Cyfrif Cyflymu Effaith y Cyngor Cyfleusterau Gwyddoniaeth a Thechnoleg

Ffocws Cyfrif Cyflymu Effaith y Cyngor Cyfleusterau Gwyddoniaeth a Thechnoleg yw cefnogi gwaith prawf cysyniad a dangos dichonoldeb dulliau ymchwil neu syniadau penodol.

Mae'r cyfrif hwn bellach yn ariannu prosiectau drwy'r Cyfrif Cyflymu Effaith wedi’i Gysoni.

Mae ein prosiectau'n cyflymu allbynnau ymchwil er mwyn iddynt gael eu defnyddio gan ddefnyddwyr terfynol drwy droi ymchwil ffiseg a seryddiaeth yn weithgareddau sy'n cael effaith ar raddfa hygyrch ac ar lawr gwlad. Rydym wedi ymrwymo i ehangu sut rydym yn deall y bydysawd – o'r agwedd leiaf i ddimensiynau seryddol.

Nodau

• cefnogi’r gwaith o droi allbynnau ymchwil yn dechnolegau, prosesau a dulliau arloesol ar gam cynnar
• deall anghenion marchnad yr ymchwil a wnawn i gynyddu ymgysylltiad â pholisïau, y diwydiant a chymunedau ledled y byd
• ysbrydoli'r genhedlaeth nesaf o fyfyrwyr i ddilyn gyrfaoedd mewn pynciau gwyddonol a thechnolegol

Canlyniadau

• ymchwilwyr wedi datblygu’r gallu, y wybodaeth a’r sgiliau i sicrhau effaith
• mwy o dechnolegau masnachol posibl wedi’u datgelu, patentau wedi’u cofnodi a thechnolegau a phrosesau wedi'u trwyddedu
• prosiectau wedi ysgogi newidiadau i bolisïau ar sail ymchwil wyddonol gref, llwybrau effaith gwell a phartneriaethau newydd

Cyllid

Mae cyllid Cyfrif Cyflymu Effaith y Cyngor Cyfleusterau Gwyddoniaeth a Thechnoleg wedi'i ddyrannu mewn tri maes cyffredinol:

Ymgysylltu â busnes

Secondiadau byr i’r byd busnes neu oddi yno neu ddigwyddiadau arddangos i gyflwyno busnesau i ymchwil gymhwysol

Prawf cysyniad

Llu o waith technegol sy’n amrywio o ran dyfnder a hyd yn troi syniadau unigryw yn effaith

Asesiad o botensial masnachol

Arolygon marchnad wedi’u cynnal ar gyfer technolegau newydd i warantu ein bod yn cyflawni'r hyn sydd ei angen ar y diwydiant a'r cyhoedd a sicrhau newid gwirioneddol a chadarnhaol

Rhwng 2022 a 2025, mae Cyfrif Cyflymu Effaith y Cyngor Cyfleusterau Gwyddoniaeth a Thechnoleg wedi cyfrannu £150,000 at alwad gyntaf Cyfrif Cyflymu Effaith wedi’i Gysoni y Brifysgol, a bydd yn parhau i ariannu prosiectau newydd sy'n cyflawni dyheadau'r Cyngor.

Bydd yr alwad nesaf yn cael ei lansio ar 9 Mai 2023 ac yn para 9 wythnos. Rhaid cyflwyno'r cais erbyn 12 Gorffennaf 2023 a chynhelir paneli penderfynu ym mis Medi 2023.  Bydd canlyniadau ymgeisio yn cael eu cyhoeddi ym mis Hydref 2023; bydd prosiectau llwyddiannus yn digwydd dros gyfnod o hyd at 12 mis.

Astudiaethau achos

Yr Athro Marc Pera Titus yw Arweinydd Strategol Cyfrif Cyflymu Effaith y Cyngor Cyfleusterau Gwyddoniaeth a Thechnoleg. Mae’n cael ei gefnogi gan Simon Broadbent (Swyddog Effaith, Gwasanaethau Ymchwil ac Arloesedd).

Cysylltu â ni