Cyfrif Sbarduno Effaith Cyngor Ymchwil Peirianneg a'r Gwyddorau Ffisegol

Mae Cyfrif Sbarduno Effaith Cyngor Ymchwil Peirianneg a'r Gwyddorau Ffisegol (EPSRC) yn helpu i bontio'r bwlch rhwng ein hymchwil a'i hallbynnau.

Mae'r cyfrif hwn bellach yn ariannu prosiectau drwy'r Cyfrif Sbarduno Effaith wedi’i Gysoni.

Mae prosiectau llwyddiannus yn ymgysylltu â'r cyhoedd a byd diwydiant drwy arloesi gyda'r nod o effeithio ar y gymdeithas a'r economi mewn ffyrdd cynaliadwy a chadarn.

Nodau

• hyrwyddo cyfnewid gwybodaeth a symudiad pobl drwy roi cymorth ar gyfer lleoliadau’r ddwy ffordd ym myd diwydiant, adrannau'r llywodraeth a byrddau iechyd
• cefnogi’r broses o brocera partneriaethau ac ymchwil i'r farchnad er mwyn deall y maes yn well ar y dechrau ac annog defnyddwyr terfynol a busnesau i hwyluso'r gwaith o ddad-beryglu buddsoddiad cyn ymrwymo rhagor o adnoddau neu gyllid
• cefnogi’r gwaith o fasnacheiddio gweithgareddau effaith cam cynnar drwy ddichonoldeb y dechnoleg ac astudiaethau prawf o gysyniad
• cynyddu’r graddau rydyn ni’n ymgysylltu ag ymchwilwyr, gan dargedu ymchwilwyr ar ddechrau eu gyrfa i'w cynnwys yn agenda effaith

Canlyniadau

• mae ymchwilwyr wedi meithrin gallu, gwybodaeth a sgiliau wrth greu effaith
• datblygu prosiectau newydd gyda phartneriaid allanol sy'n diwallu anghenion defnyddwyr a rhanddeiliaid
• lleoedd preswyl a lleoliadau newydd ar gyfer staff y Brifysgol, yn ogystal â staff sefydliadau allanol
• sicrhau prosiectau dilynol yn sgil ein gweithgareddau effaith drwy gyllid allanol a datblygiadau a noddir gan fyd diwydiant
• ehangu cyfleoedd ar y cyd sy'n cefnogi ein hymchwilwyr i weithio gyda phrifysgolion eraill yng Nghymru a'n prifysgolion partner yn GW4

Cyllid

Yn sgil IAA yr EPSRC clustnodwyd tua £908,000 i'n hymchwilwyr rhwng 2017 a 2022, gan ariannu 48 o brosiectau a gafodd effaith.

Rhwng 2022 a 2025, mae IAA yr EPSRC wedi cyfrannu cyllid tuag at alwad wedi’i gysoni cyntaf y Brifysgol gwerth £1,229,204 a bydd yn parhau i ariannu prosiectau newydd sy'n cyflawni dyheadau'r Cyngor.

Bydd yr alwad nesaf yn cael ei lansio ar 9 Mai 2023 a bydd ar agor am 9 wythnos. Rhaid cyflwyno cais erbyn 12 Gorffennaf 2023 a bydd paneli penderfynu yn cael eu cynnal ym mis Medi 2023.  Bydd canlyniadau ceisiadau yn cael eu cyhoeddi ym mis Hydref 2023, mae prosiectau llwyddiannus yn para hyd at 12 mis

Astudiaethau achos

Arweinydd Strategol

Yr Athro Jo Patterson yw Arweinydd Strategol IAA yr ESPRC ac mae Simon Broadbent (Swyddog Effaith, Gwasanaethau Ymchwil ac Arloesi) yn ei chefnogi.

Cysylltu â ni