Fferylliaeth
Mae gennym ddiddordeb angerddol mewn fferylliaeth, ac rydym yn falch o fod yn un o Ysgolion Fferylliaeth gorau'r DU. Mae ein cwrs MPharm yn ceisio eich galluogi i archwilio gwahanol agweddau ar fferylliaeth fodern cyn dechrau ar eich gyrfa. Gobeithio y byddwch yn ymuno â'n cymuned gefnogol a chroesawgar wrth i chi ddechrau ar eich taith gyffrous i wella bywydau cleifion.
Pam astudio gyda ni?
100 mlynedd o ragoriaeth mewn addysgu ac ymchwil
Rydym yn Ysgol glos a hirsefydlog ar ôl dathlu ein canmlwyddiant yn ddiweddar.
Ysgol Fferylliaeth a Gwyddorau Fferyllol Uchaf
Yn ôl The Complete University Guide 2020, rydym ymlith yr Ysgolion gorau yng Nghymru a Lloegr,
Yr Ysgol Fferylliaeth a Gwyddorau Fferyllol gyntaf ar y cyd ar gyfer ymchwil
Yn y Fframwaith Rhagoriaeth Ymchwil, rydym yn un o’r ddwy Ysgol Fferylliaeth orau ar gyfer ansawdd ac effaith ein hymchwil.
Datblygu ymarferwyr fferyllol o'r safon uchaf
Pasiodd 82% o'n myfyrwyr a safodd arholiad cyn-gofrestru'r Cyngor Fferyllol Cyffredinol yn 2019 y tro cyntaf, sy'n uwch na'r cyfartaledd cenedlaethol cyffredinol o 72%
Rhagolygon gyrfa gwych
Mae 100% o'n graddedigion mewn cyflogaeth a/neu'n astudio ymhellach chwe mis ar ôl graddio.
Cryfhau gwasanaethau fferyllol
Mae gennym ystod o weithgareddau addysgu trwy gyfrwng y Gymraeg a ddyluniwyd ar gyfer myfyrwyr a dysgwyr Cymraeg er budd darparu gofal iechyd.
Cyrsiau
Blwyddyn mynediad
Ein sgwrs
Cyflwyniad i'n cwrs israddedig MPharm
Mae'r fideo hon gan ein Cyfarwyddwr Derbyniadau a Recriwtio, Dr Allan Cosslett, yn rhoi trosolwg cynhwysfawr ar sut i ddod yn fferyllydd, yr opsiynau gyrfa amrywiol sydd ar gael ichi ynghyd â gwybodaeth am ein cwrs MPharm ac ein Hysgol. Peidiwch â cholli ein hawgrymiadau ar gyfer gwneud cais!
Beth mae fferyllwyr heddiw yn ei wneud
Mae fferyllwyr yn arbenigwyr ym maes cyffuriau a meddyginiaethau a gallant fod yn rhan o unrhyw agwedd ar baratoi a defnyddio cyffuriau. Mae hynny'n cynnwys darganfod meddyginiaethau, dod o hyd i'r ffordd orau i roi cyffuriau, eu cyflenwi i gleifion a gwneud y gorau o therapi cyffuriau.
Mae llawer o fferyllwyr heddiw bellach yn gymwys i ragnodi meddyginiaethau yn annibynnol ar feddyg ac maent ar reng flaen y ddarpariaeth gofal iechyd. Maent yn chwarae rhan ganolog wrth gefnogi cleifion a gwella eu hiechyd a'u lles.
Darganfyddwch fwy am ein Hysgol
Rydym yn angerddol am y proffesiwn fferylliaeth. Mae ein haddysgu yn cael ei lywio a'i gefnogi gan ein hymchwil a gydnabyddir yn rhyngwladol. Mae ein tîm o ymchwilwyr sy’n arwain y byd yn gweithio ar ddarganfod, datblygu a defnyddio cyffuriau a meddyginiaethau i fynd i’r afael â rhai o’r cyflyrau meddygol mwyaf gwanychol a bygwth bywyd fel Clefyd Alzheimer, Clefyd Parkinson, canser, diabetes a chlefydau heintus.
Darganfyddwch fwy am ein Hysgol a ymchwil arloesol a sut mae ein hymchwilwyr ymroddedig yn paratoi'r ffordd wrth greu dulliau newydd ac effeithiol ar gyfer cyflwyno'r cyffuriau hyn ac archwilio sut y gellir eu defnyddio i drin afiechyd yn well. Yr un tîm o ymchwilwyr ydyw, yn ogystal ag ymarferwyr arbenigol allanol, sy'n dysgu ein myfyrwyr fferylliaeth ac yn ysbrydoli ymchwil y dyfodol.
Y peth gorau am yr MPharm yw cael eich addysgu gan staff sy'n arwain y byd yn eu meysydd. Rydyn ni'n cael siarad â phobl sy'n siapio byd fferylliaeth, ac yn gwneud yr ymchwil a'r datblygu a fydd yn sail i driniaethau'r dyfodol. Rwyf wedi cael cyfle i dreulio amser dramor, cael fy newis ar gyfer sawl gwobr a chynrychioli ein corff proffesiynol, yr RPS. Rwyf wedi cael amser gwych yma.
Sut rydyn ni'n addysgu a barn ein myfyrwyr amdanon ni
Caiff myfyrwyr eu harfogi â nifer o'r sgiliau bydd angen arnynt ar gyfer uwch-ymarfer fferyllol.
Mae ein labordy Ymarfer Fferylliaeth yn rhoi'r cyfle i fyfyrwyr ddysgu sut i ddosbarthu meddyginiaethau.
Mae gan ein hystafelloedd ymgynghori yr holl offer sydd angen i fyfyrwyr gael profi ymarfer Fferylliaeth.
Mae ein myfyrwyr yn derbyn profiad ymarferol a hyfforddiant er mwyn eu paratoi am eu gyrfaoedd yn y dyfodol.
Mae gan ein Hysgol labordai modern ar gyfer addysgu a gwersi ymarferol.
Myfyrwyr MPharm yn gwneud arbrawf fel rhan o sesiwn ymarferol.
Myfyrwyr yn ein hystafell GMP lle caiff meddyginiaethau go iawn eu creu.
Addysgir ein myfyrwyr gan dîm o ymchwilwyr sy’n arwain y byd.
Our students benefit from patient-focused education.
Myfyrwyr yn astudio yn Adeilad Redwood, sef lleoliad yr Ysgol Fferylliaeth a Gwyddorau Fferyllol.
Yr ardal gymdeithasol i fyfyrwyr yn Adeilad Redwood.
Adeilad Redwood
Darganfod Prifysgol Caerdydd
Camau nesaf
Gweld ein llyfryn fferyllfa
Lawrlwytho llyfryn
Prosbectws israddedig
Gweld ein llyfryn
Cysylltwch
Cyflwynwch eich cwestiwn trwy ein ffurflen ymholiadau a byddwn yn cysylltu â chi cyn gynted â phosibl.
Sut i wneud cais
Popeth y mae angen i chi ei wybod am ein proses ymgeisio.
Pynciau eraill a allai fod o ddiddordeb i chi
Israddedig
Gyda dewis o dros 300 o gyrsiau, ymunwch â ni a manteisiwch o’n cyfleusterau gwych, profiad myfyrwyr da, ac fel myfyriwr graddedig, bod ymhlith galw mawr gan gyflogwyr blaenllaw.
Prospectws israddedig 2024
Archebu neu lawrlwytho copi o’n prosbectws, llyfrynnau pwnc, neu lyfrynnau eraill.