Canolfan Niwrowyddoniaeth Drosi Hodge

Bydd Canolfan Niwrowyddoniaeth Drosi Hodge yn troi darganfyddiadau genetig yn driniaethau newydd i gleifion â salwch meddwl megis sgitsoffrenia ac anhwylderau’r hwyliau.

Dim ond drwy ymgysylltu’n allanol â’r chwaraewyr eraill yn y maes hwn y gall hyn ddigwydd, sef byd diwydiant, y GIG a’r trydydd sector. Bydd y Ganolfan yn parhau i ddefnyddio sefyllfa unigryw Caerdydd i ddenu a hyfforddi’r meddyliau disgleiriaf a gorau i fynd i’r afael â phroblem salwch meddwl, tra’n ehangu ac yn gwreiddio ein dull o weithio gyda phartneriaid i droi ein hymchwil yn driniaethau newydd i gleifion. Mae ein partneriaethau cyfredol gyda Takeda a Janssen eisoes wedi dangos potensial, a chredwn y gallwn sicrhau mai Caerdydd yw’r lle delfrydol i fuddsoddi mewn ymchwil iechyd meddwl trosi.

Dros bum mlynedd, byddai gwaith Canolfan Hodge yn cynnwys yr elfennau allweddol canlynol:

1. Datblygu'r genhedlaeth nesaf o dalent ymchwil drwy Raglen Ysgoloriaethau PhD Hodge, sef 18 o ysgoloriaethau PhD hynod bwysig a chystadleuol.
2. Cefnogi'r ymchwilwyr gyrfa gynnar gorau y tu hwnt i'w doethuriaethau.
3. Defnyddio ein hymchwil arloesol er budd cleifion.
4. Ymgysylltu â phartneriaid, cleifion a’r cyhoedd, gan gynnwys yn sgil ein Darlith Gyhoeddus Hodge flynyddol yn ogystal â digwyddiadau allgymorth gyda byd diwydiant, grwpiau clinigol, y GIG a’r cyhoedd.

Ymholiadau

I gael rhagor o wybodaeth am ysgoloriaethau PhD Canolfan Hodge a sut i gydweithio â ni, cysylltwch â:

Arweinydd Academaidd

Cyd-Arweinwyr Academaidd