Newyddiaduraeth Darlledu (MA)

Sut y caf fy addysgu?

Y diwrnodau cynhyrchu newyddion yw craidd y cwrs - profiad dwys, amser real lle byddwch chi a'ch tîm yn ymgymryd â rolau newyddiadurwyr, golygyddion, cynhyrchwyr a chyflwynwyr. Byddwch yn mynd ar drywydd straeon, yn cynnal cyfweliadau, ysgrifennu sgriptiau, golygu fideo a sain, a darlledu newyddion ar draws platfformau teledu, radio, digidol a chymdeithasol

Ochr yn ochr â'r hyfforddiant ymarferol, bydd darlithoedd a seminarau dan arweiniad arbenigwyr yn dwysau eich dealltwriaeth o foeseg newyddiaduraeth, cyfraith y cyfryngau, ymgysylltu â chynulleidfaoedd, a'r dirwedd ddigidol sy'n esblygu. Mae'r cyfuniad o ddysgu ymarferol ac academaidd yn sicrhau y byddwch yn graddio'n newyddiadurwr aml-sgiliau yn barod ar gyfer y diwydiant.

Sut y caf fy asesu?

Mae asesiad y cwrs wedi'i gynllunio i adlewyrchu’r heriau mewn ystafell newyddion fodern. Cewch eich cloriannu trwy gyfuniad o asesiadau ffurfiannol a chrynodol, gan sicrhau eich bod yn datblygu sgiliau cynhyrchu ymarferol a dealltwriaeth dda o'r diwydiant.

Dylech ddisgwyl cyfuniad o'r canlynol:

• Diwrnodau newyddion byw – cynhyrchu a darlledu cynnwys dan bwysau amser real.
• Aseiniadau ymarferol – gan gynnwys adroddiadau teledu a radio, straeon newyddion digidol, a chynnwys cyfryngau cymdeithasol
• Adroddiadau ac arholiadau ysgrifenedig – yn cynnwys cyfraith y cyfryngau, moeseg, a rôl esblygol newyddiaduraeth.
• Portffolios myfyriol – dadansoddi eich gwaith a'ch datblygiad proffesiynol.

Bydd yr asesiadau amrywiol hyn yn eich paratoi ar gyfer natur gyflym, aml-blatfform newyddiaduraeth fodern ac yn sicrhau eich bod yn graddio gyda sylfaen gref o sgiliau ymarferol a damcaniaethol.

Sut y caf fy nghefnogi?

Bydd tiwtor personol yn cael ei neilltuo i chi i roi cymorth a chefnogaeth gydag anghenion academaidd a bugeiliol. Bydd eich tiwtor personol ar gael pan fydd arnoch angen trafod cynnydd, cael cyngor ac arweiniad, yn ôl yr angen.

Bydd gwasanaethau Cymorth i Fyfyrwyr yr ysgol, ac adnoddau ehangach y brifysgol, ar gael i’ch cefnogi hefyd.

Byddwch yn cael tiwtorialau rheolaidd gyda chyfarwyddwyr rhaglenni/tiwtoriaid personol yn ogystal â'r cyfle i gwrdd â chydlynwyr modiwlau ar gais.

Adborth

Mae adborth yn cael ei ddarparu ar bob pwynt asesu ar gyfer asesiadau crynodol, ac mae adborth ffurfiannol yn cael ei ddarparu mewn sesiynau ymarferol a thrwy gydol yr addysgu.

Pa sgiliau y byddaf yn eu hymarfer a’u datblygu?

Ar ôl cwblhau'r cwrs hwn, byddwch yn gallu gwneud y canlynol:

• Canfod ac ymchwilio i straeon newyddion wedi’u targedu at gynulleidfa benodol, a’u cynhyrchu a’u dosbarthu yn unol â dyddiad cwblhau y cytunwyd arno.
• Ysgrifennu copi cywir, cryno sy'n deg, yn gytbwys ac yn addas ar gyfer darlledu a phlatfformau digidol eraill.
• Defnyddio amrywiaeth o feddalwedd a chaledwedd i recordio, golygu a chyhoeddi cynnwys.
• Cyflwyno deunydd byw ac wedi’i recordio yn hyderus, ac mewn modd cywir a sgyrsiol.

Gwybodaeth a dealltwriaeth

Ar ôl cwblhau'r cwrs dylech fod yn:

• Gallu disgrifio egwyddorion, theori, athroniaeth, moeseg, cyfraith ac ymarfer newyddiaduraeth, yn enwedig newyddiaduraeth ddarlledu.
• Datblygu gwerthoedd newyddion proffesiynol ac yn gallu eu defnyddio i nodi straeon priodol a defnyddio'r wybodaeth hon i ysgrifennu neu gynhyrchu darnau effeithiol o newyddiaduraeth ddarlledu a digidol fel arall.
• Derbyn sut i addasu'r deunydd hwn i anghenion gwahanol gynulleidfaoedd, platfformau ac amcanion golygyddol.
• Gallu dangos eich bod yn gallu defnyddio darnau perthnasol o galedwedd a meddalwedd darlledu.

Sgiliau deallusol

Ar ôl cwblhau'r cwrs dylech fod yn:

• Dangos ymwybyddiaeth o rôl y newyddiadurwr darlledu ar draws ystod o allbynnau ar draws y diwydiant.
• Gallu dadansoddi deunydd a ddarlledir gan wahanol sefydliadau newyddion a hynny’n feirniadol.
• Gallu cyfleu straeon cymhleth yn effeithiol ar gyfer radio, teledu a phlatfformau eraill o amrywiaeth o ffynonellau gwreiddiol ac eilaidd a gwybodaeth gefndir, gan ddefnyddio technegau priodol.
• Dangos y gallu i ddatblygu syniadau ar gyfer rhaglenni a'u cyfleu'n effeithiol i dîm o newyddiadurwyr.
• Derbyn y sgiliau a'r technegau golygyddol a gweinyddol sydd eu hangen i wireddu'r syniadau hyn.
• Dangos dealltwriaeth o'r sgiliau rheoli sydd eu hangen i arwain tîm o newyddiadurwyr.

Dealltwriaeth a phrofiad o’r canlynol:

• Y rolau sy'n gysylltiedig â newyddiaduraeth ddarlledu: golygydd, cynhyrchydd, gohebydd, newyddiadurwr cynhyrchu ac ati.
• Y sgiliau golygyddol ac ymarferol sydd eu hangen i greu trefn rhaglen briodol ar gyfer rhaglenni a bwletinau byrrach.
• Egwyddorion newyddiaduraeth symudol a digidol; profiad ymarferol o ddefnyddio’r rhain.
• Meddalwedd a chaledwedd cipio/golygu/chwarae ar gyfer radio, teledu a phlatfformau eraill.
• Yr ystod o rolau yn y stiwdio radio a'r oriel deledu.
• Defnyddio offer ar-lein/digidol i greu a thrin cynnwys ar gyfer amrywiaeth o blatfformau.
• Y ffyrdd mwyaf effeithiol o gyflwyno syniadau am straeon i gydweithwyr a gweithio'n effeithiol mewn ystafell newyddion.
• Canfod a datblygu cysylltiadau a ffynonellau eraill, naill ai drwy 'ardal' benodol neu'n fwy cyffredinol, er mwyn cynhyrchu straeon newyddion.
• Sut i gyflwyno sgriptiau darlledu, yn fyw ac wedi'u recordio ymlaen llaw, mewn modd proffesiynol.
• Technegau cyfweld effeithiol wrth ddelio â chyfranwyr.
• Defnyddio amrywiaeth o offer - ar gyfer radio a theledu - i gasglu cynnwys safonol ar gyfer darlledu.
• Defnyddio dyfais symudol i gasglu a dosbarthu cynnwys ar gyfer radio, teledu a phlatfformau eraill.
• Sut i weithio'n ddiogel ar leoliad.