Seicoleg
Pam astudio gyda ni?
Achredir gan y BPS
Mae’r rhaglen hon yn bodloni’r safonau uchel eu hansawdd ar gyfer addysg a amlinellir gan Gymdeithas Seicolegol Prydain (BPS).
Ymhlith y 10 uchaf
Cawson ni ein rhestru ymhlith y 10 prifysgol orau yn y DU ar gyfer seicoleg yn The Complete University Guide 2024.
Cael profiad proffesiynol wrth astudio ar gyfer eich gradd
Rydym yn un o lond dwrn o Ysgolion Seicoleg sy’n cynnig y cyfle i chi gael profiad proffesiynol yn rhan o’n cwrs BSc Seicoleg gyda Lleoliad Gwaith Proffesiynol.
Mae ymchwilwyr o fri rhyngwladol yn cyfrannu at ddylunio'r cwrs a'i gyflwyno
Mae 95% o'n hymchwil yn arwain y byd neu'n rhagorol yn rhyngwladol (REF 2021). Cewch eich addysgu gan ymchwilwyr sy'n gweithio ar draws sbectrwm seicoleg i fynd i'r afael â heriau mawr sy'n wynebu cymdeithas a'r amgylchedd.
96% o gyflogaeth
Mae 96% o'n graddedigion yn cael eu cyflogi, mewn astudiaeth bellach, neu'r ddau 15 mis ar ôl cwblhau eu cwrs. (Arolwg Canlyniadau Graddedigion 2021/22)
Cyrsiau
Blwyddyn mynediad
Mae’r cwrs yn ymdrin ag amrywiaeth eang o bynciau – gan roi cyfle i bob myfyriwr archwilio ei ddiddordebau. Yn benodol, roeddwn yn gweld bod blwyddyn y Lleoliad opsiynol o fudd; roedd wedi fy helpu i weld cynnwys y cwrs o safbwynt mwy cymhwysol, yn ogystal â rhoi’r hyder a’r sgiliau i mi ddilyn fy llwybr gyrfaol dewisol!
Darlithoedd rhagflasu
Gwneud penderfyniadau
Mefus neu fanila? Esgidiau arferol neu rai chwaraeon? Rydym yn gwneud rhai dewisiadau yn gyflym ac yn ddi-feddwl, tra bod penderfyniadau eraill yn cymryd llawer mwy o amser i ni ac yn aml yn ein poeni. Darganfyddwch y seicoleg y tu ôl i wneud penderfyniadau yn y ddarlith ragflas hon a draddodwyd gan yr Athro Marc Buehner, sy'n addysgu modiwl gwneud penderfyniadau ar y cwrs.
Peirianneg cwsf
Mae cwsg yn hanfodol ar gyfer iechyd a gwybyddiaeth. Mae ein hymchwilwyr yn datblygu ffyrdd o drin cwsg (peirianneg cwsg), er mwyn gwella'r cof, lleddfu emosiynau negyddol, ac ymladd yn erbyn dirywiad gwybyddol heneiddio. Dewch i ddarganfod byd hynod ddiddorol peirianneg cwsg gyda'r Athro Penny Lewis.
Seicopathi a seicoleg fforensig
Pam bod troseddwyr yn cyflawni troseddau? Beth sy'n pennu a fyddent yn troseddu eto? Pam bod pobl yn dreisgar tuag at ei gilydd? Bydd yr Athro Robert Snowden yn mynd â chi ar daith ddarganfod i'r maes tywyll, ond diddorol, hwn o seicoleg.
Lleoliadau Gwaith
Mae gennym gytundebau gyda thros 100 o sefydliadau, a gallwn gynnig lleoliadau rhagorol mewn lleoliadau clinigol, fforensig, addysgol, sefydliadol, diwydiannol ac ymchwil.
Mae’r rhain ar gael yn lleol yng Nghaerdydd, ledled y DU, a thramor yn Ewrop a thu hwnt. Tra y byddwch ar leoliad, byddwch yn dal i gael eich cefnogi gan staff yr Ysgol, a fydd yn ymweld â’ch man gwaith ac yn sicrhau bod eich lleoliad yn cynnig gwerth i chi.
Cipolwg ar leoliadau
O ymchwil i wybyddiaeth primatiaid mewn gwarchodfa bywyd gwyllt i Gynorthwyydd Ymchwil yn Ysbyty Broadmoor - cewch glywed am yr hyn a wnaeth rhai o'n myfyrwyr ar eu blwyddyn ar leoliad yn rhan o'n BSc Seicoleg gyda Lleoliad Proffesiynol.
Eich gyrfa
Gall gradd mewn seicoleg roi amrywiaeth o ddewisiadau gyrfaol i chi ac mae seicolegwyr yn cael eu cyflogi’n fwyfwy aml mewn amrywiaeth o sectorau. Gan ddibynnu ar eich diddordebau, mae’n bosibl y byddwch am fynd ymlaen i fod yn seicolegydd clinigol, seicolegydd fforensig, seicolegydd iechyd, seicolegydd galwedigaethol, seicolegydd chwaraeon, seicolegydd addysgol, cwnselwr, ymchwilydd neu academydd.
Mae angen hyfforddiant ôl-raddedig penodol ar rai llwybrau gyrfa - mae ein rhaglenni ôl-raddedig yn gymysgeddau amrywiol o fodiwlau a addysgir, gwaith ymchwil ac arferion proffesiynol, ac maent yn arwain at amrywiaeth o ddewisiadau o ran gyrfa.
Ein Hysgol
Rydym yn angerddol am seicoleg ac mae ein Hysgol wedi’i hen sefydlu, mae ganddi adnoddau da, ac enw rhagorol yn rhyngwladol. Ynghyd â'n cyfleusterau ymchwil rhagorol, mae gennym hefyd gyfleusterau israddedig pwrpasol i sicrhau y cewch y profiad gorau posibl, gan gynnwys:
- Darlithfeydd newydd eu hadnewyddu
- Ystafell gyffredin i israddedigion gyda gofod astudio modern ac amrywiol
- Labordy cyfrifiadura
- Ystafelloedd ymchwil i fyfyrwyr israddedig wedi’u haddasu ar gyfer astudiaethau aml-gyfranogwyr
- Ystafelloedd seminar rhyngweithiol ynghyd ag arddangosfeydd clyfar
Adeilad y Tŵr yw ein prif ganolfan seicoleg ac mae wedi'i leoli yng nghanol campws Parc Cathays.
Mae seicoleg ddatblygiadol yn rhan allweddol o'n gradd
Myfyrwyr y tu allan i'n Canolfan Gwyddoniaeth Datblygiadol Dynol
Myfyrwyr sy'n astudio'r seicoleg y tu ôl i ganfyddiad sain
Myfyrwyr sy'n gwneud electroenceffalograffi (EEG)
Myfyrwyr sy'n gweithio yn ein Canolfan Gwyddorau Datblygiadol Dynol
Mae gan ein Hysgol ystafell gyffredin israddedig gyda lle astudio modern ac amrywiol.
Mae gennym gyfleusterau israddedig pwrpasol i sicrhau eich bod yn cael y profiad gorau posibl
Mae gennym ystod eang o gyfleusterau delweddu'r ymennydd datblygedig
Myfyrwyr sy'n cynnal arbrofion canfyddiad sain
Canolfan Ymchwil Delweddu'r Ymennydd Prifysgol Caerdydd (CUBRIC) - un o brif gyfleusterau delweddu Ewrop.
Rhagor o wybodaeth
Mae astudio seicoleg yng Nghaerdydd wedi bod o fudd mawr i mi, hyd yn oed mewn sefyllfaoedd cymdeithasol, gan fod popeth yr ydym ni’n ei ddysgu’n ddiddorol ac yn berthnasol; a phan mae tiwtorialau’n llawn cynnwys diddorol ac wedi’u haddysgu gan ddarlithwyr brwdfrydig a gwybodus tu hwnt, mae’n anodd peidio â chael eich ysbrydoli!
Darganfod Prifysgol Caerdydd
Y camau nesaf
Gweld ein cyrsiau seicoleg
Bwrw golwg ar ein cyrsiau
Lawrlwythwch lyfryn ein Hysgol
Dysgwch fwy am ein cyrsiau, yr Ysgol a’r Brifysgol yn ehangach.
Cysylltwch â ni
Cysylltwch â ni ar bob cyfrif os oes gennych unrhyw gwestiynau, boed yn rhai mawr neu’n rhai bach. Byddem wrth ein boddau yn clywed gennych chi.
Dilynwch ni ar Twitter
I gael hyd yn oed mwy o newyddion a diweddariadau - dilynwch ni @PsychCardiffUni.
Israddedig
Ymunwch â chymuned ragweithiol sydd â meddwl agored. Gyda'n gilydd, byddwn ni'n gweithio'n ddiwyd i adeiladu dyfodol gwell - i chi a'r byd i gyd.
Prospectws israddedig 2026
Archebu neu lawrlwytho copi o’n prosbectws, llyfrynnau pwnc, neu lyfrynnau eraill.
Cysylltwch â ni
Cysylltwch os oes gennych gwestiwn am astudio gyda ni.