Ewch i’r prif gynnwys

Popular Music Collective

Trin a thrafod pob agwedd ar berfformiadau byw modern.

Mae'r Pop Collective yn cynnig cyfleoedd i fyfyrwyr drin a thrafod cerddoriaeth boblogaidd a byd perfformiadau byw.

Mae aelodau'r ensemble yn cyfuno eu sgiliau o ran ysgrifennu caneuon, recordio a fideograffeg o dan hyfforddiant y cyfarwyddwr Maddie Jones.

  • Clyweliad: Mae angen clyweliad
  • Cyfarwyddwr: Maddie Jones
  • Ymarferion: Dydd Iau, 19:00-21:00, Darlithfa Boyd

Mae'r Pop Collective yn agored i fyfyrwyr Ysgol Cerddoriaeth Prifysgol Caerdydd gyda chlyweliadau'n cael eu cynnal bob mis Medi. I gael rhagor o wybodaeth am glyweliadau, cysylltwch â Catherine Chapman.

Mae'r Pop Collective yn herio myfyrwyr i ychwanegu at eu profiad mewn bandiau a'u cyflwyno i ffyrdd newydd o berfformio a chynhyrchu cerddoriaeth.

Mae'r cyfarwyddwr Maddie Jones yn dod â chyfoeth o brofiad mewn perfformiadau byw a bydd yn gweithio gyda'r ensemble i ddylunio a chreu pob agwedd ar berfformiad byw.

Cyfarwyddwr: Maddie Jones

Photograph of Maddie Jones
Maddie Jones

Mae Maddie Jones yn gantores, cyfansoddwr caneuon, cynhyrchydd, gitarydd, pianydd, cyfansoddwr, cyfarwyddwr cerddorol, mentor, athrawes a chrëwr cynnwys sydd â phrofiad sylweddol o fentora cerddorion ifanc, yn enwedig drwy Brosiect Forté.

Mae ei gwaith fel cyfarwyddwr y Pop Collective yn cael ei gefnogi gan ei phrofiad mewn sbectrwm arddull eang. Gan berfformio fel MADI, mae hi wedi ennyn nifer o wobrau am ei gwaith.