Cyrsiau Tsieinëeg
Rydym yn cynnig ystod o gyrsiau Tsieinëeg sy’n addas i ddechreuwyr yr holl ffordd at ddysgwyr uwch.
Gallwch gael mynediad at ein cyrsiau presennol fel dysgwr sy’n oedolyn, fel myfyriwr ym Mhrifysgol Caerdydd, neu fel ysgol leol yng Nghymru, neu gallwch gysylltu â ni i drafod eich gofynion dysgu penodol.
Dysgwyr sy'n oedolion
Rydym yn cynnig amrywiaeth eang o gyrsiau Tsieinëeg Mandarin wedi'u cynllunio'n benodol ar gyfer y cyhoedd ac sy'n cael eu cynnal gyda'r nos. Mae hyd at bedwar cyfnod derbyn y flwyddyn, yn dibynnu ar lefel eich cwrs, gan ddechrau ym mis Hydref, Ionawr, Ebrill a Mehefin. Darperir y cyrsiau drwy ddosbarthiadau dwy awr wythnosol, fel arfer dros gyfnod o 12 wythnos.
Mae ein cyrsiau Tsieinëeg i ddysgwyr sy'n oedolion ar gael trwy Dysgu Gydol Oes.
Myfyrwyr
Gall pob myfyriwr israddedig ac ôl-raddedig ym Mhrifysgol Caerdydd astudio Tsieinëeg yn rhad ac am ddim. Mae ein cyrsiau Tsieinëeg ar gael trwy'r rhaglen Ieithoedd i Bawb.
Ysgolion
Rydym yn cynnig amrywiaeth eang o gyrsiau mewn ysgolion, gyda'r nod o gyflwyno Tsieinëeg ar lefel dechreuwyr. Rydym hefyd yn darparu cyfleoedd hyfforddi ac addysgu iaith i athrawon sy’n dymuno cyflwyno Mandarin yn eu hysgol. Cysylltwch â’n Rheolwr Prosiect Ysgolion i gael gwybodaeth am gyrsiau Tsieinëeg ar gyfer ysgolion.
Ar gyfer dysgwyr unigol, mae gennym gysylltiadau hefyd â’r ysgolion Tsieinëeg niferus yng Nghaerdydd. Mae dolenni at eu gwefannau yma:
Ar gais, mae modd i ni gynnig gweithdai a chyrsiau pwrpasol ar y meysydd canlynol:
- Tsieinëeg
- diwylliant Tsieina
- moesau busnes Tsieineaidd
- system addysg Tsieina
- cefnogi disgyblion o Tsieina yn eich sefydliad
- briff cyn ymadael – delfrydol er mwyn gwneud y mwyaf o deithiau i Tsieina, boed yn daith hamdden, astudio neu fusnes
- cyrsiau eraill mewn ymateb i ofynion cleientiaid
Tystebau
Drwy ein holl weithgareddau, ein nod yw rhoi’r profiad gorau posib i’n myfyrwyr drwy sicrhau bod dysgu Tsieinëeg yn hwyl, yn gofiadwy, ac yn bwysicaf oll, yn ddefnyddiol. Yma mae rhai o’r sylwadau a’r adborth rydyn ni wedi’u cael gan ein myfyrwyr.
“Mae brwdfrydedd a dealltwriaeth athrawon y Sefydliad wedi fy ngalluogi i gyrraedd safon lle rydw i bellach yn teimlo’n hyderus yn defnyddio Mandarin mewn sefyllfaoedd busnes. Rydw i’n edrych ymlaen at weld beth sydd i ddod yn y dyfodol.”
“Fe wnaethon ni ddysgu am bynciau defnyddiol pob dydd a fyddai’n fuddiol wrth ymweld â Tsieina yn y dyfodol, neu ar gyfer sgwrsio â phobl Tsieineaidd yn y DU. Roedd y ramadeg yn ddiddorol iawn i fi, ac roeddwn i’n mwynhau cymryd rhan yn yr ymarferion chwarae rôl.”
“Ar ôl cyrraedd Caerdydd, fe wnes i rai gwersi Ieithoedd i Bawb. Fe wnes i rai ffrindiau Tsieineaidd, hefyd. Roedd hynny’n ffordd wych o ddysgu Tsieinëeg, oherwydd roeddwn i'n gallu treulio amser gyda nhw'n bwyta bwyd Tsieineaidd, yn siarad Mandarin a hefyd yn ceisio deall y negeseuon roedden nhw wedi eu hanfon ata i!”
“Roedd y tiwtor yn dda iawn yn cyfeirio ei hamser tuag at y myfyrwyr yr oedd angen amser ychwanegol arnyn nhw, er mwyn i bawb ar y cwrs fod ar yr un lefel hyfedredd yn gyffredinol.”
Cysylltwch â ni
Cysylltwch â ni am ragor o wybodaeth ar gyrsiau pwrpasol neu am y posibilrwydd o deilwra cwrs i gwrdd â'ch anghenion.
Sefydliad Confucius Caerdydd
Ymholiadau cyffredinol
Chwiliwch ein holl gyrsiau byr Tseiniaidd rhan-amser ar gyfer oedolion.
