Amdanom ni

Rydym yn Ysgol amlddisgyblaethol sy'n dwyn ynghyd Llenyddiaeth Saesneg ac Ysgrifennu Creadigol, Saesneg Iaith ac Ieithyddiaeth ac Athroniaeth. Rydym yn gwerthfawrogi manyldeb beirniadol, meddwl yn greadigol a chwilfrydedd deallusol.

Rydym yn gymuned amrywiol sy’n cynnwys dros fil o fyfyrwyr israddedig, ôl-raddedig a doethuriaeth, dros drigain o staff academaidd a thîm profiadol o gydweithwyr y gwasanaethau proffesiynol. Mae pob un ohonynt yn allweddol i'n llwyddiant fel Ysgol eangfrydig ac sydd ar flaen y gad yn rhyngwladol. Rydym wedi ymrwymo i gynnal amgylchedd cefnogol ar gyfer gweithio ac astudio, sydd wedi'i gynnal gan egwyddorion cysylltedd, cydraddoldeb, amrywiaeth a chynhwysiant, a'i ysbrydoli gan werthoedd y dyniaethau.

Mae ein rhaglenni israddedig ac ôl-raddedig yn rhoi’r sgiliau ymarferol a’r cyfle i ni archwilio - ac ymyrryd mewn - dadleuon cyfoes am lenyddiaeth, iaith, hunaniaeth ddiwylliannol a’r hyn sydd ynghlwm wrth fod yn fod dynol.

Ein nod yw sicrhau arweinyddiaeth ryngwladol ar ymchwil drawsddisgyblaethol sy'n cyfuno beirniadaeth a chreadigrwydd; creu gwaith hynod ddeallusol ac arloesi o ran ein dulliau a’n ffordd o weithredu; a chael effaith ar ein cymunedau ehangach.

Cysylltwch â ni