Mae Adolygiad Dysgu ac Addysgu Cymheiriaid (PRLT) yn ofyniad blynyddol i holl staff Prifysgol Caerdydd sydd â dyletswyddau dysgu ac addysgu sylweddol.

Mae PRLT, sy’n agwedd allweddol ar ddatblygiad proffesiynol, yn seiliedig ar gylch dysgu parhaus o fyfyrio, datblygu a gwella. Mae’n hanfodol bod PRLT yn cael ei gydnabod fel proses gefnogol sydd o fudd i’r adolygwr a’r adolygai fel ei gilydd; gyda thrafodaeth adeiladol yn lledaenu arfer gorau ac yn annog mwy o welliannau yn seiliedig ar dystiolaeth.

Diben PRLT yw bod yn broses hyblyg sy’n myfyrio ar yr amrywiaeth lawn o weithgareddau dysgu ac addysgu. Mae hyn yn cynnwys:

• Arsylwadau yn yr ystafell ddosbarth;
• Datblygu meini prawf asesu;
• Dylunio maes llafur cynhwysol; Cynnig adborth effeithiol;
• Ayyb.

Mae’r adran hon yn cynnig dewis o adnoddau i gefnogi gweithgareddau adolygu cymheiriaid, yn ogystal ag enghreifftiau o sut mae modelau amrywiol wedi’u gweithredu ym Mhrifysgol Caerdydd ac ar draws sefydliadau eraill.