Ewch i’r prif gynnwys

Tsieinëeg mewn ysgolion

Sefydlwyd Prosiect Ysgolion Cymru Tsieina i hyrwyddo'r iaith a diwylliant Tsieineaidd mewn ysgolion ledled Cymru drwy'r rhwydwaith Dosbarthiadau Confucius.

Ar hyn o bryd rydym yn gweithio gyda thri-deg o ysgolion sydd wedi cysylltu â ni drwy Brosiect Ysgolion Cymru Tsieina.

Rydym yn cynnig amrywiaeth o raglenni iaith Tsieinëeg i ysgolion cynradd ac uwchradd sy'n arwain at y HSK mewn ysgolion uwchradd, neu'r YCT mewn ysgolion cynradd. Gall ein tiwtoriaid Tsieinëeg hefyd weithio gydag ysgolion i gynnig gweithgareddau allgyrsiol drwy glybiau ar ôl ysgol a chlybiau amser cinio.

Ystafelloedd Dosbarth Confucius

Gall ysgolion sydd â diddordeb a hanes o gynnig Tsieinëeg wneud cais i ddod yn Ystafelloedd Dosbarth Confucius. Fel Ystafell Ddosbarth Confucius mae'r ysgol yn gymwys i gael arian gan Hanban i'w roi tuag at ariannu gwersi iaith a diwylliant Tsieineaidd. Mae pob Ystafell Ddosbarth Confucius hefyd yn cael tiwtor Hanban neilltuedig i gynnig gwersi Tsieinëeg yn yr ysgol ac ysgolion eraill yn ei rhwydwaith.

Ar hyn o bryd mae 19 o Ystafelloedd Dosbarth Confucius ledled Cymru; mae wyth ohonynt wedi eu rheoli gan Sefydliad Confucius Caerdydd, pump ohonynt gan Sefydliad Confucius Prifysgol y Drindod Dewi Sant, a chwech ohonynt gan Sefydliad Confucius Bangor. At ei gilydd, mae'r 19 o Ystafelloedd Dosbarth Confucius yn rhan o brosiect Ysgolion Cymru Tsieina ac yn cwrdd ddwywaith y flwyddyn i gael hyfforddiant a rhannu arferion gorau.

Mae ein Hystafelloedd Dosbarth wedi eu lleoli yn yr ysgolion canlynol ledled Cymru:

  • Lansdown Primary
  • St Cenydd Comprehensive
  • Ysgol Aberconwy
  • Eirias High School
  • Argoed High School
  • Cathays High School
  • Millbrook Primary School
  • Ysgol Cwm Rhymni
  • Ysgol Gyfun Emlyn
  • Ysgol Dyffryn Taf
  • Llandovery College
  • Ysgol Penglais
  • Ysgol Bryn Tawe
  • Crickhowell High School
  • Friars School, Bangor
  • Holyhead High
  • Our Lady’s RC School, Bangor
  • Ysgol Esgob Morgan
  • Ysgol Hirradug.

Wythnosau a diwrnodau blas ar Tsieina

Mae wythnosau a diwrnodau blas ar Tsieina yn galluogi disgyblion i gael dealltwriaeth sylfaenol o Tsieina ac iaith a diwylliant Tsieineaidd. Gellir teilwra gweithdai er mwyn diwallu anghenion y disgyblion ac ysgolion orau, a gallent gynnwys gweithgareddau fel:

  • Tai Chi
  • Coginio Tsieineaidd
  • Crefftau Tsieineaidd
  • Caligraffeg
  • Iaith Mandarin
  • Hanes Tsieina
  • Dawnsio ac ymarferion boreol Tsieineaidd
  • Caneuon Tsieinëeg
  • Paentio wynebau a phaentio masgiau traddodiadol Tsieineaidd

Gall ysgolion hefyd ddewis i gloi'r wythnos gyda chyflwyniad neu wasanaeth lle gall y disgyblion ddangos yr hyn maent wedi'i ddysgu i weddill yr ysgol a'r rhieni.

Cysylltu

Rachel Williams

Rachel Andrews

Rheolwr Prosiect Ysgolion Cymru Tsieina - Sefydliad Confucius Caerdydd

Email:
andrewsr11@caerdydd.ac.uk
Telephone:
+44 (0)29 2087 5216