Cyflwyniad i roi organau
Mae'r cwrs ar-lein hwn yn un o gyfres o dri gan y tîm Gofal Critigol yn yr Ysgol Meddygaeth. Mae'r cwrs hwn yn gyflwyniad i roi organau ac mae'n cynnwys pynciau fel cydsyniad, fframweithiau cyfreithiol a moesegol, ac arfer gorau.
Cwrs dysgu hunangyfeiriedig yw hwn, sy'n cynnwys tua 7-10 awr o astudio. Bydd y cynnwys ar gael trwy'r wythnos i chi weithio drwyddo yn eich amser eich hun. Bydd yn cynnwys elfen fyw gan y tîm Gofal Critigol ddydd Llun.
Cynigir pob sesiwn ar gyfradd gychwynnol o £50 yr un (ac mae gostyngiad o 10% ar gael os ydych yn cadw lle mewn dau gwrs neu ragor).
Ymrestru ar y cwrs hwn
| Dyddiad dechrau | Diwrnodau ac amseroedd |
|---|---|
| 11 Hydref 2021 | 18, 19, 20, 21, 22 Hydref 2021 |
| Ffi |
|---|
| £50 (gostyngiad ar gael pan fyddwch chi'n cadw lle ar fwy nag un sesiwn) |
Ar gyfer pwy mae hwn
Addas ar gyfer unrhyw weithiwr gofal iechyd proffesiynol sydd â diddordeb mewn rhoi organau sy'n ceisio ehangu eu gwybodaeth am y pwnc.
Gall fod yn arbennig o berthnasol i'r rhai sy'n gweithio mewn meysydd gofal acíwt a chritigol.
Beth fyddwch yn ei ddysgu
- Disgrifio cyd-destun rhoi organau yn y DU, gan gynnwys:
- Caniatâd/awdurdodiad
- Y fframweithiau cyfreithiol a moesegol, safonau cenedlaethol a chanllawiau arfer gorau
- Safbwyntiau diwylliannol/crefyddol.
- Disgrifio’r diagnosis o farwolaeth gan ddefnyddio meini prawf niwrolegol
- Disgrifio dulliau arfer gorau o roi organau ar ôl marwolaeth niwrolegol / yr ymennydd (DBD) a rhoi organau ar ôl marwolaeth cylchrediad y gwaed (DCD) gan gynnwys:
- Adnabod rhoddwyr posibl ac atgyfeirio at arbenigwyr mewn rhoi organau
- Asesiad rhoddwyr ar gyfer addasrwydd a gwrtharwyddion
- Torri newyddion drwg a'r dull teuluol
- Cael caniatâd/awdurdodiad
- Rôl optimeiddio rhoddwyr ar ddeilliannau'r organau a drawsblannir
- Dyrannu organau i'w trawsblannu
- Diffinio a chydnabod y potensial ar gyfer rhoi meinweoedd mewn ardaloedd clinigol amrywiol a'r gymuned a nodi meinweoedd y gellir eu rhoi i'w trawsblannu.
Ar ôl i chi gwblhau’r gweithdy, byddwch yn gallu:
Manteision
Mwy o wybodaeth a dealltwriaeth ynghylch rhoi organau.
Mae'r cwrs hwn wedi'i ddylunio'n benodol i'w gyflwyno’n gwbl rithwir; byddwch yn elwa ar sesiynau dan arweiniad tiwtoriaid, sesiynau wedi'u recordio ymlaen llaw ac ymarferion rhyngweithiol.
Anogir trafodaeth er mwyn i chi gael y cyfle i rwydweithio a chyfnewid syniadau gyda'ch cyfoedion.
Rydym wedi cyfyngu ar nifer y lleoedd er mwyn sicrhau eich bod yn cael y profiad dysgu gorau posibl.
