Canolfan ar gyfer Geneteg a Genomeg Niwroseiciatrig

Seiciatreg plant a phobl ifanc

child psych team — The Child and Adolescent Psychiatry team

Ein cenhadaeth ymchwil yw cynhyrchu canfyddiadau a fydd yn gwella iechyd meddwl plant a phobl ifanc.

Ein hymchwil

Mae ein hymchwil ym maes seiciatreg plant a phobl ifanc yn cwmpasu pedwar maes allweddol:

Nod ein hymchwil iselder a gorbryder yw:

archwilio'r ffactorau sy'n achosi iselder mewn pobl ifanc, asesu sut mae iselder yn datblygu, a nodi targedau ar gyfer atal y cyflwr
datblygu dulliau ar gyfer canfod y cyflwr yn gynnar, ymyriadau, a rhaglenni addysg seicoleg mewn cydweithrediad â phobl ifanc ac ymarferwyr.

Darganfyddiadau ac allbynnau diweddar

Mae gorbryder ac anniddigrwydd, ynghyd ag adfyd cymdeithasol, yn llwybrau pwysig tuag at iselder ymhlith y glasoed, ac felly’n dargedau ar gyfer atal y cyflwr.
Gall ffactorau cymdeithasol a ffordd o fyw helpu i hybu gwydnwch ymhlith pobl ifanc sydd â risg deuluol uwch o iselder
Rhaglen ddigidol ar gyfer pobl ifanc ag iselder a’u teuluoedd/gofalwyr a ddatblygwyd mewn cydweithrediad â phobl ifanc eu hunain.
Mae llwybrau symptomau iselder a gorbryder o'r arddegau hyd at ganol oed yn dangos newidiadau datblygiadol pwysig; mae gan hyn oblygiadau ar gyfer haenu yn y dyfodol.
- Nodweddu llwybrau datblygiadol a rôl amrywiadau risg genetig niwroseiciatrig mewn iselder sy'n datblygu'n gynnar
- Cyfraniadau datblygiadol alelau risg sgitsoffrenia ac erledigaeth gan gyfoedion yn ystod plentyndod at lwybrau cyflyrau iechyd meddwl sy'n datblygu'n gynnar.

Mae ein hymchwil yn y maes hwn yn archwilio datblygiad, achosion, a chysylltiadau â gorbryder ac iselder. Ein nod yw:

archwilio hanes naturiol, canlyniadau, a'r ffactorau sy'n achosi ADHD, awtistiaeth a phroblemau cyfathrebu o blentyndod cynnar i fywyd oedolyn;
nodi'r ffactorau sy'n achosi ADHD ac ymchwilio i pam mae gwahaniaethau rhwng y rhywiau gan ddefnyddio genomeg a chynlluniau epidemiolegol;
ymchwilio i anniddigrwydd difrifol a pham mae’r rhai ag ADHD ac ASD yn wynebu risg uwch o orbryder ac iselder.

Darganfyddiadau ac allbynnau diweddar

Mae llwytho genetig ADHD (sgoriau risg genetig) ac aml-forbidrwydd (mwy nag un broblem niwroddatblygiadol) yn arwydd o lwybr ADHD parhaus.
Pam mae diagnosis o anhwylderau niwroddatblygiadol yn fwy cyffredin ymhlith bechgyn na merched.
Animeiddiad wedi'i gyd-gynhyrchu ar ADHD i blant, wedi'i ariannu gan Ymddiriedolaeth Wellcome (i'w ryddhau ym mis Hydref 2019).
Carfan cleifion ADHD electronig Cymru gyfan mewn cydweithrediad â Banc Data SAIL ym Mhrifysgol Abertawe.
Cyfraniad at astudiaeth enetig ADHD gydweithredol ryngwladol fwyaf y byd, a nododd y loci genetig cyffredin cyntaf ar gyfer ADHD.

Ein nodau ymchwil:

archwilio datblygiad a chanlyniadau problemau iechyd meddwl ar draws cwrs bywyd mewn carfannau sy'n seiliedig ar boblogaeth;
nodi amlygiadau amgylcheddol achosol gan ddefnyddio amrywiaeth o ddulliau a chynlluniau sy’n cynnig gwybodaeth;
archwilio sut mae ffactorau risg genetig ar gyfer clefydau a nodwyd mewn astudiaethau cleifion yn effeithio ar ddatblygiad a llwybr problemau iechyd meddwl yn y boblogaeth yn fwy eang;
archwilio tueddiadau yn nifer yr achosion o broblemau iechyd meddwl plant a’r glasoed yn y boblogaeth, a’r rhesymau dros y rhain.

Darganfyddiadau ac allbynnau diweddar

Ein nodau ymchwil:

ymchwilio i iechyd meddwl pobl ifanc a’u bywyd yn yr ysgol. Rydym yn gweithio gyda chydweithwyr yn yr Ysgol Seicoleg, DECIPHer a Phrifysgol Abertawe;
datblygu dulliau newydd o gynnwys asesiadau iechyd meddwl dilys, cysylltiadau data hydredol a chysylltiadau diogel â chofnodion iechyd electronig mewn ymchwil mewn ysgolion, a phrofi dichonoldeb casglu samplau genetig mewn ystafelloedd dosbarth. Rydym yn gweithio yn y maes hwn drwy’r Astudiaeth Lles Meddyliol Pobl Ifanc: Genynnau a’r Amgylchedd (MAGES);
nodi ffyrdd o hyrwyddo iechyd meddwl da yn ystod y cyfnod pontio o'r ysgol gynradd i'r ysgol uwchradd a pha mor bwysig yw oedran plant o fewn eu blwyddyn ysgol ar gyfer iechyd meddwl.

Prosiectau presennol

Photograph of two boys writing in school

The Cardiff University Mood and Wellbeing Study

Shelf-Life asks if the uniquely controlled procurement of over 2600 public buildings across Britain and America around 100 years ago by the Carnegie Library Programme could benefit from some systematic thinking for their re-vitalisation at a time of crisis.

Anhwylderau niwroddatblygiadol: beth sy'n digwydd pan fydd plant yn tyfu a pham?

Mae'r prosiect hwn yn asesu problemau niwroddatblygiadol mewn grŵp o tua 8,000 o oedolion sydd wedi cymryd rhan mewn asesiadau ers iddyn nhw fod yn y groth.

E-garfan Anhwylderau Niwroddatblygiadol Cymru Gyfan

Rydym yn defnyddio data cleifion o gofnodion iechyd a gesglir yn rheolaidd i nodi daroganwyr canlyniadau gwael.

Photograph of a research assistant guiding three children on how to provide a saliva sample

Lles Meddyliol mewn Llencyndod: Genynnau a’r Amgylchedd (MAGES)

Nod yr Astudiaeth Lles Meddyliol mewn Llencyndod: Genynnau a’r Amgylchedd (MAGES) yw gwella dealltwriaeth o sut y gall genynnau a’r amgylchedd effeithio ar les meddyliol pobl ifanc.

Photograph of adolescent boy accessing MoodHwb on a tablet

MoodHwb: mood and wellbeing in young people

We collaborated with young people and parents/carers to develop a web programme to support young people with their mood and well-being.

Animating ADHD

We are working together with local ADHD parent support groups to develop an animation video for children aged 7-11 years about what it means to have ADHD.

Trefnu hyfforddiant a gwybodaeth

Ein nod yw cefnogi a datblygu pobl dalentog, a’u galluogi i ddod yn wyddonwyr y dyfodol sy'n ymchwilio i iechyd meddwl pobl ifanc.

Rydym wedi ein gwreiddio yn y GIG ac mae gennym gysylltiadau ymchwil, hyfforddiant a chlinigol cryf â byrddau iechyd ledled Cymru. Rydym yn rhoi hyfforddiant mewn iechyd meddwl ieuenctid i fyfyrwyr meddygol israddedig, meddygon arbenigol ym maes seiciatreg plant a phobl ifanc, ac ymarferwyr eraill.

Mae ein gweithgareddau yn y maes hwn yn cynnwys:

helpu staff addysgu a gweithwyr proffesiynol perthnasol eraill i ddeall mwy am anawsterau plant a’r mathau o gymorth y gallai fod eu hangen ar y plant hyn drwy ein cysylltiadau â’r Uned Asesu Niwroddatblygiad;
llywio’r ffordd y caiff gwasanaethau clinigol eu trefnu, er enghraifft, creu clinigau niwroddatblygiadol traws-ddiagnosis a thraws-ddisgyblaeth i blant a threialu gwasanaeth pontio clinigol i bobl 15 – 25 oed yn llwyddiannus;
cyfraniadau drwy grŵp cyfeirio arbenigol at adolygiad cenedlaethol gan y llywodraeth o’r ddarpariaeth Gwasanaethau Iechyd Meddwl Plant a’r Glasoed a chyflwyniad i is-bwyllgor o ASau yn San Steffan fel rhan o ymgyrch Senedd Ieuenctid y DU ar wasanaethau iechyd meddwl;
Yr Athro Thapar yw cyd-olygydd y gwerslyfr blaenllaw a ddefnyddir gan ymarferwyr sy'n hyfforddi i arbenigo mewn seiciatreg plant a'r glasoed; Rutter's Child and Adolescent Psychiatry.

Rydym yn cyfrannu at ymgysylltu â'r cyhoedd drwy Ganolfan y Cyngor Ymchwil Feddygol, ein partneriaeth â'r Ganolfan Genedlaethol ar gyfer Iechyd Meddwl a thrwy gymryd rhan yn nigwyddiad Gemau’r Ymennydd blynyddol Prifysgol Caerdydd.