Mentora staff

Ym Mhrifysgol Caerdydd, mae mentora’n cynnig cyfle datblygu dysgu buddiol ar gyfer y mentor a'r mentorai fel ei gilydd. Ar gyfer y mentorai, gall gynnig math hanfodol o gymorth ac ysbrydoliaeth ar wahanol adegau yng ngyrfa unigolyn; tra fel mentor, gallwch rannu a myfyrio ar brofiadau ar yr un pryd â gwerthfawrogi safbwyntiau newydd a dysgu sgiliau newydd.

Yng Nghaerdydd mae amrywiaeth o gyfleoedd mentora’n bodoli. Mae’r rhain yn cynnwys:

• Cynllun Mentora Menywod mewn Prifysgolion - cynllun Cymru gyfan sy'n ceisio hyrwyddo a hwyluso datblygiad proffesiynol menywod drwy sefydlu  partneriaethau mentora rhwng prifysgolion.
• Cynllun Mentora PgCUTL - Mae mentora’n chwarae rôl bwysig o ran cefnogi cyfranogwyr ar y rhaglen PgCUTL drwy drafod ffyrdd o ddefnyddio theorïau dysgu ac addysgu sy'n benodol i ddisgyblaethau penodol, yn ogystal â hwyluso myfyrio gan gynnal adolygiadau gan gyfoedion gyda’u mentoreion.
• Menter Mentora Coleg – Nod hwn yw cysylltu unigolion ar draws y sefydliad i helpu i ddarparu cymorth priodol i bobl ar wahanol lefelau dilyniant ac ar wahanol lwybrau gyrfa.

I gefnogi’r amryw raglenni mentora mae yna hefyd nifer o raglenni datblygu staff ar gael.