Gofal Lliniarol
Mae'r tîm cyflwyno MSc/Diploma wedi datblygu'r cwrs DPP wyneb yn wyneb undydd hwn fel ymateb i'r cynnydd mewn morbidrwydd a marwolaethau o gyflyrau anwelladwy.
Mae'n cynnig sylfaen dda mewn meddygaeth a gofal lliniarol, gan gynnwys canser, dementia, cyflyrau resbiradol diwedd oes a chyflyrau cardiaidd diwedd oes.
Nid oes unrhyw ddyddiadau ar y gweill
Ar hyn o bryd, nid oes dyddiadau ar gael cyn bo hir ar gyfer y cwrs hwn, ond gallwch chi fynegi eich diddordeb. Byddwn ni mewn cysylltiad pan fydd dyddiad newydd ar gyfer y cwrs wedi cael ei drefnu.
Diolch
Rydych wedi llwyddo i gofrestru eich diddordeb yn y cwrs hwn. Byddwn yn cysylltu â chi os bydd dyddiadau newydd ar gael.
Ar gyfer pwy mae hwn
Mae'r cwrs aml-broffesiynol byr hwn yn addas i'r holl weithwyr iechyd proffesiynol mewn lleoliadau gofal iechyd gan gynnwys meddygon teulu, ymgynghorwyr a nyrsys arbenigol.
Beth fyddwch yn ei ddysgu
- rhagor o wybodaeth a hyder wrth ofalu am gleifion sydd ag anghenion gofal lliniarol
- sgiliau cyfathrebu, gan gynnwys gweithio gyda theuluoedd cleifion mewn gofal lliniarol
Pynciau dan sylw
- sgiliaucyfathrebu
- rheoli moeseg, poen a deliriwm
- gofal ym mlwyddyn olaf bywyd (symptomau, cynllunio, teuluoedd, effaith profedigaeth)
- gwella ansawdd - sesiwn ryngweithiol lle gofynnir i bob cynrychiolydd sôn am faes gofal lliniarol yr hoffent wella ynddo
Bydd yr addysgu'n seiliedig ar achosion gyda ffocws clinigol.
Manteision
Bydd cynrychiolwyr yn elwa o wybodaeth a hyder cynyddol wrth ofalu am gleifion gydag anghenion gofal lliniarol. Bydd adfyfyrio ar strategaethau sgiliau cyfathrebu a fframweithiau moesegol sy'n sail i ymarfer yn gwella perfformiad a bydd y sesiwn ar wella elfen o gyflwyno gofal lliniarol o fewn y tîm neu'r lleoliad yn fuddiol i'r gwasanaethau clinigol.
Mae sesiynau blaenorol wedi cael adborth rhagorol. Yn benodol, mae'r grŵp rhyngddisgyblaethol o ddysgwyr wedi bod yn llwyddiannus iawn o ran cynyddu gwybodaeth a dealltwriaeth o wahanol rolau mewn tîm a gweithio mewn tîm yn fwy effeithiol.
