Mynediad at ddŵr daear yn ardaloedd trefol Affrica
Mae archwilio dulliau cyrchu dŵr daear yn cynyddu gwydnwch ardaloedd trefol ar draws Affrica, gan gynnig dealltwriaeth o ddiogelwch dŵr yn ogystal â gwydnwch pobl a lleoedd.
Mae sicrhau mynediad at ddŵr glân i bawb yn hawl ddynol sylfaenol ac yn un o gonglfeini’r Nodau Datblygu Cynaliadwy.
Er gwaethaf cynnydd amlwg, mae twf cyflym dinasoedd Affrica dros y blynyddoedd diwethaf wedi herio gallu’r sector cyhoeddus i ateb y galw cynyddol am gyflenwadau dŵr domestig.
Mae’r newid mewn amodau hinsoddol, yn arbennig y cynnydd mewn achosion o sychder, yn dwysau’r her ar gyfer llawer o ddinasoedd.
Ar adegau, mae’r cyflenwadau dŵr sydd ar gael yn annigonol i ddiwallu’r galw, gan arwain at ddisgrifio nifer o ddinasoedd fel bod mewn sefyllfa o argyfwng dŵr.
Pan mae darpariaeth awdurdodau cyhoeddus yn annigonol, ac mae’r amodau’n caniatáu, mae llawer o aelwydydd yn comisiynu eu tyllau turio eu hunain er mwyn sicrhau eu cyflenwadau dŵr daear. Mae goblygiadau’r duedd hon, sy’n prysur gynyddu, yn parhau i fod heb eu deall i raddau helaeth.
Drwy gyfrwng cyfres o weithgareddau, rydym yn gweithio gyda chydweithwyr i feithrin dealltwriaeth gryfach o’r grymoedd sy’n llywio’r llu o dyllau turio, a’r goblygiadau posibl ar gyfer gwydnwch yr ardaloedd trefol, cartrefi preswyl a’r ecosystem yn fwy eang.
Mentrau cyfredol
Dewch i wybod mwy am ein prosiectau parhaus a’n gweithgareddau yn ardaloedd trefol Affrica.
