Grŵp Cynwysoldeb mewn Astudiaethau

Yng Ngrŵp Cynwysoldeb mewn Astudiaethau y Ganolfan Treialon Ymchwil (CTR) ceir grŵp o ymchwilwyr sydd â diddordeb yn y gwaith o flaenoriaethu cynwysoldeb a phartneriaid ymchwil sy'n arwain, yn cynghori ac yn cefnogi gwaith y grŵp.

Pwysigrwydd cynhwysiant mewn ymchwil

Mae cynnal ymchwil yn hanfodol i wella iechyd a lles, ond ni all pawb gymryd rhan yn hawdd mewn astudiaethau ymchwil. Mae gofyn i ymchwil fod yn gynhwysol ac yn hygyrch er mwyn sicrhau bod anghenion pob grwp perthnasol yn cael eu diwallu, bod y broses a'r canlyniadau yn cael eu deall a'u bod yn berthnasol iddynt, a bod ganddynt gyfle cyfartal i gymryd rhan mewn ymchwil ac i elwa ohono.

Dylid gwreiddio egwyddorion cydraddoldeb, amrywiaeth a chynwysoldeb drwy gydol y broses ymchwil gyfan. Mae hyn yn cynnwys penderfynu pa ymchwil y dylid ei wneud, sicrhau bod astudiaethau’n cael eu dylunio mewn ffordd sy’n bwysig i’r rhai sy’n cymryd rhan, a bod y canlyniadau’n cael eu rhannu â phawb dan sylw. Mae sicrhau bod ymchwil yn gynhwysol yn flaenoriaeth i sefydliadau sy'n ariannu ymchwil a'r rhai sy'n gyfrifol am ei goruchwylio.

Cynwysoldeb CTR mewn Astudiaethau Grŵp

Mae'r grŵp yn gweithredu fel canolbwynt ar gyfer arweiniad cynhwysiant o fewn CTR, a chyda chydweithwyr y tu allan i'r Ganolfan. Rydym yn darparu cyngor a chefnogaeth ar gyfer y gweithgareddau canlynol:

cynllunio i gynhwysiant mewn ymchwil glinigol a chefnogi gwelliannau lle mae heriau yn bodoli
hyrwyddo hyfforddiant a datblygiad yng nghynwysoldeb mewn ymchwil glinigol i aelodau staff CTR a Phartneriaid Ymchwil
monitro ac amlygu gweithgareddau cynwysoldeb ac arferion gorau yn y Ganolfan
ymgysylltu â staff a chydweithwyr y Ganolfan yn sgil cyfarfodydd a sianeli cyfathrebu eraill megis blogiau neu ddolenni gwefannau neu dudalennau gwe’r Brifysgol
hyrwyddo cynwysoldeb ymhlith grwpiau ac unigolion perthnasol y tu allan i'r Ganolfan Treialon Ymchwil
arwain ymchwil mewn dulliau sy’n cynnwys poblogaethau sydd heb eu gwasanaethu’n ddigonol ym maes ymchwil.

Astudiaethau achos

STEADFAST: Deilliannau Addysg ymhlith Pobl Ifanc â Diabetes: Llywodraethu ac Ymwneud Arloesol i Feithrin Ymddiriedaeth y Cyhoedd

Prosiect ar y cyd oedd STEADFAST, gyda'r nod o ddatblygu ffyrdd cynhwysol o roi gwybodaeth i bobl ifanc, ymgysylltu â nhw a’u cynnwys mewn trafodaethau ynghylch y defnydd o ddata a gesglir yn rheolaidd ganddyn nhw mewn ymchwil i ateb cwestiynau pwysig, gan gefnogi polisïau sy’n seiliedig ar dystiolaeth.

Talking Trials Participants holding up a picture of community generated artwork

Trafod Treialon: Cynnwys lleisiau pobl o gefndiroedd ethnig leiafrifol mewn ymchwil iechyd

Daeth y prosiect Trafod Treialon â grŵp o gyd-ymchwilwyr o gefndiroedd ethnig amrywiol at ei gilydd i drafod ymchwil iechyd a gwneud argymhellion ystyrlon i randdeiliaid treialon clinigol i hwyluso ymgysylltiad cynhwysol a chynhwysiant mewn ymchwil iechyd.