Y Rhaglen Perfformiad Uchel

Y Rhaglen Perfformiad Uchel

Diben y Rhaglen Perfformiad Uchel yw helpu myfyrwyr i ragori yn eu gyrfa academaidd ac ym myd y campau tra eu bod yn astudio yma.

Mae'r rhaglen yn cynnig llu o wasanaethau cymorth i fyfyrwyr-athletwyr o’r radd flaenaf a'i nod yw:

• galluogi athletwyr o’r radd flaenaf i barhau i hyfforddi a chystadlu ar y lefel uchaf tra eu bod yn astudio
• cynyddu lefel perfformiad athletwyr
• cynnig gwasanaeth sy'n rhoi athletwyr yn gyntaf
• cynnig y cyd-destun cefnogi a hyfforddi gorau
• gwella sgôr Chwaraeon Colegau a Phrifysgolion Prydain (BUCS) y Brifysgol yn barhaus

Bod yn gymwys

I fod yn gymwys ar gyfer y Rhaglen Perfformiad Uchel mae’n rhaid ichi gystadlu ar safon ryngwladol iau neu’n uwch yn eich camp.

Rhoddir blaenoriaeth i chwaraeon Olympaidd, Paralympaidd a’r Gymanwlad a/neu chwaraeon sy’n rhan o fframwaith cystadlu BUCS. Caiff chwaraeon eraill eu hystyried fesul achos.

Disgwylir i ymgeiswyr llwyddiannus gynrychioli Carfan 1af/A Prifysgol Caerdydd.

Mae llawer o gystadleuaeth am leoedd ar y rhaglen yn gallu bod felly mae'n hanfodol bod pob ymgeisydd yn gallu dangos tystiolaeth o'i gyflawniadau o ran ei gamp.

Mae ymgeiswyr o bob cenedl a lefel gradd yn gymwys i gael eu hystyried ar gyfer y Rhaglen Perfformiad Uchel. Cofiwch, pan fo'n berthnasol, y byddwn ni’n ystyried effaith COVID-19 ar gyfleoedd cystadleuol a chael eich dewis.

Gwneud cais

Os ydych yn bodloni'r meini prawf uchod o ran cymhwysedd ar gyfer y Rhaglen Perfformiad Uchel a hoffech wneud cais ar gyfer blwyddyn academaidd 2022-2023, llenwch Ffurflen Gais Rhaglen Perfformiad Uchel 2022-2023 a’i dychwelyd erbyn dydd Gwener 30 Medi 2022.

I gael rhagor o wybodaeth am wneud cais ar gyfer blwyddyn academaidd 2023-2024 ebostiwch hpp@caerdydd.ac.uk