Bioystadegau a biowybodeg
![Abstract image to represent genetics](https://cardiff.imgix.net/__data/assets/image/0007/119491/abstract-genetics.jpg?w=575&ar=16:9&q=80&auto=format)
Mae ein gwaith yn canolbwyntio ar ddadansoddi llawer iawn o ddata biolegol er mwyn helpu i ddeall achosion clefydau sy'n gysylltiedig ag iechyd meddwl.
Yn ystod y blynyddoedd diwethaf, bu cynnydd amlwg ym maint a chymhlethdod data genomig sydd ar gael i ymchwilwyr. Mae gan y mewnlifiad hwn o wybodaeth y potensial i gynhyrchu mewnwelediadau pwysig i'r prosesau biolegol sy'n sail i anhwylderau genetig.
Fodd bynnag, mae maint a chyfoeth y data newydd hwn yn peri heriau sylweddol o ran dadansoddi, storio data a chyfrifiannu. Mae ein huned bioystadegau a biowybodeg (BBU) yn gweithio i ateb yr heriau hyn, gan ddatblygu dulliau a thechnegau newydd i ganiatáu ymchwil i elwa o'r cyfoeth hwn o ddata.
Ein hymchwil bioystadegau a biowybodeg
Mae ein hymchwil yn cwmpasu'r meysydd canlynol, sy'n rhychwantu'r holl grwpiau ymchwil yn y CNGG:
Dadansoddiad o amrywiad genetig cyffredin (SNP)
Rydym wedi cynnal astudiaethau cysylltiad genom-gyfan (GWAS) ar samplau mawr o anhwylderau niwroddirywiol a seiciatrig, yn benodol sgitsoffrenia, ADHD, clefyd Alzheimer sy'n dechrau’n hwyr a chlefyd Huntington.
Dadansoddiad o amrywiad genetig prin
Rydym hefyd yn dadansoddi data sglodyn ecsom a dilyniannu i ddarganfod amrywiadau prin unigol sy'n gysylltiedig â risg clefyd, gyda diddordeb arbennig mewn amrywiadau denovo. Rydym hefyd yn astudio amrywiadau rhif copi prin (CNVs) ar gyfer cysylltiad â chlefyd, mewn samplau rheoli achos a denovo.
Integreiddio data biowybodeg gyda data genetig
Mae gennym ddiddordeb arbennig yn natblygiad a chymhwysiad dulliau i brofi ar gyfer cyfoethogi signal genetig mewn setiau genynnau (llwybrau). Gellir cael y rhain o gronfeydd data neu drwy brofi mynegiant neu rwydweithiau rhyngweithio protein. Mae'r dulliau hyn wedi cael eu cymhwyso’n llwyddiannus i astudiaethau GWAS a CNV.
Agregu amrywiad genetig
Rydym wedi datblygu methodoleg ar gyfer agregu amrywiad genetig ar y lefel gennyn a llwybr, ac wedi defnyddio hwn o fewn clefydau i ddod o hyd i loci rhagdueddiad newydd ac ar draws clefydau i ganfod rhagdueddiad genetig a rennir. Ar hyn o bryd, mae gennym ddiddordeb mewn datblygu dulliau i gyfuno gwahanol fathau o amrywiad genetig (SNPs, amrywiadau denovo, CNVs) i mewn i un dadansoddiad.
Dadansoddiad ffenoteip
Mae'r dulliau dadansoddi genetig a ddisgrifir uchod yn cael eu cymhwyso i gyfoeth o ddata clinigol a ffenotypig, yn enwedig data delweddu.
Cydweithrediadau
Mae ein haelodau'n weithgar mewn nifer o gonsortia rhyngwladol, yn enwedig y Consortiwm Genomeg Seiciatrig (PGC), y Prosiect Genomeg Clefyd Alzheimer Rhyngwladol (IGAP) a'r Consortiwm Genomeg Clefyd Parkinson Rhyngwladol (IPDGC).
Addysgu a hyfforddi
Yn ogystal â'n cynnyrch ymchwil, rydym yn cymryd rhan weithredol mewn hyfforddi myfyrwyr ac ymchwilwyr drwy'r MSc mewn Biowybodeg ac Epidemioleg Genetig
Arweinydd thema
![Yr Athro Peter Holmans](https://cardiff.imgix.net/__data/assets/image/0004/127183/Peter-Holmans_square.jpg?w=120&h=120&auto=format&crop=faces&fit=crop)
Yr Athro Peter Holmans
Professor of Biostatistics & Genetic Epidemiology
- holmanspa@caerdydd.ac.uk
- +44 (0)29 2068 8427
Prif ymchwilwyr
![Yr Athro Valentina Escott-Price](https://cardiff.imgix.net/__data/assets/image/0009/125685/EscottPriceV_square.jpg?w=120&h=120&auto=format&crop=faces&fit=crop)
Yr Athro Valentina Escott-Price
Reader, Division of Psychological Medicine and Clinical Neurosciences
- escottpricev@caerdydd.ac.uk
- +44 (0)29 2068 8429
![Dr Andrew Pocklington](https://cardiff.imgix.net/__data/assets/image/0007/2448664/126648-1600429810591.jpeg?w=120&h=120&auto=format&crop=faces&fit=crop)
Dr Andrew Pocklington
Senior Lecturer, Division of Psychological Medicine and Clinical Neurosciences
- pocklingtonaj@caerdydd.ac.uk
- +44 (0)29 2068 8428
![Richard Anney](https://cardiff.imgix.net/__data/assets/image/0005/2516666/131329-1619690607638.jpeg?w=120&h=120&auto=format&crop=faces&fit=crop)
Richard Anney
Senior Lecturer in Bioinformatics, Division of Psychological Medicine and Clinical Neurosciences
- anneyr@caerdydd.ac.uk
- +44 (0)29 208 8390