Ffeiriau a digwyddiadau gyrfaoedd

Mae ein ffeiriau a'n digwyddiadau gyrfaoedd yn rhoi’r cyfle i fyfyrwyr gysylltu â chyn-fyfyrwyr a chyflogwyr, gan gynnig cipolwg gwerthfawr iddyn nhw ar swyddi i raddedigion, interniaethau a lleoliadau, yn ogystal â'u helpu i ddod o hyd i’w llwybrau gyrfaol yn y dyfodol.

Mae’n bleser gennym ni groesawu cyflogwyr i adeilad eiconig Canolfan Bywyd y Myfyrwyr yng nghanol y brifysgol, yn ogystal â nodi lleoliadau eraill ar y campws lle gallwch chi gwrdd â myfyrwyr.

Ffair Gyrfaoedd a Lleoliadau Gwaith

Dydd Mawrth 14 Hydref 2025

Ffair Gyrfaoedd yr Hydref sydd ar agor i bob disgyblaeth gradd.

P'un a ydych yn hyrwyddo swyddi i raddedigion, lleoliadau gwaith neu interniaethau, dyma ddigwyddiad perffaith i arddangos eich sefydliad a'ch cyfleoedd i gynulleidfa o fyfyrwyr amrywiol ac uchelgeisiol. Dewch i ymgysylltu ag israddedigion, ôl-raddedigion, a graddedigion diweddar o ystod amrywiol o ddisgyblaethau gradd.

Archebwch  eich lle yma.

Ffair STEM a Gwyddorau Bywyd

Dydd Mawrth 28 Hydref 2025

Dewch i gysylltu â myfyrwyr talentog o ddisgyblaethau gwyddoniaeth, technoleg, peirianneg, mathemateg a gwyddorau bywyd. P'un a ydych yn hyrwyddo swyddi i raddedigion, lleoliadau gwaith, neu interniaethau, mae’r digwyddiad yma’n gyfle i arddangos eich sefydliad a'ch cyfleoedd i gynulleidfa o fyfyrwyr uchelgeisiol a medrus ym mhob blwyddyn astudio.

Archebwch  eich lle yma.

Ffair y Gyfraith Prifysgol Caerdydd

Dydd Mercher 29 Hydref 2025

Dewch i ymgysylltu â myfyrwyr o'n rhaglenni LLB, LLM, BTC, LPC, GDL ac ôl-raddedig o bob blwyddyn astudio sy'n ymchwilio i yrfaoedd yn y sector cyfreithiol. P'un a ydych yn hyrwyddo interniaethau, contractau hyfforddi/profiad gwaith cymhwysol (QWE), cynlluniau dros y gwyliau a chyfleoedd eraill yn eich sefydliad, mae’r digwyddiad yma’n gyfle i arddangos eich sefydliad i'r genhedlaeth nesaf o weithwyr proffesiynol ym maes y gyfraith.

Archebwch  eich lle yma.

Ffair Gyrfaoedd y Gwanwyn

Dydd Mawrth 10 Mawrth 2026

Yr unig ffair gyrfaoedd sy'n digwydd yn nhymor y Gwanwyn, mae'r digwyddiad hwn yn gyfle gwerthfawr i gysylltu â chynulleidfa amrywiol ac uchelgeisiol o fyfyrwyr o bob blwyddyn a maes pwnc. P'un a ydych yn hyrwyddo swyddi ar ôl graddio, interniaethau neu gyfleoedd eraill, dyma gyfle delfrydol i arddangos eich sefydliad a'ch cyfleoedd.

Archebwch  eich lle yma.

Digwyddiadau gyda Chyflogwyr

Bydd ein tîm yn cyfarfod â chi i drafod y gweithgaredd gorau ar gyfer eich ymgyrch a’ch anghenion recriwtio, gan eich helpu i drefnu eich digwyddiad. Boed yn marchnata neu’n cadw lleoedd i fyfyrwyr, byddwn ni’n rheoli popeth ac yn rhoi cyngor cyn, yn ystod ac ar ôl y digwyddiad.

Rydyn ni’n argymell y canlynol:

• Cyflwyniadau gan Gyflogwyr gyda rhwydweithio a sesiwn holi ac ateb fyw
• Sesiynau sgiliau rhyngweithiol
• Trafodaethau Panel
• Digwyddiadau rhwydweithio ysgolion a’r rheiny sy’n sector-benodol
• Digwyddiadau Panel y Cyn-fyfyrwyr
• Stondinau gyda chyflogwyr
• Mewnwelediadau a theithiau o amgylch y Swyddfa
• Cyflwyno heriau yn y byd go iawn a phrosiectau sydd ar waith o fewn y cwricwlwm

Rhagor o wybodaeth

Mae croeso ichi gysylltu â'r tîm Ymgysylltu â Chyflogwyr i drafod eich anghenion recriwtio.