrwyr chweched dosbarth ac addysg bellach

Gall myfyrwyr o’r chweched dosbarth a sefydliadau addysg uwch ddefnyddio ein llyfrgelloedd yn rhad ac am ddim.

Cyn i chi ddod i ymweld

Darllenwch ein canllawiau Croeso i’r llyfrgell. Gallwch gael gwybodaeth am ein holl lyfrgelloedd a’u pynciau a’u cyfleusterau. Gwiriwch i weld a oes unrhyw gyfyngiadau ar fynediad cyn i chi gynllunio eich ymweliad.

Ymweld â'n llyfrgelloedd

Mae croeso i chi ddefnyddio ein llyfrgelloedd at ddibenion cyfeirio: gallwch bori drwy ein casgliadau yn y llyfrgelloedd, gwirio catalog y llyfrgell LibrarySearch a defnyddio’r mannau astudio. Er mwyn eich rhoi ar ben y ffordd, bydd staff y Ddesg Ymholi’n fwy na pharod i ateb eich cwestiynau.

Ymuno â'n llyfrgelloedd

Mae’n bosibl i fyfyrwyr o sefydliadau chweched dosbarth ac addysg bellach yng Nghymru fenthyg yn rhan o gynllun aelodaeth Cymunedol, gallwch chi wneud y canlynol:

  • benthyg hyd at chwe eitem ar unrhyw adeg o'n casgliadau 1 wythnos, 2 wythnos a 4 wythnos o hyd.
  • defnyddio’r mynediad cerdded i mewn i’r gwasanaeth eAdnoddau

Sut i fenthyg llyfrau.

Sut i ymuno

1. Llenwch adran A o’r ffurflen aelodaeth ac yna gofynnwch i aelod o staff yn eich ysgol neu’ch coleg i lenwi adran B.

Ffurflen Aelodaeth Gymunedol Myfyrwyr 6ed Dosbarth

Ffurflen aelodaeth gymunedol ar gyfer myfyrwyr chweched dosbarth ac addysg bellach.

Lawrlwytho'r ddogfen (PDF, 280.7 KB)

Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.

2. Fe fydd arnoch chi angen cerdyn llyfrgell i fenthyg llyfrau ac i gael mynediad i rai o'n llyfrgelloedd. E-bostiwch y canlynol i librarymembership@caerdydd.ac.uk:

  • sgan o'ch ffurflen gais wedi'i chwblhau
  • sgan neu lun o'ch ID ysgol neu goleg
  • llun maint pasbort (ar gyfer eich cerdyn llyfrgell Prifysgol Caerdydd)

3. Bydd staff y llyfrgell yn cysylltu â chi pan fydd eich cerdyn llyfrgell Prifysgol Caerdydd yn barod i'w gasglu: dewch â'ch ID ysgol neu goleg gyda chi pan fyddwch yn casglu eich cerdyn.

Cysylltu â ni

Aelodaeth Llyfrgell

Adnoddau defnyddiol

Adnoddau Prifysgol Caerdydd

Mae Gwasanaeth Llyfrgelloedd y Brifysgol wedi creu nifer o adnoddau ar-lein ar gyfer astudio ar eich pen eich hun. Mae’r tiwtorialau canlynol yn arbennig o ddefnyddiol ar gyfer rhaglenni Bagloriaeth Cymru, EPQ ac Addysg Uwch.

Adnoddau sydd ar gael yn rhwydd

Cyfeiriadur Llyfrau Mynediad Agored – mae'r cyfeiriadur hwn sydd wedi'i guradu gan y gymuned yn darparu mynediad at lyfrau mynediad agored ysgolheigaidd, a adolygir gan gymheiriaid, ac yn helpu defnyddwyr i ddod o hyd i gyhoeddwyr llyfrau mynediad agored dibynadwy.

Cyfeirlyfr o Gyfnodolion Mynediad Agored – mae'r cyfeirlyfr hwn, sy'n cael ei guradu'n gymunedol, yn cynnig mynediad at gyfnodolion o safon uchel, â mynediad agored ac wedi'u hadolygu gan gymheiriaid.

Mynediad at Ymchwil – Mynediad galw heibio, rhad ac am ddim at dros 15 miliwn o erthyglau academaidd, ar gael o unrhyw lyfrgell yn y DU sy'n rhan o'r cynllun. Cewch fynediad at nifer o bapurau academaidd gorau'r byd a gallwch ddefnyddio'r gronfa ddata i ddod o hyd i lyfrgell sy'n agos i chi, lle allwch weld y testun yn ei gyfanrwydd.