Rhwydwaith Ymchwil Dinasoedd Cryf mewn Cyd-destunau Bregus

Datblygu mewnwelediadau newydd i gryfhau gwytnwch trefi a dinasoedd rhag heriau’r dyfodol.

Mae sicrhau gwytnwch ein trefi a’n dinasoedd rhag ergydion a phwysau yn hanfodol er mwyn eu diogelwch yn y dyfodol. Drwy uno ymchwilwyr ar draws ffiniau disgyblaethau, nod Rhwydwaith Ymchwil Dinasoedd Gwydn mewn Cyd-destunau Bregus yw ehangu ein dealltwriaeth o'r hyn sy'n cryfhau gwydnwch dinasoedd, gan geisio ymestyn ffiniau ymchwil gwytnwch yn feirniadol.

Ein nodau

• Meithrin cymuned gydweithredol o ymchwilwyr ymgysylltiedig
• Cynhyrchu mewnwelediadau trawsddisgyblaethol i wydnwch dinasoedd mewn cyd-destunau bregus
• Hyrwyddo a rhoi cyhoeddusrwydd i arbenigedd Prifysgol Caerdydd ym maes gwydnwch
• Ymgysylltu â chymunedau ac actorion polisi neu fusnes sy'n dymuno datblygu a rhannu eu gwybodaeth eu hunain am wydnwch dinasoedd
• Datblygu cyfleoedd ar gyfer ymgymryd ag ymchwil pellach gyda’n gilydd a gyda phartneriaid o ymarfer, polisi a’r byd academaidd

Mae Rhwydwaith Ymchwil Dinasoedd Gwydn mewn Cyd-destunau Bregus yn dwyn ynghyd arbenigedd o dri Choleg y Brifysgol - gan gyfuno safbwyntiau o'r celfyddydau, peirianneg, y dyniaethau a gwyddoniaeth. Mae ein hymchwil amlddisgyblaethol yn canolbwyntio ar ddeall lleoedd bregus sydd heb yr adnoddau i fuddsoddi mewn gwytnwch, gyda’r nod yn y pen draw i ffurfio arferion newydd a fydd yn cryfhau eu gwytnwch yn erbyn siociau a straen yn y dyfodol.

Mae aelodau Rhwydwaith Ymchwil Dinasoedd Gwydn mewn Cyd-destunau Bregus yn cymryd rhan weithredol mewn agendâu ymchwil ar draws y De Byd-eang. Rydym yn ceisio creu cydweithrediadau sy’n amlygu safbwyntiau newydd ac amgen gan fynd i’r afael â gwydnwch.

Pobl

Academydd arweiniol

Staff academaidd