Darpariaeth Cyfrwng Cymraeg

Mae’r galw am raddedigion sy’n gallu cyfathrebu yn Gymraeg yn cynyddu ac mae’r Brifysgol wedi ymrwymo i gynnig cyfleoedd i fyfyrwyr ddatblygu a gwella eu sgiliau Cymraeg.

Yn unol â’i Chynllun Iaith Gymraeg (2014) a datblygiadau ar draws y sector, mae Prifysgol Caerdydd yn ceisio ymgorffori’r iaith Gymraeg yn ei diwylliant a’i harferion gwaith yn ogystal â pharhau i ddatblygu ei darpariaeth addysg cyfrwng Cymraeg. Nod y Brifysgol yw cynnig darpariaeth cyfrwng Cymraeg o safon uchel sy’n cwmpasu pob agwedd ar brofiad y myfyrwyr.

Yn yr adran hon, fe welwch adnoddau gan staff sy’n chwilio am ffyrdd o gefnogi myfyrwyr sy’n siarad Cymraeg fel eu bod yn gallu datblygu eu sgiliau proffesiynol a gweithio’n hyderus yn Gymraeg neu’n ddwyieithog. Yn ogystal â deunyddiau sy’n ymwneud â darpariaeth addysgu cyfrwng Cymraeg, mae’r adran yn cynnwys adnoddau ar gyfer agweddau eraill ar gefnogi darpariaeth cyfrwng Cymraeg megis tiwtora personol, llythrennedd digidol a gwybodaeth, a sgiliau proffesiynol.