Adrodd Radiograffig (PgCert)

Sut y caf fy addysgu?

Addysgir yn bennaf drwy weithdai, tiwtorialau a seminarau. Ceir darlithoedd hefyd, a cheir cyfleoedd priodol i drafod a gwerthuso’r syniadau a gyflwynir ar ôl y rhain. Cefnogir y cynnwys gan adnoddau ar-lein.

Sut y caf fy asesu?

Byddwch yn cael eich asesu drwy amrywiaeth o weithdrefnau asesu, fel aseiniadau ysgrifenedig, cyflwyniadau llafar, portffolio a phrosiectau seiliedig ar waith. Ceir hefyd archwiliadau clinigol yn y modiwlau adrodd. Mae hyn yn eich galluogi i ddangos eich gallu i ddadansoddi a gwerthuso sefyllfa ond hefyd i ddefnyddio amrywiaeth o ffyrdd i gyflwyno eich syniadau a'ch galluoedd.

Sut y caf fy nghefnogi?

Mae'r rhaglen hon yn rhoi cyfle i chi rannu syniadau â gweithwyr iechyd proffesiynol o amrywiaeth o leoliadau clinigol. Yn ogystal â datblygu eich galluoedd deallusol eich hun, mae'r broses hon o rannu syniadau yn eich galluogi i ddysgu ac elwa ar brofiadau eraill. Ceir cyfle i drafod a chyfnewid syniadau mewn seminarau a thiwtorialau.

Rydych chi’n cael tiwtor personol penodol ar ôl cofrestru ar y rhaglen, sy'n gallu eich cynorthwyo gydag unrhyw faterion gofal bugeiliol yn ogystal â chyngor ar faterion academaidd.

Mae pob modiwl yn y rhaglen yn defnyddio Amgylchedd Dysgu Rhithwir Prifysgol Caerdydd - Dysgu Canolog - yn helaeth. Yma byddwch chi'n dod o hyd i ddeunyddiau’r cwrs, dolenni i ddeunyddiau cysylltiedig ac enghreifftiau o asesiadau. Caiff pob darlith ei recordio drwy Panopto ac maen nhw ar gael i chi drwy gydol eich rhaglen.

Mae'r Brifysgol yn cynnig ystod eang o wasanaethau a gweithgareddau sydd wedi'u cynllunio i'ch cefnogi chi. Mae'r rhain yn cynnwys gwasanaeth cwnsela myfyrwyr, gwasanaeth cynghori myfyrwyr, cyfleusterau gofal dydd, a chyfleusterau chwaraeon ac ymarfer corff, yn ogystal â gwybodaeth am y campws a gwasanaethau llyfrgell a TG.

Mae ein ap myfyrwyr yn caniatáu i chi gael mynediad at wasanaethau Prifysgol Caerdydd a gwybodaeth wedi'i phersonoli mewn un lle ac mewn modd syml a chyfleus drwy ffôn clyfar, o’r siop apiau.

Dyma rai o’r nodweddion:

• Mapiau o’r campws
• Adnewyddu, taliadau, ac eitemau sydd ar gael i fyfyrwyr yn y llyfrgell
• Amserlen myfyrwyr
• Dod o hyd i gyfrifiadur sydd ar gael
• Cael cymorth a chefnogaeth i fyfyrwyr
• Newyddion myfyrwyr
• Derbyn hysbysiadau pwysig
• Dolenni i lansio apiau eraill y Brifysgol fel Outlook (ar gyfer ebost) a Blackboard (ar gyfer Dysgu Canolog)
• Dolenni i apiau a argymhellir fel nextbike, i helpu i wneud y mwyaf o’ch profiad fel myfyriwr.
• Mae cysylltiadau’n cael eu datblygu gydag Academi Ddelweddu Genedlaethol Cymru a gellir hwyluso rhai sesiynau yn y safle hwn.

Pa sgiliau y byddaf yn eu hymarfer a’u datblygu?

Gwybodaeth a Dealltwriaeth:

• Nodi ac adnabod anatomi normal ac annormal, gan ddangos meistrolaeth o sgiliau mewn meysydd arbenigol penodedig o anatomi radiograffig, patholeg a diagnosisau gwahaniaethol.
• Ffurfioli diagnosis yn y maes penodedig i safon lle nad yw gofal cleifion yn cael ei beryglu
• Llunio adroddiad ysgrifenedig cywir, llawn gwybodaeth mewn ffordd gryno a chydlynol, gan ddefnyddio sgiliau datrys problemau arbenigol
• Ymateb i gyfyng-gyngor moesegol o fewn y maes ymarfer proffesiynol hwn ac awgrymu opsiynau delweddu pellach yn ôl y gofyn
• Gwerthuso tystiolaeth sy'n seiliedig ar ymchwil yn feirniadol mewn perthynas â delweddu ac adrodd a thrafod y goblygiadau ar gyfer ymarfer proffesiynol.

Sgiliau Deallusol:

• Dadansoddi ymchwil yn feirniadol.
• Myfyrio a dadansoddi’r proffesiwn radiograffeg a'ch ymarfer eich hun yn feirniadol.

Sgiliau Ymarferol Proffesiynol:

• Sgiliau ymarferol mewn meysydd ymarfer sy’n datblygu.

Sgiliau trosglwyddadwy/allweddol

• Sgiliau cyfathrebu hyderus
• Sgiliau ysgrifennu ac astudio academaidd hanfodol.
• Sgiliau trefnu eich hun a rheoli amser.
• Datblygu sgiliau ymchwil ymarferol a'u cymhwyso wrth ymarfer.