Mae staff, ymchwilwyr, ôl-raddedigion a addysgir a dysgwyr o bell o sefydliadau addysg uwch sy'n rhan o’r cynllun yn gallu benthyca o dan y cynllun SCONUL Access. Gall eich sefydliad cartref ddarparu manylion ynghylch sut mae gwneud cais.

O dan y cynllun SCONUL Acccess gallwch ymuno fel aelod o Brifysgol Caerdydd, sydd yn golygu eich bod yn gallu:

• benthyg hyd at chwe eitem o’r prif gasgliadau o'n casgliadau benthyca pythefnos neu pedair wythnos.
• cael mynediad at y gwasanaeth di-wifr eduroam
• sefydlu cyfrif argraffu gwadd i argraffu gan ddefnyddio eich gliniadur neu eich dyfais symudol eich hun
• defnyddio’r mynediad cerdded i mewn i’r gwasanaeth eAdnoddau.

Gall israddedigion Prifysgol Fetropolitan Caerdydd ymuno â’n llyfrgelloedd o dan ein cynllun cyfatebol. Siaradwch â’ch llyfrgell gartref i gael gwybod sut mae gwneud cais.

Byddwch yn gallu benthyg hyd at ddwy eitem o’r prif gasgliadau ar unrhyw un adeg o'n casgliadau pythefnos a phedair wythnos.

Gall israddedigion Coleg Brenhinol Cerdd a Drama Cymru ymuno â’n llyfrgelloedd o dan ein cynllun cyfatebol. Siaradwch â’ch llyfrgell gartref i gael gwybod sut mae gwneud cais.

Byddwch yn gallu benthyg hyd at ddwy eitem o’n casgliadau pythefnos a phedair wythnos a chael mynediad i’r Llyfrgell Cerddoriaeth yn ystod oriau mynediad cyfyngedig.

Os ydych yn fyfyriwr israddedig amser llawn o unrhyw sefydliad arall mynediad i SCONUL, neu os ydych chi’n ymwelydd rheolaidd â’n llyfrgelloedd, efallai y byddwch am gael cerdyn adnabod cyfeiriadol/mynediad-yn-unig.

Noder: Ni fydd gennych hawl i fenthyg llyfrau â’r cerdyn hwn.